<p><strong>ಮ್ಯಾಂಚೆಸ್ಟರ್</strong>: ಇಲ್ಲಿನ ಹೆಗ್ಗುರುತಾದ ಓಲ್ಡ್ ಟ್ರಾಫರ್ಡ್ ಕ್ರೀಡಾಂಗಣದ ಸ್ಟ್ಯಾಂಡ್ಗಳಿಗೆ ಭಾರತ ತಂಡದ ಮಾಜಿ ವಿಕೆಟ್ ಕೀಪರ್ ಫರೂಖ್ ಎಂಜಿನಿಯರ್ ಮತ್ತು ವೆಸ್ಟ್ ಇಂಡೀಸ್ನ ದಿಗ್ಗಜ ಬ್ಯಾಟರ್ ಕ್ಲೈವ್ ಲಾಯ್ಡ್ ಅವರ ಹೆಸರಿಟ್ಟು ಗೌರವಿಸಲು ಲ್ಯಾಂಕೇಶೈರ್ ಕೌಂಟಿ ತೀರ್ಮಾನಿಸಿದೆ.</p>.<p>ಬುಧವಾರ ಆರಂಭವಾಗುವ ಭಾರತ ಮತ್ತು ಇಂಗ್ಲೆಂಡ್ ತಂಡಗಳ ನಡುವೆ ನಾಲ್ಕನೇ ಟೆಸ್ಟ್ ಸಂದರ್ಭದಲ್ಲಿ, ಈ ದಿಗ್ಗಜರ ಹೆಸರನ್ನಿಡಲಾಗುವುದು. ಇವರಿಬ್ಬರು ಕ್ಲಬ್ಗೆ ನೀಡಿದ ಕಾಣಿಕೆ ಗುರುತಿಸಿ ಈ ಗೌರವ ಸಲ್ಲಿಸಲಾಗುತ್ತಿದೆ. ಸುಮಾರು ಒಂದು ದಶಕ ಕಾಲ ಎಂಜಿನಿಯರ್ ಅವರು ಲ್ಯಾಂಕೇಶೈರ್ಗೆ ಆಡಿದ್ದರು. ಲಾಯ್ಡ್ ಅವರು ಎರಡು ದಶಕಗಳ ಕಾಲ ಈ ಕ್ಲಬ್ ಪ್ರತಿನಿಧಿಸಿದ್ದರು.</p>.<p>87 ವರ್ಷ ವಯಸ್ಸಿನ ಎಂಜಿನಿಯರ್, 1968 ರಿಂದ 1976ರ ಅವಧಿಯಲ್ಲಿ ಕ್ಲಬ್ ಪರ 175 ಪಂದ್ಯಗಳನ್ನಾಡಿದ್ದು, 5942 ರನ್, 429 ಕ್ಯಾಚ್ ಹಿಡಿದಿದ್ದಾರೆ. ಹಾಗೂ 35 ಸ್ಟಂಪಿಂಗ್ಗಳನ್ನು ಮಾಡಿದ್ದಾರೆ. ಅವರು ತಂಡಕ್ಕೆ ಸೇರ್ಪಡೆಯಾಗುವ 15 ವರ್ಷಗಳ ಮೊದಲ ಈ ಕ್ಲಬ್ ಯಾವುದೇ ಪ್ರಮುಖ ಪ್ರಶಸ್ತಿ ಗೆದ್ದಿರಲಿಲ್ಲ. ಆದರೆ ಅವರ ಆಟದಿಂದ 1970 ರಿಂದ 1975ರ ಅಧಿಯಲ್ಲಿ ತಂಡ ನಾಲ್ಕು ಬಾರಿ ಜಿಲೈಟ್ ಕಪ್ ಗೆದ್ದುಕೊಂಡಿತು.</p>.<p>ಮುಂಬೈನ ಬ್ರೆಬೋರ್ನ್ ಸ್ಟೇಡಿಯಂನಲ್ಲಿ ಎಂಜಿನಿಯರ್ ಅವರು ದೀರ್ಘ ಕಾಲ ಆಡಿದ್ದರೂ ಅಲ್ಲಿ ಅವರ ಹೆಸರಿನ ಸ್ಟ್ಯಾಂಡ್ ಇಲ್ಲ ಎಂಬುದು ಕುತೂಹಲದ ಸಂಗತಿ. ನಿವೃತ್ತಿಯ ನಂತರ ಎಂಜಿನಿಯರ್ ಅವರು ಮ್ಯಾಂಚೆಸ್ಟರ್ನಲ್ಲೇ ನೆಲೆಸಿದ್ದಾರೆ.</p>.<p>ಖಾಸಗಿ ಭೇಟಿಗಾಗಿ ಇಲ್ಲಿಗೆ ಬಂದಿರುವ ಭಾರತ ತಂಡದ ಮಾಜಿ ನಾಯಕ ದಿಲೀಪ್ ವೆಂಗಸರ್ಕರ್ ಅವರೂ ನಾಮಕರಣ ಸಂದರ್ಭದಲ್ಲಿ ಹಾಜರಿರುವ ಸಾಧ್ಯತೆಯಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮ್ಯಾಂಚೆಸ್ಟರ್</strong>: ಇಲ್ಲಿನ ಹೆಗ್ಗುರುತಾದ ಓಲ್ಡ್ ಟ್ರಾಫರ್ಡ್ ಕ್ರೀಡಾಂಗಣದ ಸ್ಟ್ಯಾಂಡ್ಗಳಿಗೆ ಭಾರತ ತಂಡದ ಮಾಜಿ ವಿಕೆಟ್ ಕೀಪರ್ ಫರೂಖ್ ಎಂಜಿನಿಯರ್ ಮತ್ತು ವೆಸ್ಟ್ ಇಂಡೀಸ್ನ ದಿಗ್ಗಜ ಬ್ಯಾಟರ್ ಕ್ಲೈವ್ ಲಾಯ್ಡ್ ಅವರ ಹೆಸರಿಟ್ಟು ಗೌರವಿಸಲು ಲ್ಯಾಂಕೇಶೈರ್ ಕೌಂಟಿ ತೀರ್ಮಾನಿಸಿದೆ.</p>.<p>ಬುಧವಾರ ಆರಂಭವಾಗುವ ಭಾರತ ಮತ್ತು ಇಂಗ್ಲೆಂಡ್ ತಂಡಗಳ ನಡುವೆ ನಾಲ್ಕನೇ ಟೆಸ್ಟ್ ಸಂದರ್ಭದಲ್ಲಿ, ಈ ದಿಗ್ಗಜರ ಹೆಸರನ್ನಿಡಲಾಗುವುದು. ಇವರಿಬ್ಬರು ಕ್ಲಬ್ಗೆ ನೀಡಿದ ಕಾಣಿಕೆ ಗುರುತಿಸಿ ಈ ಗೌರವ ಸಲ್ಲಿಸಲಾಗುತ್ತಿದೆ. ಸುಮಾರು ಒಂದು ದಶಕ ಕಾಲ ಎಂಜಿನಿಯರ್ ಅವರು ಲ್ಯಾಂಕೇಶೈರ್ಗೆ ಆಡಿದ್ದರು. ಲಾಯ್ಡ್ ಅವರು ಎರಡು ದಶಕಗಳ ಕಾಲ ಈ ಕ್ಲಬ್ ಪ್ರತಿನಿಧಿಸಿದ್ದರು.</p>.<p>87 ವರ್ಷ ವಯಸ್ಸಿನ ಎಂಜಿನಿಯರ್, 1968 ರಿಂದ 1976ರ ಅವಧಿಯಲ್ಲಿ ಕ್ಲಬ್ ಪರ 175 ಪಂದ್ಯಗಳನ್ನಾಡಿದ್ದು, 5942 ರನ್, 429 ಕ್ಯಾಚ್ ಹಿಡಿದಿದ್ದಾರೆ. ಹಾಗೂ 35 ಸ್ಟಂಪಿಂಗ್ಗಳನ್ನು ಮಾಡಿದ್ದಾರೆ. ಅವರು ತಂಡಕ್ಕೆ ಸೇರ್ಪಡೆಯಾಗುವ 15 ವರ್ಷಗಳ ಮೊದಲ ಈ ಕ್ಲಬ್ ಯಾವುದೇ ಪ್ರಮುಖ ಪ್ರಶಸ್ತಿ ಗೆದ್ದಿರಲಿಲ್ಲ. ಆದರೆ ಅವರ ಆಟದಿಂದ 1970 ರಿಂದ 1975ರ ಅಧಿಯಲ್ಲಿ ತಂಡ ನಾಲ್ಕು ಬಾರಿ ಜಿಲೈಟ್ ಕಪ್ ಗೆದ್ದುಕೊಂಡಿತು.</p>.<p>ಮುಂಬೈನ ಬ್ರೆಬೋರ್ನ್ ಸ್ಟೇಡಿಯಂನಲ್ಲಿ ಎಂಜಿನಿಯರ್ ಅವರು ದೀರ್ಘ ಕಾಲ ಆಡಿದ್ದರೂ ಅಲ್ಲಿ ಅವರ ಹೆಸರಿನ ಸ್ಟ್ಯಾಂಡ್ ಇಲ್ಲ ಎಂಬುದು ಕುತೂಹಲದ ಸಂಗತಿ. ನಿವೃತ್ತಿಯ ನಂತರ ಎಂಜಿನಿಯರ್ ಅವರು ಮ್ಯಾಂಚೆಸ್ಟರ್ನಲ್ಲೇ ನೆಲೆಸಿದ್ದಾರೆ.</p>.<p>ಖಾಸಗಿ ಭೇಟಿಗಾಗಿ ಇಲ್ಲಿಗೆ ಬಂದಿರುವ ಭಾರತ ತಂಡದ ಮಾಜಿ ನಾಯಕ ದಿಲೀಪ್ ವೆಂಗಸರ್ಕರ್ ಅವರೂ ನಾಮಕರಣ ಸಂದರ್ಭದಲ್ಲಿ ಹಾಜರಿರುವ ಸಾಧ್ಯತೆಯಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
