ಕ್ರಿಸ್‌ ಗೇಲ್, ಯುವರಾಜ್ ಮಾದರಿಯ ಬ್ಯಾಟ್ಸ್‌ಮನ್‌...ಯಾರು ಈ ಪೋರ...?

ಬೆಂಗಳೂರು : ಮೂರು ಎಸೆತಗಳು. ಒಂದು ಆಫ್ಸ್ಟಂಪ್ ಮತ್ತು ಮಿಡಲ್ ಸ್ಟಂಪ್ ಮೇಲೆ. ಮತ್ತೆರಡು ಆಫ್ ಸ್ಟಂಪಿಂದ ಹೊರಗೆ. ಈ ಮೂರೂ ಎಸೆತಗಳನ್ನು ಅಮೋಘ ಪದಚಲನೆಯ ಮೂಲಕ ದೂರಕ್ಕೆ ಅಟ್ಟಿದ ಆ ಪುಟಾಣಿ ’ಬ್ಯಾಟ್ಸ್ಮನ್‘ ಯಾರು...?

. ಭಾರತ ಕ್ರಿಕೆಟ್ ತಂಡದ ಮಾಜಿ ಆಟಗಾರ, ವೀಕ್ಷಕ ವಿವರಣೆಗಾರ ಆಕಾಶ್ ಚೋಪ್ರಾ ಅವರು ಸೋಮವಾರ ಬೆಳಿಗ್ಗೆ ಟ್ವೀಟ್ ಮಾಡಿದ ವಿಡಿಯೊದಲ್ಲಿ ಕಾಣುವ ಈ ಬಾಲಕ ಯಾರು ಎಂಬ ಪ್ರಶ್ನೆಗೆ ಉತ್ತರ ಯಾರಿಗೂ ಗೊತ್ತಿಲ್ಲ. ಆದರೆ ಟ್ವೀಟ್ಗೆ ಕ್ರಿಕೆಟ್ ಪ್ರಿಯರು ಮತ್ತು ಆಕಾಶ್ ಚೋಪ್ರಾ ಅವರ ಅಭಿಮಾನಿಗಳು ಲೈಕ್ಗಳ ಮಳೆ ಸುರಿಸಿದ್ದಾರೆ. ಬಾಲಕನನ್ನು ಕೊಂಡಾಡಿದ್ದಾರೆ.

. ಆಕಾಶ್ ಚೋಪ್ರಾ ಅವರು ತಮ್ಮ @cricketaakash ಖಾತೆಯಲ್ಲಿ ಪೋಸ್ಟ್ ಮಾಡಿರುವ ವಿಡಿಯೊದಲ್ಲಿ ಸುಮಾರು ಐದು ವರ್ಷದ ಒಳಗಿನ ಬಾಲಕ ಮೆಟ್ಟಿಲುಗಳನ್ನು ಹತ್ತಿದ ನಂತರ ಸಿಗುವ ಸಮತಟ್ಟಾದ ಜಾಗದಲ್ಲಿ ನಿಂತಿದ್ದಾನೆ. ಪ್ರಾಸ್ಟಿಕ್ನಿಂದ ತಯಾರಿಸಿದಂಥ ಚೆಂಡು ತನ್ನತ್ತ ನುಗ್ಗಿ ಬರುತ್ತಿದ್ದಂತೆ ಪರಿಣಿತ ಆಟಗಾರನಂತೆ ಪದಚಲನೆ ಮಾಡುತ್ತ ಬ್ಯಾಟ್ ಬೀಸುತ್ತಾನೆ. ಈ ಪುಟ್ಟ ಎಡಗೈ ‘ಬ್ಯಾಟ್ಸ್ಮನ್‘ ಎರಡು ಎಸೆತಗಳನ್ನು ಎಡಭಾಗಕ್ಕೆ ಎತ್ತಿದರೆ ಮತ್ತೊಂದು ಎಸೆತವನ್ನು ಬಲಭಾಗಕ್ಕೆ ಅಟ್ಟುತ್ತಾನೆ.

. ವಿಡಿಯೊ ಪೋಸ್ಟ್ ಮಾಡಿರುವ ಆಕಾಶ್ ಚೋಪ್ರಾ 'ಕಿಸೀ ಕೆ ಹಾತ್ ನಾ ಆಯೇಗಿ ಏ ಲಡ್ಕಿ'ಎಂಬ ಹಾಡಿನ ದಾಟಿಯಲ್ಲಿ 'ಕಿಸೀ ಕೆ ಹಾತ್ ನಾ ಆಯೇಗಾ ಏ ಲಡ್ಕಾ‘ (ಯಾರ ಕೈಗೂ ಸಿಗಲಾರ ಈ ಪೋರ) ಎಂದು ಬರೆದಿದ್ದಾರೆ. ಮರು ಟ್ವೀಟ್ ಮಾಡಿರುವ ಕೆಲವರು ಈ ಬಾಲಕನನ್ನು ವೆಸ್ಟ್ ಇಂಡೀಸ್ನ ಕ್ರಿಸ್ ಗೇಲ್ ಅವರಿಗೂ ಇನ್ನು ಕೆಲವರು ಭಾರತದ ಯುವರಾಜ್ ಅವರಿಗೂ ಹೋಲಿಸಿದ್ದಾರೆ. ಕೆಲವೇ ಕ್ಷಣಗಳಲ್ಲಿ ವಿಡಿಯೊ ವೈರಲ್ ಆಗಿದ್ದು ಆರು ತಾಸುಗಳಲ್ಲಿ 3100 ಮಂದಿ ವೀಕ್ಷಿಸಿದ್ದಾರೆ. 240 ಮಂದಿ ಮರು ಟ್ವೀಟ್ ಮಾಡಿದ್ದಾರೆ.

. ಸಾರಂಗ್ ಬಾಲೇ ರಾವ್ ಎಂಬವರು 'ಪುಟಾಣಿ ಪವರ್ ಹಿಟ್ಟರ್, ಕೊನೆಯ ಐದು ಓವರ್ಗಳಲ್ಲಿ ಪಂದ್ಯದ ಗತಿಯನ್ನೇ ಬದಲಿಸಬಲ್ಲ ಆಟಗಾರ ಆಗಬಲ್ಲ'ಎಂದು ಹೇಳಿದ್ದರೆ, ನಿತಿನ್ ತೆಗ್ಗಿನಮನಿ ಎಂಬವರು ಆ್ಯಂಡ್ರೆ 'ರಸೆಲ್ ಅವರು ಎಡಗೈ ಬ್ಯಾಟ್ಸ್ಮನ್ ಆಗಿದ್ದರೆ ಹೀಗೆಯೇ ಇರುತ್ತಿತ್ತು'ಎಂಬ ಧಾಟಿಯಲ್ಲಿ ಬಣ್ಣಿಸಿದ್ದಾರೆ.

. 'ಎಡಗಾಲು ಎತ್ತಿ ಭರ್ಜರಿ ಹೊಡೆತ ಹೊಡೆಯುವುದು ನೋಡಿದರೆ ಕ್ರಿಸ್ ಗೇಲ್ ಅವರಂತೆಯೇ ಕಾಣಿಸುತ್ತಾನೆ'ಎಂದು ಅಮೋಘ್ ಮಹೋಲ್ಕರ್ ಎಂಬವರು ಬರೆದಿದ್ದಾರೆ. ‘ಭಾರತ ಕ್ರಿಕೆಟ್ ಕ್ಷೇತ್ರ ಆತಂಕಪಡುವ ಅಗತ್ಯವಿಲ್ಲ. ಅತ್ಯುತ್ತಮ ಪ್ರತಿಭೆಗಳು ನಮ್ಮಲ್ಲಿವೆ'ಎಂದು ಕೆಲವರು ಹೇಳಿದ್ದರೆ’ ಚೆನ್ನಾಗಿ ಗಮನಿಸಿ, ಈತನಲ್ಲಿ ಋಷಭ್ ಪಂತ್ನನ್ನು ಕಾಣಬಹುದು' ಎಂದು ಮತ್ತೆ ಕೆಲವರು ಹೇಳಿದ್ದಾರೆ.

. ಆಕಾಶ್ ಚೋಪ್ರಾ ಅವರು ಇನ್ಸ್ಟಾಗ್ರಾಂ ಖಾತೆಯಲ್ಲೂ ವಿಡಿಯೊವನ್ನು ಪೋಸ್ಟ್ ಮಾಡಿದ್ದು ಅಲ್ಲೂ ಅನೇಕರು ಪುಟಾಣಿ 'ಆಟಗಾರ’ನ ಸಾಮರ್ಥ್ಯಕ್ಕೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಕ್ರಿಸ್‌ ಗೇಲ್, ಯುವರಾಜ್ ಮಾದರಿಯ ಬ್ಯಾಟ್ಸ್‌ಮನ್‌...ಯಾರು ಈ ಪೋರ...?

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಗಳಿಗೆ ಸಮಾನ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ಯಡಿಯೂರಪ್ಪ ಪಕ್ಷ ತೊರೆದು ಮತ್ತೇಕೆ ಮರಳಿದರೋ ಗೊತ್ತಿಲ್ಲ: ಅರವಿಂದ ಲಿಂಬಾವಳಿ ಟೀಕೆ

Sandalwood | ಜು.25ಕ್ಕೆ ‘ಸ್ವಪ್ನಮಂಟಪ’