ಭಾರತ-ಪಾಕ್ ಕ್ರಿಕೆಟ್ ಇತಿಹಾಸದಲ್ಲಿ ಮಿಯಾಂದಾದ್‍ನ ಕಪ್ಪೆ ಜಿಗಿತಕ್ಕೆ 27 ವರ್ಷ!

ಮಂಗಳವಾರ, ಮಾರ್ಚ್ 26, 2019
32 °C

ಭಾರತ-ಪಾಕ್ ಕ್ರಿಕೆಟ್ ಇತಿಹಾಸದಲ್ಲಿ ಮಿಯಾಂದಾದ್‍ನ ಕಪ್ಪೆ ಜಿಗಿತಕ್ಕೆ 27 ವರ್ಷ!

Published:
Updated:

ಮುಂಬೈ: 1992ರ ವಿಶ್ವಕಪ್ ಕ್ರಿಕೆಟ್ ಪಂದ್ಯದಲ್ಲಿ ಭಾರತ ಮತ್ತು ಪಾಕಿಸ್ತಾನ ಮುಖಾಮುಖಿಯಾಗಿತ್ತು. ಈ ಪಂದ್ಯದಲ್ಲಿ  ಭಾರತದ ವಿಕೆಟ್ ಕೀಪರ್ ಕಿರಣ್ ಮೋರೆಯನ್ನು ರೇಗಿಸಿ ಪಾಕ್ ಬ್ಯಾಟ್ಸ್‌ಮೆನ್ ಜಾವೇದ್ ಮಿಯಾಂದಾದ್ ಕ್ರೀಸ್‍ನಲ್ಲಿ ಮಾಡಿದ ಕಪ್ಪೆ ಜಿಗಿತಕ್ಕೆ ಇಂದಿಗೆ 27 ವರ್ಷ. ಈ ಪಂದ್ಯದಲ್ಲಿ ಮಿಯಾಂದಾದ್‍- ಕಿರಣ್ ಮೋರೆ ನಡುವಿನ ಜಗಳ ಕ್ರಿಕೆಟ್ ಪ್ರೇಮಿಗಳು ಮರೆತಿರಲಿಕ್ಕಿಲ್ಲ.

1992 ಮಾರ್ಚ್ 4ರಂದು ಸಿಡ್ನಿಯಲ್ಲಿ ನಡೆದ  ಭಾರತ - ಪಾಕ್ ಪಂದ್ಯದಲ್ಲಿ ಭಾರತ 43 ರನ್‍ಗಳಿಂದ ಗೆಲುವು ಸಾಧಿಸಿತ್ತು. ಸಚಿನ್ ತೆಂಡೂಲ್ಕರ್ ಪ್ಲೇಯರ್ ಆಫ್ ದಿ ಮ್ಯಾಚ್ ಪ್ರಶಸ್ತಿ ಗೆದ್ದಿದ್ದರು.

ಪ್ರಸ್ತುತ ಪಂದ್ಯದಲ್ಲಿ 19 ಓವರ್‌ಗಳಲ್ಲಿ ಭಾರತ 216 ರನ್ ಗಳಿಸಿತ್ತು. ಈ ಗುರಿ ಬೆನ್ನತ್ತಿದ ಪಾಕಿಸ್ತಾನದ ವಿಕೆಟ್‍ಗಳು ಉರುಳುತ್ತಿದ್ದವು. ಹೀಗಿರುವಾಗ ನಾಲ್ಕನೇ ಕ್ರಮಾಂಕದಲ್ಲಿ ಕ್ರೀಸ್‍ಗಿಳಿದಿದ್ದ ಮಿಯಾಂದಾದ್ ಮೇಲೆ ಒತ್ತಡ ಜಾಸ್ತಿಯೇ ಇತ್ತು. ವಿಕೆಟ್ ಹಿಂದೆ ನಿಂತು ಬೌಲರ್ ಗಳನ್ನು ಹುರಿದುಂಬಿಸುತ್ತಿದ್ದ ಮೋರೆ, ಜಿಗಿಯುತ್ತಾ ಅಪೀಲ್ ಮಾಡುತ್ತಿದ್ದರು. ಈ ಬಗ್ಗೆ ಮಿಯಾಂದಾದ್ ಮತ್ತು ಮೋರೆ ನಡುವೆ ವಾಗ್ವಾದವೂ ನಡೆದು ಮಿಯಾಂದಾದ್ ಅಂಪೈರ್ ಡೇವಿಡ್ ಶೆಫರ್ಡ್ ಗೆ ದೂರು ನೀಡಿದ್ದರು.

ಆನಂತರ ಸಚಿನ್ ಎಸೆತವನ್ನು ಮಿಯಾಂದಾದ್ ಎದುರಿಸಿದಾಗ ಮೋರೆ ಬೇಲ್ಸ್ ಬೀಳಿಸಿ ಅಪೀಲ್ ಮಾಡಿದರು. ಆದರೆ ಅಂಪೈರ್ ಔಟ್ ಅಲ್ಲ ಅಂದರು.
ಈ ಮನವಿಗೆ ಕೋಪಗೊಂಡ ವಿಯಾಂದಾದ್ ಮೂರು ಬಾರಿ ಕಪ್ಪೆ ಜಿಗಿದಂತೆ ಜಿಗಿದು ಮೋರೆಗೆ ಟಾಂಗ್ ನೀಡಿದರು. ಕ್ರಿಕೆಟ್ ಮೈದಾನದಲ್ಲಿ ಮಿಯಾಂದಾದ್‍ನ ಈ ಜಿಗಿತ ಕ್ರಿಕೆಟ್ ಮೈದಾನದಲ್ಲಿನ ಜಗಳಗಳ ಪಟ್ಟಿಯಲ್ಲಿ ಸ್ಥಾನ ಗಿಟ್ಟಿಸಿಕೊಂಡಿದೆ.

ಬರಹ ಇಷ್ಟವಾಯಿತೆ?

  • 4

    Happy
  • 12

    Amused
  • 2

    Sad
  • 2

    Frustrated
  • 3

    Angry

Comments:

0 comments

Write the first review for this !