ಕೊರೊನಾ: ಇಂಗ್ಲೆಂಡ್ ಮಾಜಿ ಕ್ರಿಕೆಟಿಗ ಪೀಟರ್‌ಸನ್‌ರಿಂದ ಹಿಂದಿಯಲ್ಲಿ ಜಾಗೃತಿ

‘ಭಾರತಕ್ಕೆ ಶುಭಾಶಯಗಳು. ಕೊರೊನಾ ವೈರಸ್‌ ವಿರುದ್ಧದ ಹೋರಾಟದಲ್ಲಿ ಪ್ರತಿಯೊಬ್ಬರು ಒಂದುಗೂಡಿದ್ದಾರೆ. ಸರ್ಕಾರದ ಸೂಚನೆಗಳನ್ನು ಪಾಲಿಸಬೇಕು. ಕೆಲವು ದಿನಗಳ ಕಾಲ ಮನೆಯಲ್ಲೇ ಇರಿ. ಇದು ಜಾಣರಾಗುವ ಸಮಯ’ ಎಂದು 39 ವರ್ಷದ ಆಟಗಾರ ಟ್ವಿಟರ್‌ನಲ್ಲಿ ಬರೆದುಕೊಂಡಿದ್ದಾರೆ.

ತನಗೆ ಹಿಂದಿ ಕಲಿಸಿದ ಶ್ರೇಯವು ವಿಕೆಟ್‌ ಕೀಪರ್‌ ಬ್ಯಾಟ್ಸಮನ್‌ ಗೋಸ್ವಾಮಿಗೆ ಸಲ್ಲಬೇಕು ಎಂದು ಪೀಟರಸನ್‌ ಹೇಳಿದ್ದಾರೆ. ಐಪಿಎಲ್‌ ಟೂರ್ನಿಯಲ್ಲಿ ಇವರಿಬ್ಬರು ರಾಯಲ್‌ ಚಾಲೆಂಜರ್ಸ್‌ ಬೆಂಗಳೂರು ತಂಡದ ಪರ ಕಣಕ್ಕಿಳಿದಿದ್ದರು.

ಈ ತಿಂಗಳ ಆರಂಭದಲ್ಲಿ ಘೇಂಡಾ ಮೃಗಗಳ ಸಂರಕ್ಷಣೆಯ ಕುರಿತು ಸಾಕ್ಷ್ಯಚಿತ್ರದ ಶೂಟಿಂಗ್‌ಗಾಗಿಪೀಟರ್‌ಸನ್‌, ಅಸ್ಸಾಂನಲ್ಲಿರುವ ಕಾಜೀರಂಗ ರಾಷ್ಟ್ರೀಯ ಉದ್ಯಾನಕ್ಕೆ ಭೇಟಿಕೊಟ್ಟಿದ್ದರು.