ಕರಾಚಿ: ಈ ವರ್ಷ ನಿಗದಿಯಾಗಿರುವ ಏಷ್ಯಾ ಕಪ್ ಟಿ–20 ಆತಿಥ್ಯದಿಂದ ಪಾಕಿಸ್ತಾನ ಹಿಂದೆ ಸರಿಬಹುದು ಎಂಬ ಸುಳಿವನ್ನು ಆ ದೇಶದ ಕ್ರಿಕೆಟ್ ಮಂಡಳಿ (ಪಿಸಿಬಿ) ಅಧ್ಯಕ್ಷ ಎಹ್ಸಾನ್ ಮಣಿ ಬುಧವಾರ ನೀಡಿದ್ದಾರೆ.
ಪಾಕಿಸ್ತಾನ್ ಸೂಪರ್ ಲೀಗ್ ಟ್ರೋಫಿ ಅನಾವರಣ ಸಮಾರಂಭದಲ್ಲಿ ಮಾತನಾಡಿದ ಮಣಿ, ‘ಏಷ್ಯಾ ಕ್ರಿಕೆಟ್ ಕೌನ್ಸಿಲ್ನ (ಎಸಿಸಿ) ಇತರ ರಾಷ್ಟ್ರಗಳ ಜೊತೆ ಚರ್ಚೆಯ ನಂತರ ಏಷ್ಯಾ ಕಪ್ ನಡೆಯುವ ಸ್ಥಳದ ಬಗ್ಗೆ ನಿರ್ಧಾರಕ್ಕೆ ಬರಲಾಗುವುದು’ ಎಂದು ತಿಳಿಸಿದರು.
ಎಸಿಸಿಯ ಸಭೆಮಾರ್ಚ್ ಮೊದಲ ವಾರ ನಡೆಯಲಿದ್ದು, ಅಲ್ಲಿ ಟೂರ್ನಿಯ ವಿವರಗಳನ್ನು ಅಂತಿಮಗೊಳಿಸಲಾಗುವುದು ಎಂದು ಮಣಿ ತಿಳಿಸಿದರು.