ಬೆಂಗಳೂರು: ಜಯನ್ ಮತ್ತು ಯಶಸ್‌ ಅವರ ಪರಿಣಾಮಕಾರಿ ಬೌಲಿಂಗ್ ದಾಳಿಯ ನೆರವಿನಿಂದ ಡೆಲ್ಲಿ ಪಬ್ಲಿಕ್‌ ಸ್ಕೂಲ್‌ (ಡಿಪಿಎಸ್‌) ಸೌತ್ ತಂಡವು ಗೋಪಾಲನ್‌ ಸ್ಪೋರ್ಟ್ಸ್‌ ಸೆಂಟರ್‌ ಆಶ್ರಯದಲ್ಲಿ ನಡೆಯುತ್ತಿರುವ ಸೇವ್‌ ವಾಟರ್‌ ಕಪ್‌ 7ನೇ ಆವೃತ್ತಿಯ 16 ವರ್ಷದೊಳಗಿನವರ ಪಂದ್ಯದಲ್ಲಿ 82 ರನ್‌ಗಳಿಂದ ಕಪಿಲ್‌ ಸಿ.ಎ. ತಂಡವನ್ನು ಮಣಿಸಿತು.
ಬುಧವಾರ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್‌ ಮಾಡಿದ ಡಿಪಿಎಸ್‌ ತಂಡವು ಕಿಶನ್‌ (58; 40ಎ) ಅವರ ಅರ್ಧಶತಕದ ನೆರವಿನಿಂದ 20 ಓವರ್‌ಗಳಲ್ಲಿ 3 ವಿಕೆಟ್‌ಗೆ 158 ರನ್‌ ಕಲೆಹಾಕಿತು. ಗುರಿಯನ್ನು ಬೆನ್ನಟ್ಟಿದ ಕಪಿಲ್‌ ತಂಡವು ಜಯನ್ (8ಕ್ಕೆ 4) ಮತ್ತು ಯಶಸ್‌ (8ಕ್ಕೆ 3) ದಾಳಿಗೆ ತತ್ತರಿಸಿತು. ಹೀಗಾಗಿ, 18.4 ಓವರ್‌ಗಳಲ್ಲಿ 76 ರನ್‌ಗೆ ಕುಸಿಯಿತು.
ಸಂಕ್ಷಿಪ್ತ ಸ್ಕೋರ್‌: ಡಿಪಿಎಸ್‌ ಸೌತ್: 20 ಓವರ್‌ಗಳಲ್ಲಿ 3 ವಿಕೆಟ್‌ಗೆ 158 (ಕಿಶನ್‌ 58, ಧ್ರುವ್‌ 41, ಜಯನ್ 26; ಧ್ರುವ್‌ ಎ. 24ಕ್ಕೆ 2). ಕಪಿಲ್‌ ಸಿ.ಎ: 18.4 ಓವರ್‌ಗಳಲ್ಲಿ 76 (ಧ್ರುವ್‌ ಎ. 24, ಜಯನ್ 8ಕ್ಕೆ 4, ಯಶಸ್‌ 8ಕ್ಕೆ 3). ಫಲಿತಾಂಶ: ಡಿಪಿಎಸ್‌ ತಂಡಕ್ಕೆ 82 ರನ್‌ಗಳ ಜಯ
