ಕ್ರಿಕೆಟಿಗ ವೆರ್ನಾನ್ ಫಿಲ್ಯಾಂಡರ್ ಸಹೋದರನ ಹತ್ಯೆ

ಬುಧವಾರ ಟೈರೊನ್ ಅವರು ತಮ್ಮ ನೆರೆಮನೆಯವರಿಗೆ ನೀರು ಕೊಡಲು ಹೋಗಿದ್ದ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ ಎಂದು ದಕ್ಷಿಣ ಆಫ್ರಿಕಾದ ಮಾಧ್ಯಮಗಳು ವರದಿ ಮಾಡಿವೆ.

‘ನಮ್ಮ ಕುಟುಂಬಕ್ಕೆ ಅಪಾರ ಆಘಾತವಾಗಿದೆ. ಆದರೆ, ಈ ಕೊಲೆ ಮಾಡಿದವರ ಬಗ್ಗೆಯಾಗಲೀ, ಕಾರಣದ ಕುರಿತಾಗಲೀ ಗೊತ್ತಿಲ್ಲ. ಈ ಸಂದರ್ಭದಲ್ಲಂತೂ ನಮಗೆ ಏನೂ ಹೇಳುವುದೊಂದೇ ತಿಳಿಯುತ್ತಿಲ್ಲ’ ಎಂದು ವೆರ್ನಾನ್ ಹೇಳಿದ್ದಾರೆ.

ಘಟನೆ ನಡೆದ ಸಂದರ್ಭಧಲ್ಲಿ ವೆರ್ನಾನ್ ಅವರ ತಾಯಿ ಮತ್ತು ಕುಟುಂಬದ ಸದಸ್ಯರು ತಮ್ಮ ಮನೆಯ ಆವರಣದಲ್ಲಿಯೇ ಇದ್ದರು. ಗುಂಡು ಹಾರಿದ ಸದ್ದು ಕೇಳಿದ್ದರು. ಬುಧವಾರ ಮಧ್ಯಾಹ್ನ ಊಟದ ಸಮಯದಲ್ಲಿ ಈ ಘಟನೆ ನಡೆದಿದೆ. ತನಿಖೆ ನಡೆಸಲಾಗುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.

ವೆರ್ನಾನ್ 13 ವರ್ಷಗಳವರೆಗೆ ದಕ್ಷಿಣ ಆಫ್ರಿಕಾ ಕ್ರಿಕೆಟ್ ತಂಡದಲ್ಲಿ ಆಡಿದ್ದರು. ಕೆಲವು ತಿಂಗಳುಗಳ ಹಿಂದೆ ಅವರು ನಿವೃತ್ತಿ ಘೋಷಿಸಿದ್ದರು.