‘ಧೋನಿ ಹಲವು ಮಹತ್ವದ ವಿಜಯಗಳೊಂದಿಗೆ ಭಾರತಕ್ಕೆ ನೀಡಿರುವ ಕಾಣಿಕೆ ಬಹುದೊಡ್ಡದು. ಸೌರವ್ ಗಂಗೂಲಿ ಕೂಡ ಅಂತಹದೇ ಸಾಧನೆಗಳನ್ನು ಮಾಡಿದ್ದಾರೆ. ಆದರೆ, ಕುಂಬ್ಳೆ ಅವರು ಹೆಚ್ಚು ಅವಧಿಗೆ ತಂಡದ ನಾಯಕರಾಗಬೇಕಿತ್ತು. ನಾನು ಅವರ ನಾಯಕತ್ವದಲ್ಲಿ ಆರು ಟೆಸ್ಟ್ ಪಂದ್ಯಗಳನ್ನು ಆಡಿದ್ದೇನೆ. ಆ ಅನುಭವದಲ್ಲಿ ಹೇಳುವುದಾದರೆ, ಕುಂಬ್ಳೆಗೆ ಇನ್ನೂ ಹೆಚ್ಚು ಕಾಲ ನಾಯಕತ್ವದ ಅವಕಾಶ ಸಿಕ್ಕಿದ್ದರೆ ಅವರೂ ಬಹಳ ದಾಖಲೆಗಳನ್ನು ಪೇರಿಸುತ್ತಿದ್ದರು’ ಎಂದು ಗಂಭೀರ್ ಹೇಳಿದ್ದಾರೆ.