ಬೆಂಗಳೂರು: ಮರ್ಚಂಟ್ಸ್ ಕ್ರಿಕೆಟ್ ಕ್ಲಬ್, ನ್ಯಾಷನಲ್ ಕ್ರಿಕೆಟರ್ಸ್ ಮತ್ತು ಚಾಮರಾಜಪೇಟೆ ಕ್ರಿಕೆಟ್ ಕ್ಲಬ್ ತಂಡಗಳು ನಗರದಲ್ಲಿ ಸೋಮವಾರ ನಡೆದ ವೈ.ಎಸ್‌.ರಾಮಸ್ವಾಮಿ ಸ್ಮಾರಕ ಟೂರ್ನಿಯಲ್ಲಿ ಜಯ ಗಳಿಸಿದವು.
ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಆದಿತ್ಯ ಕೆ.ಎಸ್‌. ಅವರ ಅಮೋಘ ಬೌಲಿಂಗ್ ಮತ್ತು ಯಶಸ್–ಆದಿತ್ಯ ಎನ್‌.ಜಿ ಜೋಡಿಯ ಮೋಹಕ ಬ್ಯಾಟಿಂಗ್ ಬಲದಿಂದ ಮರ್ಚಂಟ್ಸ್ ಕ್ರಿಕೆಟ್ ಕ್ಲಬ್ ಎಂಟು ವಿಕೆಟ್‌ಗಳಿಂದ ಇಂದಿರಾನಗರ ಕ್ರಿಕೆಟರ್ಸ್ ತಂಡವನ್ನು ಮಣಿಸಿತು.
ಸ್ಟಾರ್ ಕ್ರಿಕೆಟರ್ಸ್ ಎದುರಿನ ಪಂದ್ಯದಲ್ಲಿ ನ್ಯಾಷನಲ್ ಕ್ರಿಕೆಟರ್ಸ್ 36 ರನ್‌ಗಳಿಂದ ಜಯ ಗಳಿಸಿತು. ಚಾಮರಾಜಪೇಟೆ ಕ್ರಿಕೆಟ್ ಕ್ಲಬ್ ಎಂಟು ವಿಕೆಟ್‌ಗಳಿಂದ ಫ್ರೆಂಡ್ಸ್ ಕ್ರಿಕೆಟ್ ಕ್ಲಬ್ ವಿರುದ್ಧ ಗೆಲುವು ಸಾಧಿಸಿತು. ಹೇಮಂತ್ ಕುಮಾರ್ ಅವರು ಅಜೇಯ 119 (79 ಎಸೆತ; 10 ಬೌಂಡರಿ, 6 ಸಿಕ್ಸರ್) ರನ್‌ ಗಳಿಸಿ ತಂಡಕ್ಕೆ ಸುಲಭ ಗೆಲುವು ತಂದುಕೊಟ್ಟರು.
