ಮುಂಬೈ: ಇಂಡಿಯನ್ ಪ್ರೀಮಿಯರ್ ಲೀಗ್ ಟ್ವೆಂಟಿ-20 ಕ್ರಿಕೆಟ್ ಟೂರ್ನಿ ಇತಿಹಾಸದಲ್ಲೇ ಕೋಲ್ಕತ್ತ ನೈಟ್ ರೈಡರ್ಸ್ ಸ್ಪಿನ್ನರ್ ಸುನಿಲ್ ನಾರಾಯಣ್ ದಾಳಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಮಹೇಂದ್ರ ಸಿಂಗ್ ಧೋನಿ, ಚೊಚ್ಚಲ ಬೌಂಡರಿ ಸಿಡಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಧೋನಿ ಇದಕ್ಕಾಗಿ ಒಂಬತ್ತು ವರ್ಷಗಳಷ್ಟು ಕಾಲ ಕಾಯಬೇಕಾಯಿತು. ಐಪಿಎಲ್ನಲ್ಲಿ ನಾರಾಯಣ್ ವಿರುದ್ಧ ಧೋನಿ ಉತ್ತಮ ದಾಖಲೆಯನ್ನು ಹೊಂದಿಲ್ಲ. ಅಂಕಿಅಂಶಗಳೇ ಇದನ್ನು ಸಾರುತ್ತಿವೆ. ಅಲ್ಲದೆ ವೆಸ್ಟ್ಇಂಡೀಸ್ನ ಸ್ಟಾರ್ ಸ್ಪಿನ್ನರ್ ವಿರುದ್ಧ ಚೊಚ್ಚಲ ಬೌಂಡರಿ ಸಿಡಿಸಲು 65 ಎಸೆತಗಳನ್ನು ಎದುರಿಸಿದ್ದಾರೆ.
ಕೋಲ್ಕತ್ತ ನೈಟ್ ರೈಡರ್ಸ್ ವಿರುದ್ಧ ನಡೆದ ಪಂದ್ಯದಲ್ಲಿ ಸುನಿಲ್ ನಾರಾಯಣ್ ಎಸೆದ ಇನ್ನಿಂಗ್ಸ್ನ 17ನೇ ಓವರ್ನಲ್ಲಿ ಧೋನಿ ಬೌಂಡರಿ ಸಿಡಿಸಿದ್ದರು.