ಬೆಂಗಳೂರು: ಅಭಿಷೇಕ್ ಶರ್ಮಾ (77, 45 ಎಸೆತ) ಮತ್ತು ಮನ್‌ದೀಪ್ ಸಿಂಗ್ (ಔಟಾಗದೇ 63, 36 ಎಸೆತ) ಅವರ ಬಿರುಸಿನ ಅರ್ಧಶತಕಗಳ ನೆರವಿನಿಂದ ಪಂಜಾಬ್ ತಂಡ, ಸೈಯ್ಯದ್ ಮುಷ್ತಾಕ್ ಅಹಮ್ಮದ್ ಟ್ರೋಫಿ ಕ್ರಿಕೆಟ್‌ ಟೂರ್ನಿ ಸೆಮಿಫೈನಲ್‌ನಲ್ಲಿ ಆರು ವಿಕೆಟ್‌ಗಳಿಂದ ದೆಹಲಿ ತಂಡವನ್ನು ಸೋಲಿಸಿತು. ಪಂಜಾಬ್ ತಂಡ ಫೈನಲ್‌ನಲ್ಲಿ ಬರೋಡಾ ತಂಡವನ್ನು ಎದುರಿಸಲಿದೆ.
ದೆಹಲಿ ತಂಡದ ಆಯುಷ್ ಬಡೋಣಿ (ಔಟಾಗದೇ 80, 57 ಎಸೆತ) ಅವರ ಮಿಂಚಿನ ಇನಿಂಗ್ಸ್‌ ವ್ಯರ್ಥವಾಯಿತು. ಬರೋಡಾ ಇನ್ನೊಂದು ಸೆಮಿಫೈನಲ್‌ನಲ್ಲಿ ಆರು ವಿಕೆಟ್‌ ಗೆಲುವಿನ ಮೂಲಕ ಅಸ್ಸಾಂ ತಂಡದ ಯಶಸ್ಸಿನ ಓಟಕ್ಕೆ ತಡೆಯೊಡ್ಡಿತು.
