IPL-2020: ಬಲಿಷ್ಠ ಡೆಲ್ಲಿ–ಕೋಲ್ಕತ್ತ ಸೆಣಸಾಟ ಇಂದು

ಸತತ ಎರಡು ಶತಕ ಹೊಡೆದ ದಾಖಲೆ ಮಾಡಿರುವ ಶಿಖರ್ ಧವನ್, ಶ್ರೇಯಸ್ ಅಯ್ಯರ್, ಶಿಮ್ರೊನ್ ಹೆಟ್ಮೆಯರ್, ಮಾರ್ಕಸ್ ಸ್ಟೊಯಿನಿಸ್ ಉತ್ತಮ ಲಯದಲ್ಲಿರುವ ಡೆಲ್ಲಿ ಬ್ಯಾಟ್ಸ್‌ಮನ್‌ಗಳು. ಕಗಿಸೊ ರಬಾಡ, ಆರ್ ಅಶ್ವಿನ್ ಮತ್ತು ಅಕ್ಷರ್ ಪಟೇಲ್ ತಮ್ಮ ತಂಡವನ್ನು ಗೆಲುವಿನೆಡೆಗೆ ತೆಗೆದುಕೊಂಡು ಹೋಗುವಂತಹ ಬೌಲರ್‌ಗಳು. ಎಲ್ಲ ವಿಭಾಗಗಳಲ್ಲಿಯೂ ಉತ್ತಮವಾಗಿ ಆಡುತ್ತಿರುವ ಈ ತಂಡದ ಎದುರು ಕೋಲ್ಕತ್ತ ಗೆಲುವು ಸಾಧಿಸಲು ಬಹಳಷ್ಟು ಶ್ರಮಪಡುವ ಅಗತ್ಯವಿದೆ.

ಆರ್‌ಸಿಬಿ ಎದುರಿನ ಪಂದ್ಯದಲ್ಲಿ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿ ಹೀನಾಯ ಸೋಲು ಅನುಭವಿಸಿತ್ತು ಕೆಕೆಆರ್. ನೂರು ರನ್‌ಗಳ ಮೊತ್ತವನ್ನೂ ಪೇರಿಸಿರಲಿಲ್ಲ. ಇದೀಗ ಆ ಕಹಿಯನ್ನು ಮರೆತು ಗೆಲುವಿನತ್ತ ಚಿತ್ತ ನೆಡುವ ಸವಾಲು ತಂಡದ ಮುಂದಿದೆ. ಟೂರ್ನಿಯ ಮಧ್ಯದಲ್ಲಿ ನಾಯಕತ್ವ ಬದಲಾವಣೆ ಮಾಡಿಕೊಂಡ ತಂಡಕ್ಕೆ ಪ್ಲೇ ಆಫ್ ಹಾದಿ ಸುಲಭವಲ್ಲ. ಆದ್ದರಿಂದ ಡೆಲ್ಲಿ ಎದುರಿನ ಪಂದ್ಯದಲ್ಲಿ ಜಯಿಸುವುದು ಮಹತ್ವದ್ದಾಗಿದೆ.

ಪಂದ್ಯ ಆರಂಭ: ಸಂಜೆ 3.30, ನೇರ ಪ್ರಸಾರ: ಸ್ಟಾರ್‌ ಸ್ಪೋರ್ಟ್ಸ್ ನೆಟ್‌ವರ್ಕ್‌