ಶಿಕ್ಷಕರಿಗೆ ಪಾಠ ಕಲಿಸಿ!

ಸರ್ಕಾರಿ ಶಾಲೆಗಳ ಈ ದುಸ್ಥಿತಿಗೆ ಕಾರಣವಾದರೂ ಏನು? ದಿನೇ ದಿನೇ ವಿದ್ಯಾರ್ಥಿಗಳ ಸಂಖ್ಯೆ ಇಳಿಕೆಯಾಗುತ್ತಿರುವುದೇಕೆ? ಇದರಲ್ಲಿ ಶಿಕ್ಷಕರು, ಸಮಾಜ, ಅಧಿಕಾರಿಗಳ ಪಾತ್ರ ಎಷ್ಟು? ಎಂಬ ಬಗ್ಗೆ ಯಾರೂ ಚಿಂತನೆ
ನಡೆಸಿದಂತಿಲ್ಲ.

ಶಾಲೆಗೆ ಹೋಗಬೇಕಾದ ಕೆಲವು ಶಿಕ್ಷಕರು ಬೇರೆಬೇರೆ ವ್ಯವಹಾರಗಳಲ್ಲಿ ತೊಡಗಿಕೊಂಡಿದ್ದಾರೆ, ರಾಜಕಾರಣಿಗಳ ಕಿಂಬಾಲಕರಾಗಿದ್ದಾರೆ. ಇವರಿಂದಾಗಿ ಇತರ ಶಿಕ್ಷಕರಿಗೂ ಕೆಟ್ಟ ಹೆಸರು ಬರುತ್ತಿದೆ. ಇಂಥ ಕೆಲವು ಶಿಕ್ಷಕರನ್ನು ಕಂಡ ಊರಿನ ಜನರು ತಮ್ಮ ಮಕ್ಕಳನ್ನು ಖಾಸಗಿ ಶಾಲೆಗೆ ಕಳುಹಿಸುತ್ತಾರೆ. ಸರ್ಕಾರ ಇಂಥ ಶಿಕ್ಷಕರನ್ನು ಗುರುತಿಸಿ ಅವರ ವಿರುದ್ಧ ಕ್ರಮ ಕೈಗೊಳ್ಳಬೇಕು. ಸರ್ಕಾರಿ ಶಾಲೆಗಳು ಹಿಂದಿನ ವೈಭವವನ್ನು ಪುನಃ ಪಡೆಯುವಂತಾಗಬೇಕು.

–ಮಂಜುನಾಥ ಸು.ಮ., ಚಿಂತಾಮಣಿ