IND vs BAN | ಪಿಂಕ್‌ ಬಾಲ್‌ ಟೆಸ್ಟ್; ಇಶಾಂತ್ ಬೆಸ್ಟ್

ಕೋಲ್ಕತ್ತ: ಈಡನ್ ಗಾರ್ಡನ್ ಕ್ರೀಡಾಂಗಣದಲ್ಲಿ ಶುಕ್ರವಾರ ಮಧ್ಯಾಹ್ನ ಮೊಟ್ಟಮೊದಲ ಬಾರಿಗೆ ಪಿಂಕ್ ಬಾಲ್ ಆಟ ಶುರುವಾಯಿತು. ಭಾರತದ ನೆಲದಲ್ಲಿ ಇದೇ ಮೊದಲ ಬಾರಿಗೆ ನಡೆದ ಪ್ರಥಮ ಹಗಲು–ರಾತ್ರಿ ಪಂದ್ಯದಲ್ಲಿ ಹೊನಲು ಬೆಳಕಿನ ದೀಪಗಳು ಬೆಳಗುವ ಮುನ್ನವೇ ಇಶಾಂತ್ ಶರ್ಮಾ ಪ್ರಜ್ವಲಿಸಿದರು. ಬಾಂಗ್ಲಾದೇಶದ ಪಾಳಯದಲ್ಲಿ ಕತ್ತಲು ಕವಿಯಿತು.

. ಟಾಸ್ ಗೆದ್ದ ಬಾಂಗ್ಲಾದೇಶ ತಂಡವು ಬ್ಯಾಟಿಂಗ್ ಆಯ್ಕೆ ಮಾಡಿಕೊಂಡಿತು. ಆದರೆ, ಇಶಾಂತ್ ಶರ್ಮಾ (12–4–22–5) 12 ವರ್ಷಗಳ ನಂತರ ವಿಕೆಟ್ ಪಂಚಗುಚ್ಛದ ಸಾಧನೆ ಮಾಡಿದರು. ಇದರಿಂದಾಗಿ ಬಾಂಗ್ಲಾ ತಂಡವು 30.3 ಓವರ್ಗಳಲ್ಲಿ 106 ರನ್ ಗಳಿಸಿ ಆಲೌಟ್ ಆಯಿತು.

. ಹೊನಲು ಬೆಳಕಿನಲ್ಲಿ ಆರಂಭವಾದ ಭಾರತದ ಇನಿಂಗ್ಸ್ಗೆ ಬೌಂಡರಿ ಮೂಲಕ ಆರಂಭ ಕೊಟ್ಟವರು ಮಯಂಕ್ ಅಗರವಾಲ್. ಮೊದಲ ಟೆಸ್ಟ್ನಲ್ಲಿ ದ್ವಿಶತಕ ದಾಖಲಿಸಿದ್ದ ಅವರು ಇಲ್ಲಿಯೂ ಆತ್ಮವಿಶ್ವಾಸದಿಂದ ಆಟ ಆರಂಭಿಸಿದರು. ಆದರೆ ಕೇವಲ 14 ರನ್ ಗಳಿಸಿದ ಅವರು ಔಟಾದರು. ರೋಹಿತ್ ಕೂಡ 21 ರನ್ ಮಾತ್ರ ಗಳಿಸಿದರು.

. ಈ ಹಂತದಲ್ಲಿ ಚೇತೇಶ್ವರ್ ಪೂಜಾರ (55;105 ಎಸೆತ, 8ಬೌಂಡರಿ) ಮತ್ತು ನಾಯಕ ವಿರಾಟ್ ಕೊಹ್ಲಿ (ಬ್ಯಾಟಿಂಗ್ 59; 93ಎ, 8ಬೌಂ) ಅವರು ಮೂರನೇ ವಿಕೆಟ್ ಜೊತೆಯಾಟದಲ್ಲಿ 94 ರನ್ ಗಳಿಸಿದರು. ಇದರಿಂದಾಗಿ ಭಾರತ ತಂಡವು ದಿನದಾಟದ ಅಂತ್ಯಕ್ಕೆ 46 ಓವರ್ಗಳಲ್ಲಿ 3 ವಿಕೆಟ್ಗಳಿಗೆ 174 ರನ್ ಗಳಿಸಿತು. ಅಜಿಂಕ್ಯ ರಹಾನೆ (ಬ್ಯಾಟಿಂಗ್ 23) ಕ್ರೀಸ್ನಲ್ಲಿದ್ದಾರೆ.

. ಇಶಾಂತ್ ದಾಖಲೆ: ದೆಹಲಿಯ ವೇಗಿ ಇಶಾಂತ್ ಶರ್ಮಾ ಬರೋಬ್ಬರಿ 12 ವರ್ಷಗಳ ನಂತರ ಐದು ವಿಕೆಟ್ಗಳ ಗೊಂಚಲನ್ನು ತಮ್ಮ ಬುಟ್ಟಿಗೆ ಹಾಕಿಕೊಂಡರು. 96ನೇ ಟೆಸ್ಟ್ ಪಂದ್ಯ ಆಡುತ್ತಿರುವ ಅವರು ತಮ್ಮ ವೃತ್ತಿ ಜೀವನದಲ್ಲಿ 10ನೇ ಸಲ ಈ ಸಾಧನೆ ಮಾಡಿದರು.

. ಇನಿಂಗ್ಸ್ನ ಏಳನೇ ಓವರ್ನಲ್ಲಿ ಇಮ್ರುಲ್ ಕಯಸ್ ಅವರನ್ನು ಎಲ್ಬಿಡಬ್ಲ್ಯು ಬಲೆಗೆ ಕೆಡವಿ ಬೇಟೆ ಆರಂಭಿಸಿದರು. ಪ್ರಮುಖ ಬ್ಯಾಟ್ಸ್ಮನ್ ಮುಷ್ಫಿಕುರ್ ರಹೀಂ, ಮಹಮುದುಲ್ಲಾ, ನಯೀಮ್ ಹಸನ್, ಇಬಾದತ್ ಹಸನ್ ಮತ್ತು ಮೆಹದಿ ಹಸನ್ ಅವರ ವಿಕೆಟ್ಗಳನ್ನು ಇಶಾಂತ್ ಕಬಳಿಸಿದರು. ಮಧ್ಯಮ ಕ್ರಮಾಂಕದಲ್ಲಿ ಉತ್ತಮವಾಗಿ ಆಡುತ್ತಿದ್ದ ಲಿಟನ್ ದಾಸ್ (24 ರನ್) ಗಾಯಗೊಂಡು ಪೆವಿಲಿಯನ್ಗೆ ಮರಳಿದರು. 21ನೇ ಓವರ್ನಲ್ಲಿ ಮೊಹಮ್ಮದ್ ಶಮಿ ಹಾಕಿದ ಬೌನ್ಸರ್ ಲಿಟನ್ ಹೆಲ್ಮೆಟ್ಗೆ ಬಡಿಯಿತು. ಇದರಿಂದಾಗಿ ಅವರನ್ನು ವಿಶ್ರಾಂತಿ ಪಡೆಯಲು ಕಳುಹಿಸಲಾಯಿತು. ಅವರ ಬದಲಿಗೆ ಮೆಹದಿ ಹಸನ್ ಬ್ಯಾಟಿಂಗ್ ಮಾಡಿದರು. ಈ ಮೂಲಕ ‘ಬದಲೀ ಬ್ಯಾಟ್ಸ್ಮನ್’ ನಿಯಮದ ಲಾಭವನ್ನು ಪ್ರಥಮ ಬಾರಿಗೆ ಬಾಂಗ್ಲಾದೇಶ ಪಡೆಯಿತು.

. ಇಶಾಂತ್ಗೆ ಉತ್ತಮ ಜೊತೆ ನೀಡಿದ ಉಮೇಶ್ ಯಾದವ್ ಮೂರು, ಶಮಿ ಎರಡು ವಿಕೆಟ್ ಗಳಿಸಿದರು. ಒಂದು ಇನಿಂಗ್ಸ್ನ ಎಲ್ಲ ವಿಕೆಟ್ಗಳನ್ನು ಮಧ್ಯಮವೇಗಿಗಳೇ ಹಂಚಿಕೊಂಡ ದಾಖಲೆಯೂ ರಚನೆಯಾಯಿತು.

. ಕೊಹ್ಲಿ ಐದು ಸಾವಿರ: ನಾಯಕ ವಿರಾಟ್ ಕೊಹ್ಲಿ ಟೆಸ್ಟ್ ಕ್ರಿಕೆಟ್ನಲ್ಲಿ 24ನೇ ಅರ್ಧಶತಕ ಗಳಿಸಿದರು. ಇದಲ್ಲದೇ ಅತಿ ವೇಗವಾಗಿ ಐದು ಸಾವಿರ ರನ್ ಗಳಿಸಿದ ನಾಯಕನೆಂಬ ಹೆಗ್ಗಳಿಕೆಯೂ ಅವರದ್ದಾಯಿತು. 86 ಇನಿಂಗ್ಸ್ಗಳಲ್ಲಿ ಅವರು ಈ ದಾಖಲೆ ಬರೆದರು. ಆಸ್ಟ್ರೇಲಿಯಾದ ರಿಕಿ ಪಾಂಟಿಂಗ್ ಅವರು 97 ಇನಿಂಗ್ಸ್ಗಳಲ್ಲಿ ಈ ಸಾಧನೆ ಮಾಡಿದ್ದು ಇದುವರೆಗಿನ ದಾಖಲೆಯಾಗಿತ್ತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

IND vs BAN | ಪಿಂಕ್‌ ಬಾಲ್‌ ಟೆಸ್ಟ್; ಇಶಾಂತ್ ಬೆಸ್ಟ್

ಕರ್ನಾಟಕದಲ್ಲಿ ನಡೆಯುತ್ತಿರುವ ಒಳಮೀಸಲಾತಿ ಸಮೀಕ್ಷೆ ಬೋಗಸ್: ಅಂಬೇಡ್ಕರ್ ಮೊಮ್ಮಗ

WCC | ವಿಜಯಿಗಳ ಕಾದಾಟಕ್ಕೆ ಪಾಕಿಸ್ತಾನಕ್ಕಿಲ್ಲ ಆಹ್ವಾನ, RCB ಸ್ಪರ್ಧೆಯೂ ಅನುಮಾನ!

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ಚಿನಕುರುಳಿ | 06 ಜುಲೈ 2025, ಭಾನುವಾರ

ಅಮೋಘ ಬೌಲಿಂಗ್ ಶ್ರೇಯವನ್ನು ಕ್ಯಾನ್ಸರ್‌ಪೀಡಿತ ಸಹೋದರಿಗೆ ಅರ್ಪಿಸಿದ ಆಕಾಶ್ ದೀಪ್

ಹುಬ್ಬಳ್ಳಿ: ಎಂಜಿನಿಯರ್‌ ಈಗ ಬಿಸಿಸಿಐ ಅಂಪೈರ್‌

ವಿಶ್ವ ಬಾಕ್ಸಿಂಗ್ ಕಪ್: ಸಾಕ್ಷಿ, ಜಾಸ್ಮಿನ್‌, ನೂಪುರ್‌ಗೆ ಚಿನ್ನ

Wimbeldon: ಪುರುಷರ ಡಬಲ್ಸ್‌: ಕ್ವಾರ್ಟರ್‌ ಫೈನಲ್‌ಗೆ ಫ್ರಿಟ್ಜ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಕರ್ನಾಟಕದಲ್ಲಿ ನಡೆಯುತ್ತಿರುವ ಒಳಮೀಸಲಾತಿ ಸಮೀಕ್ಷೆ ಬೋಗಸ್: ಅಂಬೇಡ್ಕರ್ ಮೊಮ್ಮಗ

WCC | ವಿಜಯಿಗಳ ಕಾದಾಟಕ್ಕೆ ಪಾಕಿಸ್ತಾನಕ್ಕಿಲ್ಲ ಆಹ್ವಾನ, RCB ಸ್ಪರ್ಧೆಯೂ ಅನುಮಾನ!

ವಾರ ಭವಿಷ್ಯ: 06-7-2025ರಿಂದ 12-7-2025 ರವರೆಗೆ- ಆಭರಣ ವ್ಯಾಪಾರಿಗಳಿಗೆ ಲಾಭ

ಚಿನಕುರುಳಿ | 06 ಜುಲೈ 2025, ಭಾನುವಾರ