ಮುಂಬೈ: ಮುಂಬೈನ ವಾಂಖೆಡೆ ಕ್ರೀಡಾಂಗಣದಲ್ಲಿ ನಿನ್ನೆ ನಡೆದ ರಾಜಸ್ಥಾನ ರಾಯಲ್ಸ್ ಮತ್ತು ಮುಂಬೈ ಇಂಡಿಯನ್ಸ್ ಪಂದ್ಯ ವೇಳೆ ಅಹಿತಕರ ಘಟನೆಯೊಂದು ನಡೆದಿದೆ. ಮುಂಬೈ ತಂಡ ಬೌಲಿಂಗ್ ನಡೆಸುತ್ತಿರುವ ವೇಳೆ ರೋಹಿತ್ ಶರ್ಮಾ ಅಭಿಮಾನಿಯೊಬ್ಬ ಮೈದಾನಕ್ಕೆ ನುಗ್ಗಿದ್ದು, ಅಭಿಮಾನಿ ಕಂಡು ಹಿಟ್ ಮ್ಯಾನ್ ಹೌಹಾರಿದ್ದಾರೆ.
ಬಿಳಿ ಟೀ ಶರ್ಟ್, ನೀಲಿ ಜೀನ್ಸ್ ಧರಿಸಿದ್ದ ವ್ಯಕ್ತಿಯೊಬ್ಬ ಭದ್ರತಾ ನಿಯಮ ಉಲ್ಲಂಘಿಸಿ ಮೈದಾನಕ್ಕೆ ನುಗ್ಗಿದ್ದು, ನೇರವಾಗಿ ರೋಹಿತ್ ಶರ್ಮಾ ಕಡೆಗೆ ಹೋಗಿದ್ದಾನೆ. ಏಕಾಏಕಿ ಪಿಚ್ ಒಳಗೆ ಬಂದ ಅಭಿಮಾನಿ ಕಂಡು ಬೆದರಿದ ರೋಹಿತ್, ಒಂದು ಹೆಜ್ಜೆ ಹಿಂದಕ್ಕೆ ಹೋಗಿದ್ದಾರೆ. ನಂತರ ಆತನನ್ನು ತಬ್ಬಿಕೊಂಡಿದ್ದಾರೆ. ಈ ವಿಡಿಯೊ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದೆ.