ಹಿಂದಿನ ಎರಡೂ ಆವೃತ್ತಿಗಳಲ್ಲಿ ಪಾರಮ್ಯ ಸ್ಥಾಪಿಸಿದ್ದ ಸೂಪರ್ನೋವಾಸ್ ಈ ಬಾರಿ ಮೊದಲ ಪಂದ್ಯದಲ್ಲಿ ಐದು ವಿಕೆಟ್‌ಗಳಿಂದ ಸೋತಿತ್ತು. ಹರ್ಮನ್‌ಪ್ರೀತ್ ಕೌರ್ ನಾಯಕತ್ವದ ತಂಡ ಕೇವಲ 126 ರನ್ ಗಳಿಸಿತ್ತು. ಒಂದು ಎಸೆತ ಬಾಕಿ ಇರುವಾಗ ವೆಲೋಸಿಟಿ ಐದು ವಿಕೆಟ್ ಕಳೆದುಕೊಂಡು ಗೆಲುವಿನ ದಡ ಸೇರಿತ್ತು. ಗುರುವಾರ ನಡೆದ ಪಂದ್ಯದಲ್ಲಿ ಮಿಥಾಲಿ ರಾಜ್ ನೇತೃತ್ವದ ವೆಲೋಸಿಟಿಗೆ ಸ್ಮೃತಿ ಮಂದಾನ ನಾಯಕತ್ವದ ಟ್ರೇಲ್ಬ್ಲೇಜರ್ಸ್ ಭಾರಿ ಪೆಟ್ಟು ನೀಡಿತ್ತು. 47 ರನ್‌ಗಳಿಗೆ ವೆಲೋಸಿಟಿಯನ್ನು ಕೆಡವಿದಟ್ರೇಲ್‌ಬ್ಲೇಜರ್ಸ್ ಒಂದು ವಿಕೆಟ್ ಕಳೆದುಕೊಂಡು ಎಂಟನೇ ಓವರ್‌ನಲ್ಲಿ ಜಯ ಗಳಿಸಿತ್ತು.
