<p><strong>ದುಬೈ</strong>: ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ ಗುರುವಾರ ಪ್ರಕಟಿಸಿರುವ ವರ್ಷದ ಟೆಸ್ಟ್ ತಂಡದಲ್ಲಿ ಭಾರತದ ರೋಹಿತ್ ಶರ್ಮಾ, ರಿಷಭ್ ಪಂತ್ ಮತ್ತು ಆರ್. ಅಶ್ವಿನ್ ಸ್ಥಾನ ಗಳಿಸಿದ್ದಾರೆ.</p>.<p>ಆದರೆ, ಇದೇ ಸಂದರ್ಭದಲ್ಲಿ ಪ್ರಕಟಿಸಿರುವ ಏಕದಿನ ಮತ್ತು ಟಿ20 ತಂಡಗಳಲ್ಲಿ ಭಾರತದ ಒಬ್ಬ ಆಟಗಾರನಿಗೂ ಸ್ಥಾನ ಲಭಿಸಿಲ್ಲ.</p>.<p>2021ರ ಸಾಧನೆಗಳ ಆಧಾರದಲ್ಲಿ ಈ ತಂಡಗಳನ್ನು ಆಯ್ಕೆ ಮಾಡಲಾಗಿದೆ. ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ನಲ್ಲಿ ಭಾರತ ರನ್ನರ್ಸ್ ಅಪ್ ಆಗಿತ್ತು. ಚಾಂಪಿಯನ್ ಆಗಿರುವ ನ್ಯೂಜಿಲೆಂಡ್ ತಂಡದ ನಾಯಕ ಕೇನ್ ವಿಲಿಯಮ್ಸನ್ ಕೂಡ ಈ ತಂಡದಲ್ಲಿ ಸ್ಥಾನ ಗಿಟ್ಟಿಸಿದ್ದಾರೆ.</p>.<p>ಹೋದ ವರ್ಷದಲ್ಲಿ ಭಾರತವು ಒಟ್ಟು 14 ಟೆಸ್ಟ್ಗಳಲ್ಲಿ ಆಡಿದೆ. ಅದರಲ್ಲಿ ಎಂಟು ಗೆದ್ದಿದೆ. ಮೂರರಲ್ಲಿ ಸೋತಿದೆ. ಮೂರರಲ್ಲಿ ಡ್ರಾ ಮಾಡಿಕೊಂಡಿದೆ.</p>.<p>ಆರಂಭಿಕ ಬ್ಯಾಟರ್ ರೋಹಿತ್ ಶರ್ಮಾ 47.68ರ ಸರಾಸರಿಯಲ್ಲಿ 906 ರನ್ಗಳನ್ನು ಗಳಿಸಿದ್ದಾರೆ. ಅದರಲ್ಲಿ ಎರಡು ಶತಕಗಳು ಸೇರಿವೆ. ಎರಡೂ ಶತಕಗಳನ್ನು ಅವರು ಇಂಗ್ಲೆಂಡ್ ವಿರುದ್ಧ ಗಳಿಸಿದ್ದಾರೆ. ಒಂದು ಚೆನ್ನೈನಲ್ಲಿ ಇನ್ನೊಂದು ಓವಲ್ನಲ್ಲಿ.</p>.<p>ವಿಕೆಟ್ಕೀಪರ್–ಬ್ಯಾಟರ್ಪಂತ್ 12 ಪಂದ್ಯಗಳನ್ನು ಆಡಿ 748 ರನ್ಗಳನ್ನು ಗಳಿಸಿದ್ದಾರೆ. ಅಹಮದಾಬಾದ್ನಲ್ಲಿ ಇಂಗ್ಲೆಂಡ್ ವಿರುದ್ಧ ಶತಕ ಹೊಡೆದಿದ್ದರು. ಕೀಪಿಂಗ್ನಲ್ಲಿ ಅವರು 39 ಬಲಿ ಪಡೆದಿದ್ದಾರೆ.</p>.<p>ಅನುಭವಿ ಆಫ್ಸ್ಪಿನ್ನರ್ ಆರ್. ಅಶ್ವಿನ್ ಒಂಬತ್ತು ಪಂದ್ಯಗಳಿಂದ 54 ವಿಕೆಟ್ಗಳನ್ನು ಗಳಿಸಿದ್ದಾರೆ. ತವರಿನಲ್ಲಿ ನಡೆದಿದ್ದ ಇಂಗ್ಲೆಂಡ್ ಮತ್ತು ನ್ಯೂಜಿಲೆಂಡ್ ಎದುರಿನ ಸರಣಿಗಳಲ್ಲಿ ಅವರು ಮಿಂಚಿದ್ದರು. ಬ್ಯಾಟಿಂಗ್ನಲ್ಲಿಯೂ ಉಪಯುಕ್ತ ಕಾಣಿಕೆ ನೀಡಿದ್ದ ಅವರು 355 ರನ್ಗಳನ್ನು ಕಲೆಹಾಕಿದ್ದರು.</p>.<p>ಈ ತಂಡದಲ್ಲಿ ಶ್ರೀಲಂಕಾದ ದಿಮುತ ಕರುಣಾರತ್ನೆ, ಆಸ್ಟ್ರೇಲಿಯಾದ ಮಾರ್ನಸ್ ಲಾಬುಷೇನ್, ಇಂಗ್ಲೆಂಡ್ ತಂಡದ ನಾಯಕ ಜೋ ರೂಟ್, ನ್ಯೂಜಿಲೆಂಡ್ನ ಕೈಲ್ ಜೆಮಿಸನ್, ಪಾಕಿಸ್ತಾನದ ಫವಾದ್ ಆಲಂ, ಹಸನ್ ಅಲಿ ಮತ್ತು ಶಾಹೀನ್ ಆಫ್ರಿದಿ ಸ್ಥಾನ ಪಡೆದಿದ್ದಾರೆ.</p>.<p>ಏಕದಿನ ತಂಡದಲ್ಲಿ ಭಾರತದ ಆಟಗಾರರಿಗೆ ಸ್ಥಾನ ಲಭಿಸಿಲ್ಲ. ಆದರೆ, ಆಸ್ಟ್ರೇಲಿಯಾ, ಇಂಗ್ಲೆಂಡ್, ನ್ಯೂಜಿಲೆಂಡ್ ಮತ್ತು ವೆಸ್ಟ್ ಇಂಡೀಸ್ನ ಆಟಗಾರರೂ ಈ ಪಟ್ಟಿಯಲ್ಲಿ ಇಲ್ಲ.</p>.<p>ಪಾಕಿಸ್ತಾನದ ಬಾಬರ್ ಆಜಂ ಈ ತಂಡಕ್ಕೆ ನಾಯಕರಾಗಿಆಯ್ಕೆಯಾಗಿದ್ಧಾರೆ. ದಕ್ಷಿಣ ಆಫ್ರಿಕಾದ ಜನೆಮನ್ ಮಲಾನ್, ರಸಿ ವ್ಯಾನ್ ಡರ್ ಡಸೆ, ಬಾಂಗ್ಲಾದೇಶದ ಶಕೀಬ್ ಅಲ್ ಹಸನ್, ಮುಸ್ತಫಿಜುರ್ ರೆಹಮಾನ್, ಮುಷ್ಫಿಕುರ್ ರಹೀಂ, ಶ್ರೀಲಂಕಾದ ವಾಣಿಂದು ಹಸರಂಗಾ, ದಿಶಮಂತಾ ಚಾಮೀರಾ, ಐರ್ಲೆಂಡ್ನ ಪಾಲ್ ಸ್ಟರ್ಲಿಂಗ್ ಮತ್ತು ಸಿಮಿ ಸಿಂಗ್ ಇದರಲ್ಲಿದ್ದಾರೆ.</p>.<p>ಭಾರತ ತಂಡವು ಕಳೆದ ವರ್ಷದಲ್ಲಿ ಏಕದಿನ ಮಾದರಿಯಲ್ಲಿ ಕಡಿಮೆ ಪಂದ್ಯಗಳನ್ನು ಆಡಿದೆ. ಕೊಹ್ಲಿ, ರಾಹುಲ್ ಮತ್ತು ರೋಹಿತ್ ಶರ್ಮಾ ಕೇವಲ ಮೂರು ಪಂದ್ಯಗಳಣ್ನು ಆಡಿದ್ದಾರೆ. ಶಿಖರ್ ಧವನ್ ಒಬ್ಬರೇ ಆರು ಪಂದ್ಯಗಳನ್ನು ಆಡಿ 297 ರನ್ಗಳನ್ನು ಗಳಿಸಿದ್ದಾರೆ.</p>.<p>ಬೌಲರ್ಗಳಲ್ಲಿ ಭುವನೇಶ್ವರ್ ಕುಮಾರ್ ಐದು ಪಂದ್ಯ ಆಡಿ 9 ವಿಕೆಟ್ ಗಳಿಸಿದ್ದಾರೆ.</p>.<p>ಐರ್ಲೆಂಡ್ನ ಸ್ಟರ್ಲಿಂಗ್ 14 ಪಂದ್ಯಗಳನ್ನು ಆಡಿ 705 ರನ್ಗಳನ್ನು ಗಳಿಸಿದ್ದಾರೆ.</p>.<p>ಹೋದ ವರ್ಷ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ತೋರಿದ ಕಳಪೆ ಪ್ರದರ್ಶನದಿಂದಾಗಿ ಚುಟುಕು ತಂಡದಲ್ಲಿಯೂ ಭಾರತದ ಆಟಗಾರರು ಸ್ಥಾನ ಪಡೆದಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ದುಬೈ</strong>: ಅಂತರರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ ಗುರುವಾರ ಪ್ರಕಟಿಸಿರುವ ವರ್ಷದ ಟೆಸ್ಟ್ ತಂಡದಲ್ಲಿ ಭಾರತದ ರೋಹಿತ್ ಶರ್ಮಾ, ರಿಷಭ್ ಪಂತ್ ಮತ್ತು ಆರ್. ಅಶ್ವಿನ್ ಸ್ಥಾನ ಗಳಿಸಿದ್ದಾರೆ.</p>.<p>ಆದರೆ, ಇದೇ ಸಂದರ್ಭದಲ್ಲಿ ಪ್ರಕಟಿಸಿರುವ ಏಕದಿನ ಮತ್ತು ಟಿ20 ತಂಡಗಳಲ್ಲಿ ಭಾರತದ ಒಬ್ಬ ಆಟಗಾರನಿಗೂ ಸ್ಥಾನ ಲಭಿಸಿಲ್ಲ.</p>.<p>2021ರ ಸಾಧನೆಗಳ ಆಧಾರದಲ್ಲಿ ಈ ತಂಡಗಳನ್ನು ಆಯ್ಕೆ ಮಾಡಲಾಗಿದೆ. ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ನಲ್ಲಿ ಭಾರತ ರನ್ನರ್ಸ್ ಅಪ್ ಆಗಿತ್ತು. ಚಾಂಪಿಯನ್ ಆಗಿರುವ ನ್ಯೂಜಿಲೆಂಡ್ ತಂಡದ ನಾಯಕ ಕೇನ್ ವಿಲಿಯಮ್ಸನ್ ಕೂಡ ಈ ತಂಡದಲ್ಲಿ ಸ್ಥಾನ ಗಿಟ್ಟಿಸಿದ್ದಾರೆ.</p>.<p>ಹೋದ ವರ್ಷದಲ್ಲಿ ಭಾರತವು ಒಟ್ಟು 14 ಟೆಸ್ಟ್ಗಳಲ್ಲಿ ಆಡಿದೆ. ಅದರಲ್ಲಿ ಎಂಟು ಗೆದ್ದಿದೆ. ಮೂರರಲ್ಲಿ ಸೋತಿದೆ. ಮೂರರಲ್ಲಿ ಡ್ರಾ ಮಾಡಿಕೊಂಡಿದೆ.</p>.<p>ಆರಂಭಿಕ ಬ್ಯಾಟರ್ ರೋಹಿತ್ ಶರ್ಮಾ 47.68ರ ಸರಾಸರಿಯಲ್ಲಿ 906 ರನ್ಗಳನ್ನು ಗಳಿಸಿದ್ದಾರೆ. ಅದರಲ್ಲಿ ಎರಡು ಶತಕಗಳು ಸೇರಿವೆ. ಎರಡೂ ಶತಕಗಳನ್ನು ಅವರು ಇಂಗ್ಲೆಂಡ್ ವಿರುದ್ಧ ಗಳಿಸಿದ್ದಾರೆ. ಒಂದು ಚೆನ್ನೈನಲ್ಲಿ ಇನ್ನೊಂದು ಓವಲ್ನಲ್ಲಿ.</p>.<p>ವಿಕೆಟ್ಕೀಪರ್–ಬ್ಯಾಟರ್ಪಂತ್ 12 ಪಂದ್ಯಗಳನ್ನು ಆಡಿ 748 ರನ್ಗಳನ್ನು ಗಳಿಸಿದ್ದಾರೆ. ಅಹಮದಾಬಾದ್ನಲ್ಲಿ ಇಂಗ್ಲೆಂಡ್ ವಿರುದ್ಧ ಶತಕ ಹೊಡೆದಿದ್ದರು. ಕೀಪಿಂಗ್ನಲ್ಲಿ ಅವರು 39 ಬಲಿ ಪಡೆದಿದ್ದಾರೆ.</p>.<p>ಅನುಭವಿ ಆಫ್ಸ್ಪಿನ್ನರ್ ಆರ್. ಅಶ್ವಿನ್ ಒಂಬತ್ತು ಪಂದ್ಯಗಳಿಂದ 54 ವಿಕೆಟ್ಗಳನ್ನು ಗಳಿಸಿದ್ದಾರೆ. ತವರಿನಲ್ಲಿ ನಡೆದಿದ್ದ ಇಂಗ್ಲೆಂಡ್ ಮತ್ತು ನ್ಯೂಜಿಲೆಂಡ್ ಎದುರಿನ ಸರಣಿಗಳಲ್ಲಿ ಅವರು ಮಿಂಚಿದ್ದರು. ಬ್ಯಾಟಿಂಗ್ನಲ್ಲಿಯೂ ಉಪಯುಕ್ತ ಕಾಣಿಕೆ ನೀಡಿದ್ದ ಅವರು 355 ರನ್ಗಳನ್ನು ಕಲೆಹಾಕಿದ್ದರು.</p>.<p>ಈ ತಂಡದಲ್ಲಿ ಶ್ರೀಲಂಕಾದ ದಿಮುತ ಕರುಣಾರತ್ನೆ, ಆಸ್ಟ್ರೇಲಿಯಾದ ಮಾರ್ನಸ್ ಲಾಬುಷೇನ್, ಇಂಗ್ಲೆಂಡ್ ತಂಡದ ನಾಯಕ ಜೋ ರೂಟ್, ನ್ಯೂಜಿಲೆಂಡ್ನ ಕೈಲ್ ಜೆಮಿಸನ್, ಪಾಕಿಸ್ತಾನದ ಫವಾದ್ ಆಲಂ, ಹಸನ್ ಅಲಿ ಮತ್ತು ಶಾಹೀನ್ ಆಫ್ರಿದಿ ಸ್ಥಾನ ಪಡೆದಿದ್ದಾರೆ.</p>.<p>ಏಕದಿನ ತಂಡದಲ್ಲಿ ಭಾರತದ ಆಟಗಾರರಿಗೆ ಸ್ಥಾನ ಲಭಿಸಿಲ್ಲ. ಆದರೆ, ಆಸ್ಟ್ರೇಲಿಯಾ, ಇಂಗ್ಲೆಂಡ್, ನ್ಯೂಜಿಲೆಂಡ್ ಮತ್ತು ವೆಸ್ಟ್ ಇಂಡೀಸ್ನ ಆಟಗಾರರೂ ಈ ಪಟ್ಟಿಯಲ್ಲಿ ಇಲ್ಲ.</p>.<p>ಪಾಕಿಸ್ತಾನದ ಬಾಬರ್ ಆಜಂ ಈ ತಂಡಕ್ಕೆ ನಾಯಕರಾಗಿಆಯ್ಕೆಯಾಗಿದ್ಧಾರೆ. ದಕ್ಷಿಣ ಆಫ್ರಿಕಾದ ಜನೆಮನ್ ಮಲಾನ್, ರಸಿ ವ್ಯಾನ್ ಡರ್ ಡಸೆ, ಬಾಂಗ್ಲಾದೇಶದ ಶಕೀಬ್ ಅಲ್ ಹಸನ್, ಮುಸ್ತಫಿಜುರ್ ರೆಹಮಾನ್, ಮುಷ್ಫಿಕುರ್ ರಹೀಂ, ಶ್ರೀಲಂಕಾದ ವಾಣಿಂದು ಹಸರಂಗಾ, ದಿಶಮಂತಾ ಚಾಮೀರಾ, ಐರ್ಲೆಂಡ್ನ ಪಾಲ್ ಸ್ಟರ್ಲಿಂಗ್ ಮತ್ತು ಸಿಮಿ ಸಿಂಗ್ ಇದರಲ್ಲಿದ್ದಾರೆ.</p>.<p>ಭಾರತ ತಂಡವು ಕಳೆದ ವರ್ಷದಲ್ಲಿ ಏಕದಿನ ಮಾದರಿಯಲ್ಲಿ ಕಡಿಮೆ ಪಂದ್ಯಗಳನ್ನು ಆಡಿದೆ. ಕೊಹ್ಲಿ, ರಾಹುಲ್ ಮತ್ತು ರೋಹಿತ್ ಶರ್ಮಾ ಕೇವಲ ಮೂರು ಪಂದ್ಯಗಳಣ್ನು ಆಡಿದ್ದಾರೆ. ಶಿಖರ್ ಧವನ್ ಒಬ್ಬರೇ ಆರು ಪಂದ್ಯಗಳನ್ನು ಆಡಿ 297 ರನ್ಗಳನ್ನು ಗಳಿಸಿದ್ದಾರೆ.</p>.<p>ಬೌಲರ್ಗಳಲ್ಲಿ ಭುವನೇಶ್ವರ್ ಕುಮಾರ್ ಐದು ಪಂದ್ಯ ಆಡಿ 9 ವಿಕೆಟ್ ಗಳಿಸಿದ್ದಾರೆ.</p>.<p>ಐರ್ಲೆಂಡ್ನ ಸ್ಟರ್ಲಿಂಗ್ 14 ಪಂದ್ಯಗಳನ್ನು ಆಡಿ 705 ರನ್ಗಳನ್ನು ಗಳಿಸಿದ್ದಾರೆ.</p>.<p>ಹೋದ ವರ್ಷ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ತೋರಿದ ಕಳಪೆ ಪ್ರದರ್ಶನದಿಂದಾಗಿ ಚುಟುಕು ತಂಡದಲ್ಲಿಯೂ ಭಾರತದ ಆಟಗಾರರು ಸ್ಥಾನ ಪಡೆದಿಲ್ಲ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
