IPL-2020 | RCB vs SRH: ಈ ಸಲವೂ ಕಪ್ ಬೆಂಗಳೂರಿಗಿಲ್ಲ!

"" . ಅಬುಧಾಬಿ: ಇಂಡಿಯನ್ ಪ್ರೀಮಿಯರ್ ಲೀಗ್ ಟೂರ್ನಿಯ ಇತಿಹಾಸದಲ್ಲಿ ಸತತ 13ನೇ ಸಲ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಪ್ರಶಸ್ತಿ ಜಯದ ಕನಸು ಭಗ್ನವಾಯಿತು.

. ಶುಕ್ರವಾರ ರಾತ್ರಿ ಶೇಖ್ ಝಯೇದ್ ಕ್ರೀಡಾಂಗಣದಲ್ಲಿ ನಡೆದ ಎಲಿಮಿನೇಟರ್ ಪಂದ್ಯದಲ್ಲಿ ಬೆಂಗಳೂರು ತಂಡವು 6 ವಿಕೆಟ್ಗಳಿಂದ ಸನ್ರೈಸರ್ಸ್ ಹೈದರಾಬಾದ್ ಎದುರು ಸೋತಿತು. ಕಳಪೆ ಬ್ಯಾಟಿಂಗ್ನಿಂದಾಗಿ ದೊಡ್ಡ ಮೊತ್ತ ಗಳಿಸದ ವಿರಾಟ್ ಕೊಹ್ಲಿ ಬಳಗವು ಟೂರ್ನಿಯಿಂದ ಹೊರಬಿತ್ತು. ಎರಡನೇ ಕ್ವಾಲಿಫೈಯರ್ನಲ್ಲಿ ಡೇವಿಡ್ ವಾರ್ನರ್ ಬಳಗವು ಡೆಲ್ಲಿ ಕ್ಯಾಪಿಟಲ್ಸ್ ಎದುರು ಸೆಣಸಲಿದೆ.

. ಟಾಸ್ ಗೆದ್ದ ಸನ್ರೈಸರ್ಸ್ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡಿದ್ದು ಫಲ ನೀಡಿತು. ಜೇಸನ್ ಹೋಲ್ಡರ್ (25ಕ್ಕೆ3) ಮತ್ತು ಟಿ ನಟರಾಜನ್ (33ಕ್ಕೆ2) ತಮ್ಮ ನಾಯಕನ ಯೋಜನೆಯನ್ನು ಸಫಲಗೊಳಿಸಿದರು.ಆದರೆ ವಿರಾಟ್ ಕೊಹ್ಲಿಯ ತಂತ್ರಗಾರಿಕೆ ಕೈಕೊಟ್ಟಿತು.ದೇವದತ್ತ ಪಡಿಕ್ಕಲ್ ಜೊತೆಗೆ ಇನಿಂಗ್ಸ್ ಆರಂಭಿಸಿದ ವಿರಾಟ್ ಅಚ್ಚರಿ ಮೂಡಿಸಿದರು. ಕೇವಲಆರು ರನ್ ಗಳಿಸಿದ್ದ ಅವರು ಇನಿಂಗ್ಸ್ನ ಎರಡನೇ ಓವರ್ನಲ್ಲಿ ಹೋಲ್ಡರ್ ಎಸೆತದಲ್ಲಿ ಔಟಾಗಿ ಅಭಿಮಾನಿಗಳಿಗೆ ಆಘಾತ ನೀಡಿದರು. ಆದರೆ ಟೂರ್ನಿಯಲ್ಲಿ ಮತ್ತೊಂದು ಅರ್ಧಶತಕ ಹೊಡೆದ ಎಬಿ ಡಿವಿಲಿಯರ್ಸ್ (56; 43ಎ) ತಂಡಕ್ಕೆ ಆಸರೆಯಾದರು. ಅದರಿಂದಾಗಿ 20 ಓವರ್ಗಳಲ್ಲಿ 7 ವಿಕೆಟ್ಗಳಿಗೆ 131 ರನ್ ಗಳಿಸಿತು.

. ಆರ್ಸಿಬಿ ಬೌಲರ್ಗಳ ಉತ್ತಮ ಬೌಲಿಂಗ್ನಿಂದಾಗಿ ಸನ್ರೈಸರ್ಸ್ ತಂಡವು ಕೊನೆಯ ಓವರ್ನವರೆಗೂ ಗೆಲುವಿಗಾಗಿ ಕಾಯಬೇಕಾಯಿತು.ನ್ಯೂಜಿಲೆಂಡ್ನ ‘ಕೂಲ್ ಕ್ಯಾಪ್ಟನ್’ಕೇನ್ ವಿಲಿಯಮ್ಸನ್ (ಔಟಾಗದೆ 50; 44ಎ, 2ಬೌಂ,2ಸಿ) ಮತ್ತು ವೆಸ್ಟ್ ಇಂಡೀಸ್ನ ‘ಆಲ್ರೌಂಡರ್ ನಾಯಕ’ಹೋಲ್ಡರ್ (ಔಟಾಗದೆ 24; 20ಎ, 3ಬೌಂ) ತಂಡವನ್ನು ಗೆಲುವಿನ ದಡ ಸೇರಿಸಿ ಸಂಭ್ರಮಿಸಿದರು. ತಂಡವು 19.4 ಓವರ್ಗಳಲ್ಲಿ 4ಕ್ಕೆ132 ರನ್ ಗಳಿಸಿತು.

. ಬೆಂಗಳೂರು ತಂಡದ ಮೊಹಮ್ಮದ್ ಸಿರಾಜ್ (28ಕ್ಕೆ2) ಮತ್ತು ಸ್ಪಿನ್ನರ್ ಗಳ ಬೌಲಿಂಗ್ ಸೊಗಸಾಗಿತ್ತು. ಆದರೆ, ದೊಡ್ಡ ಮೊತ್ತದ ಬಲವಿಲ್ಲದ ತಂಡವನ್ನು ಸೋಲಿನ ದವಡೆಯಿಂದ ತಪ್ಪಿಸಲು ಅವರಿಗೆ ಸಾಧ್ಯವಾಗಲಿಲ್ಲ. ಅದಕ್ಕೆ ಕಾರಣವಾಗಿದ್ದು ನಾಯಕ ಕೊಹ್ಲಿ ಸೇರಿದಂತೆ ಪ್ರಮುಖ ಬ್ಯಾಟ್ಸ್ಮನ್ಗಳ ವೈಫಲ್ಯ.ಆ್ಯರನ್ ಫಿಂಚ್ (32; 30ಎ), ಎಬಿಡಿ ಮತ್ತು ಮೊಹಮ್ಮದ್ ಸಿರಾಜ್ (ಔಟಾಗದೆ 10) ಬಿಟ್ಟರೆ ಉಳಿದವರು. ಎರಡಂಕಿ ಮುಟ್ಟಲಿಲ್ಲ.ಇನಿಂಗ್ಸ್ನ ಏಕೈಕ ಸಿಕ್ಸರ್ ಅನ್ನು ಫಿಂಚ್ ಗಳಿಸಿದರು.ದೇವದತ್ತ ಪಡಿಕ್ಕಲ್, ಶಿವಂ ದುಬೆ ವಿಕೆಟ್ಗಳನ್ನು ಹೋಲ್ಡರ್ ಗಳಿಸಿದರು. ಮೋಯಿನ್ ಅಲಿ ‘ಫ್ರೀ ಹಿಟ್’ಎಸೆತವನ್ನು ಆಡಿ ರನ್ಔಟ್ ಆದರು.

. ಆದರೆ, ಎಬಿ ಮಾತ್ರ ದಿಟ್ಟತನದಿಂದ ಆಡಿದರು. 39 ಎಸೆತಗಳಲ್ಲಿ ಅವರು ಅರ್ಧಶತಕ ಪೂರೈಸಿದರು. 18ನೇ ಓವರ್ನಲ್ಲಿ ನಟರಾಜನ್ ಹಾಕಿದ ಯಾರ್ಕರ್, ಎಬಿಡಿ ಕಣ್ತಪ್ಪಿಸಿ ಮಧ್ಯದ ಸ್ಪಂಪ್ ಎಗರಿಸಿತು. ಅದರೊಂದಿಗೆ ಆರ್ಸಿಬಿಯು ದೊಡ್ಡ ಮೊತ್ತ ಗಳಿಸುವ ಅವಕಾಶವೂ ಕೈತಪ್ಪಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

IPL-2020 | RCB vs SRH: ಈ ಸಲವೂ ಕಪ್ ಬೆಂಗಳೂರಿಗಿಲ್ಲ!

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ

ಚಿನ್ನ ಗೆದ್ದ ನೀರಜ್ ಚೋಪ್ರಾ: ಜಾವೆಲಿನ್ ಥ್ರೋ ಹಬ್ಬದಲ್ಲಿ ಸಂಭ್ರಮಿಸಿದ ಬೆಂಗಳೂರು

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಮಂಗಳೂರು: ಬಾಲೆಯ ಚಿಕಿತ್ಸೆಗೆ 15 ಗಂಟೆಯಲ್ಲಿ ₹75 ಲಕ್ಷ ಸಂಗ್ರಹ