IPL 2022: ಐಪಿಎಲ್ ಅರ್ಧ ಪಯಣ ಮುಗಿದಾಗ ಅಂಕಪಟ್ಟಿ ಹೀಗಿದೆ

ಇದೇ ಮೊದಲ ಬಾರಿಗೆ ಐಪಿಎಲ್‌ಗೆ ಪದಾರ್ಪಣೆ ಮಾಡಿರುವ ಗುಜರಾತ್ ತಂಡವನ್ನು ಹಾರ್ದಿಕ್ ಪಾಂಡ್ಯ ಮುನ್ನಡೆಸುತ್ತಿದ್ದಾರೆ. ಇದುವರೆಗೆ ಆಡಿರುವ ಏಳು ಪಂದ್ಯಗಳಲ್ಲಿ ಆರು ಗೆಲುವಿನೊಂದಿಗೆ ಒಟ್ಟು 12 ಅಂಕ ಸಂಪಾದಿಸಿದೆ.

ಇದನ್ನೂ ಓದಿ:ಸದ್ಯ ಟೀಮ್ ಇಂಡಿಯಾ ಬಗ್ಗೆ ಯೋಚಿಸುತ್ತಿಲ್ಲ, ಐಪಿಎಲ್ ಮೇಲೆ ಗಮನ: ಹಾರ್ದಿಕ್

ಅಚ್ಚರಿಯೆಂಬಂತೆ ಮೊದಲೆರಡು ಪಂದ್ಯಗಳಲ್ಲಿ ಸೋಲು ಅನುಭವಿಸಿದ್ದ ಸನ್‌ರೈಸರ್ಸ್ ಹೈದರಾಬಾದ್, ಬಳಿಕದ ಐದು ಪಂದ್ಯಗಳಲ್ಲಿ ಗೆಲುವು ಸಾಧಿಸಿ ಎರಡನೇ ಸ್ಥಾನಕ್ಕೆ ಜಿಗಿದಿದೆ.

ಏಳು ಪಂದ್ಯಗಳಲ್ಲಿ ಅಷ್ಟೇ ಅಂಕ ಸಂಪಾದಿಸಿರುವ ರಾಜಸ್ಥಾನ್ ರಾಯಲ್ಸ್, ರನ್‌ರೇಟ್ ಲೆಕ್ಕಾಚಾರದಲ್ಲಿ ಅಲ್ಪ ಹಿನ್ನಡೆ ಅನುಭವಿಸಿದ್ದು, ಮೂರನೇ ಸ್ಥಾನ ಪಡೆದಿದೆ.

ಹೈದರಾಬಾದ್ ವಿರುದ್ಧ ಹೀನಾಯ ಸೋಲು ಎದುರಿಸಿರುವ ಹೊರತಾಗಿಯೂ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಎಂಟು ಪಂದ್ಯಗಳಲ್ಲಿ 10 ಅಂಕಗಳೊಂದಿಗೆ ನಾಲ್ಕನೇ ಸ್ಥಾನದಲ್ಲಿದೆ.

ಗುಜರಾತ್ ಜೊತೆಗೆ ಐಪಿಎಲ್‌ಗೆ ಪದಾರ್ಪಣೆ ಮಾಡಿರುವ ಲಖನೌ ಸೂಪರ್ ಜೈಂಟ್ಸ್, ಅಗ್ರ ಐದರಲ್ಲಿ ಸ್ಥಾನ ಪಡೆದಿದೆ. ಚೊಚ್ಚಲ ಕಿರೀಟ ಎದುರು ನೋಡುತ್ತಿರುವ ಡೆಲ್ಲಿ ಕ್ಯಾಪಿಟಲ್ಸ್ ಆರು ಮತ್ತು ಪಂಜಾಬ್ ಕಿಂಗ್ಸ್ ಎಂಟನೇ ಸ್ಥಾನದಲ್ಲಿದೆ. ಎರಡು ಬಾರಿಯ ಚಾಂಪಿಯನ್ ಕೋಲ್ಕತ್ತ ನೈಟ್ ರೈಡರ್ಸ್ ಆರು ಅಂಕಗಳೊಂದಿಗೆ ಏಳನೇ ಸ್ಥಾನದಲ್ಲಿದೆ.

ಐಪಿಎಲ್‌ನಲ್ಲಿ ದಾಖಲೆಯ ಐದು ಬಾರಿ ಟ್ರೋಫಿ ಗೆದ್ದಿರುವ ಮುಂಬೈ ಇಂಡಿಯನ್ಸ್, ಈವರೆಗಿನ ಎಲ್ಲ ಏಳು ಪಂದ್ಯಗಳಲ್ಲಿ ಸೋತು ಅಂಕಪಟ್ಟಿಯಲ್ಲಿ ಕೊನೆಯ ಸ್ಥಾನದಲ್ಲಿದೆ. ರೋಹಿತ್ ಬಳಗ ಇನ್ನಷ್ಟೇ ಖಾತೆ ತೆರೆಯಬೇಕಿದೆ.

ನಾಲ್ಕು ಬಾರಿ ಚಾಂಪಿಯನ್ ಚೆನ್ನೈ ಸೂಪರ್ ಕಿಂಗ್ಸ್, ಏಳು ಪಂದ್ಯಗಳಲ್ಲಿ ಎರಡರಲ್ಲಿ ಮಾತ್ರ ಗೆದ್ದು ಒಂಬತ್ತನೇ ಸ್ಥಾನದಲ್ಲಿದೆ.

ಐಪಿಎಲ್ 2022 ಅಂಕಪಟ್ಟಿ (36ನೇ ಪಂದ್ಯ ಅಂತ್ಯಕ್ಕೆ):
ಗುಜರಾತ್ ಟೈಟನ್ಸ್: ಪಂದ್ಯ-7, ಗೆಲುವು-6, ಸೋಲು-1, ಅಂಕ-12
ಸನ್‌ರೈಸರ್ಸ್ ಹೈದರಾಬಾದ್: ಪಂದ್ಯ-7, ಗೆಲುವು-5, ಸೋಲು-2, ಅಂಕ-10
ರಾಜಸ್ಥಾನ್ ರಾಯಲ್ಸ್: ಪಂದ್ಯ-7, ಗೆಲುವು-5, ಸೋಲು-2, ಅಂಕ-10
ರಾಯಲ್ ಚಾಲೆಂಜರ್ಸ್ ಬೆಂಗಳೂರು: ಪಂದ್ಯ-8, ಗೆಲುವು-5, ಸೋಲು-3, ಅಂಕ-10
ಲಖನೌ ಸೂಪರ್ ಜೈಂಟ್ಸ್: ಪಂದ್ಯ-7, ಗೆಲುವು-4, ಸೋಲು-3, ಅಂಕ-8
ಡೆಲ್ಲಿ ಕ್ಯಾಪಿಟಲ್ಸ್: ಪಂದ್ಯ-7, ಗೆಲುವು-3, ಸೋಲು-4, ಅಂಕ-6
ಕೋಲ್ಕತ್ತ ನೈಟ್ ರೈಡರ್ಸ್: ಪಂದ್ಯ-8, ಗೆಲುವು-3, ಸೋಲು-5, ಅಂಕ-6
ಪಂಜಾಬ್ ಕಿಂಗ್ಸ್: ಪಂದ್ಯ-7, ಗೆಲುವು-3, ಸೋಲು-4, ಅಂಕ-6
ಚೆನ್ನೈ ಸೂಪರ್ ಕಿಂಗ್ಸ್: ಪಂದ್ಯ-7, ಗೆಲುವು-2, ಸೋಲು-5, ಅಂಕ-4
ಮುಂಬೈ ಇಂಡಿಯನ್ಸ್: ಪಂದ್ಯ-7, ಗೆಲುವು-0, ಸೋಲು-7, ಅಂಕ-0

ಅತಿ ಹೆಚ್ಚು ರನ್ ಗಳಿಸಿದ ಟಾಪ್ 5 ಬ್ಯಾಟರ್:
ಜೋಸ್ ಬಟ್ಲರ್: ಪಂದ್ಯ-7, ರನ್-491, ಸರಾಸರಿ-81.83, ಸ್ಟ್ರೈಕ್‌ರೇಟ್-161.51, ಶತಕ-3, ಅರ್ಧಶತಕ-2, ಸಿಕ್ಸರ್-32
ಹಾರ್ದಿಕ್ ಪಾಂಡ್ಯ: ಪಂದ್ಯ-6, ರನ್-295, ಸರಾಸರಿ-73.75, ಸ್ಟ್ರೈಕ್‌ರೇಟ್-136.57, ಅರ್ಧಶತಕ-3, ಸಿಕ್ಸರ್-8
ಕೆ.ಎಲ್. ರಾಹುಲ್: ಪಂದ್ಯ-7, ರನ್-265, ಸರಾಸರಿ-44.17, ಸ್ಟ್ರೈಕ್‌ರೇಟ್-141.71, ಶತಕ-1, ಅರ್ಧಶತಕ-1, ಸಿಕ್ಸರ್-11
ಫಫ್ ಡುಪ್ಲೆಸಿ: ಪಂದ್ಯ-8, ರನ್-255, ಸರಾಸರಿ-31.88, ಸ್ಟ್ರೈಕ್‌ರೇಟ್-130.10, ಅರ್ಧಶತಕ-2, ಸಿಕ್ಸರ್-9
ಪೃಥ್ವಿ ಶಾ: ಪಂದ್ಯ-7, ರನ್-254, ಸರಾಸರಿ-36.29, ಸ್ಟ್ರೈಕ್‌ರೇಟ್-164.93, ಅರ್ಧಶತಕ-2, ಸಿಕ್ಸರ್-9

ಅತಿ ಹೆಚ್ಚು ವಿಕೆಟ್ ಗಳಿಸಿದ ಟಾಪ್ 5 ಬೌಲರ್‌ಗಳು:
ಯಜುವೇಂದ್ರ ಚಾಹಲ್: ಪಂದ್ಯ-7, ವಿಕೆಟ್-18, ಅತ್ಯುತ್ತಮ ಬೌಲಿಂಗ್-40/5, ಎಕಾನಮಿ-7.28
ಟಿ.ನಟರಾಜನ್: ಪಂದ್ಯ-7, ವಿಕೆಟ್-15, ಅತ್ಯುತ್ತಮ ಬೌಲಿಂಗ್-10/3, ಎಕಾನಮಿ-8.07
ಕುಲ್‌ದೀಪ್ ಯಾದವ್: ಪಂದ್ಯ-7, ವಿಕೆಟ್-13, ಅತ್ಯುತ್ತಮ ಬೌಲಿಂಗ್-35/4, ಎಕಾನಮಿ-8.47
ಡ್ವೇನ್ ಬ್ರಾವೊ: ಪಂದ್ಯ-7, ವಿಕೆಟ್-12, ಅತ್ಯುತ್ತಮ ಬೌಲಿಂಗ್-20/3, ಎಕಾನಮಿ-8.45
ಉಮೇಶ್ ಯಾದವ್: ಪಂದ್ಯ-8, ವಿಕೆಟ್-11, ಅತ್ಯುತ್ತಮ ಬೌಲಿಂಗ್-23/4, ಎಕಾನಮಿ-7.43