ಸೂರ್ಯ ‘ಭಾರತದ ಮಿಸ್ಟರ್‌ 360’: ಸ್ಕೂಪ್ ಶಾಟ್ ಸಿಕ್ಸರ್‌ಗೆ ಗಾವಸ್ಕರ್‌ ಮೆಚ್ಚುಗೆ

ಮೆಲ್ಬರ್ನ್/ ನವದೆಹಲಿ: ಟಿ20 ವಿಶ್ವಕಪ್ ಟೂರ್ನಿಯ ಕೊನೆಯ ಲೀಗ್ ಪಂದ್ಯದಲ್ಲಿ ಭಾರತದ ಸೂರ್ಯಕುಮಾರ್ ಯಾದವ್ ಅವರು ಜಿಂಬಾಬ್ವೆಯ ರಿಚರ್ಡ್ ಎಂಗರವ ಬೌಲಿಂಗ್ನಲ್ಲಿ ‘ಸ್ಕೂಪ್ ಶಾಟ್’ ಮೂಲಕ ಹೊಡೆದ ಸಿಕ್ಸರ್ ಬಗ್ಗೆ ಕ್ರಿಕೆಟ್ ವಲಯದಲ್ಲಿ ಸಾಕಷ್ಟು ಚರ್ಚೆ ನಡೆದಿದೆ.

. ತಮ್ಮ ವಿಶಿಷ್ಟ ರೀತಿಯ ಬ್ಯಾಟಿಂಗ್ ಮೂಲಕ ಈಗಾಗಲೇ ಅಭಿಮಾನಿಗಳ ಮನಗೆದ್ದಿರುವ ‘ಸೂರ್ಯ’ನ ಪ್ರಖರತೆ ಪಂದ್ಯದಿಂದ ಪಂದ್ಯಕ್ಕೆ ಹೆಚ್ಚುತ್ತಿದೆ. ಭಾನುವಾರ ಎಂಸಿಜಿಯಲ್ಲಿ ನೆರೆದಿದ್ದ 80 ಸಾವಿರಕ್ಕೂ ಹೆಚ್ಚು ಪ್ರೇಕ್ಷಕರ ಮುಂದೆ ಅಮೋಘ ಆಟವಾಡಿದ್ದ ಅವರು 25 ಎಸೆತಗಳಲ್ಲಿ 61 ರನ್ ಗಳಿಸಿದ್ದರು.

. ನಾಲ್ಕು ಸಿಕ್ಸರ್ ಹಾಗೂ ಆರು ಬೌಂಡರಿ ಹೊಡೆದಿದ್ದರಲ್ಲದೆ, ಭಾರತದ ಗೆಲುವಿನಲ್ಲಿ ಪ್ರಮುಖ ಪಾತ್ರ ವಹಿಸಿದ್ದರು. ಸೂರ್ಯಕುಮಾರ್ ಆಟವನ್ನು ದಿಗ್ಗಜ ಆಟಗಾರ ಸುನಿಲ್ ಗಾವಸ್ಕರ್ ಸೇರಿದಂತೆ ಹಲವರು ಕೊಂಡಾಡಿದ್ದಾರೆ.

. ಮುಂಬೈನ ಬ್ಯಾಟರ್ ಈ ವಿಶ್ವಕಪ್ನಲ್ಲಿ ಆಡಿರುವ ಐದು ಪಂದ್ಯಗಳಿಂದ 225 ರನ್ ಪೇರಿಸಿದ್ದಾರೆ. ಅವರ ಸ್ಟ್ರೈಕ್ರೇಟ್ 193.26 ಆಗಿದೆ. ಇಂಗ್ಲೆಂಡ್ ವಿರುದ್ಧದ ಸೆಮಿಫೈನಲ್ನಲ್ಲೂ ಭಾರತ ತಂಡ ಅವರಿಂದ ಇಂತಹದೇ ಆಟ ನಿರೀಕ್ಷಿಸುತ್ತಿದೆ.

. ಭಾರತದ ‘ಮಿಸ್ಟರ್ 360’: ‘ಸೂರ್ಯಕುಮಾರ್ ಅವರು ಭಾರತದ ‘ಮಿಸ್ಟರ್ 360 ಡಿಗ್ರಿ’ ಆಟಗಾರನಾಗಿ ಹೊರಹೊಮ್ಮಿದ್ದಾರೆ’ ಎಂದು ಸುನಿಲ್ ಗಾವಸ್ಕರ್ ಬಣ್ಣಿಸಿದ್ದಾರೆ.

. ದಕ್ಷಿಣ ಆಫ್ರಿಕಾದ ಎಬಿ ಡಿವಿಲಿಯರ್ಸ್ ಕ್ರಿಕೆಟ್ ವಲಯದಲ್ಲಿ ‘ಮಿ.360’ ಎಂಬ ಹೆಸರು ಪಡೆದುಕೊಂಡಿದ್ದಾರೆ. ಸ್ಕೂಪ್ ಶಾಟ್ಗಳ ಮೂಲಕ ವಿಕೆಟ್ ಕೀಪರ್ ತಲೆಮೇಲಿಂದ ಸೇರಿದಂತೆ ಅಂಗಳದ ಎಲ್ಲ ಕಡೆಗೂ ಸಿಕ್ಸರ್, ಬೌಂಡರಿ ಹೊಡೆಯಬಲ್ಲ ಸಾಮರ್ಥ್ಯ ಅವರಿಗೆ ಈ ಹೆಸರು ತಂದುಕೊಟ್ಟಿದೆ. ಇದೀಗ ಸೂರ್ಯ ಅವರಿಗೂ ಅದೇ ಹೆಸರು ದೊರೆತಿದೆ.

. ‘ಸೂರ್ಯಕುಮಾರ್ ಆಟ ದಿಂದಾಗಿಯೇ ಭಾರತ ತಂಡಕ್ಕೆ ಆಸ್ಟ್ರೇಲಿಯಾದ ಪಿಚ್ಗಳಲ್ಲಿ ಡಿಫೆಂಡ್ ಮಾಡಬಲ್ಲಂತಹ ಸ್ಕೋರ್ ಗಳಿಸಲು ಸಾಧ್ಯವಾಗುತ್ತಿದೆ. ಇಲ್ಲದಿದ್ದರೆ 140–150 ರನ್ ಗಳಿಸಲೂ ಪರದಾಡಬೇಕಾಗುತ್ತದೆ’ ಎಂದು ಗಾವಸ್ಕರ್ ಅಭಿಪ್ರಾಯಪಟ್ಟಿದ್ದಾರೆ.

. 1,000 ರನ್ ಸಾಧನೆ: ಸೂರ್ಯಕುಮಾರ್ 2022ರ ಕ್ಯಾಲೆಂಡರ್ ಋತುವಿನಲ್ಲಿ ಟಿ20 ಕ್ರಿಕೆಟ್ನಲ್ಲಿ ಸಾವಿರ ರನ್ ಪೂರೈಸಿದ ಮೊದಲ ಹಾಗೂ ಏಕೈಕ ಬ್ಯಾಟರ್ ಎನಿಸಿಕೊಂಡಿದ್ದಾರೆ.

. ಟಿ20ಯಲ್ಲಿ ಒಂದು ವರ್ಷದಲ್ಲಿ ಸಾವಿರ ರನ್ ಪೇರಿಸಿದ ವಿಶ್ವದ ಎರಡನೇ ಬ್ಯಾಟರ್ ಎಂಬ ಗೌರವ ಒಲಿದಿದೆ.

. ಪಾಕಿಸ್ತಾನದ ಮೊಹಮ್ಮದ್ ರಿಜ್ವಾನ್ ಕಳೆದ ವರ್ಷ ಇಂತಹ ಸಾಧನೆ ಮಾಡಿದ್ದರು. ಅವರು ಒಂದೇ ವರ್ಷದಲ್ಲಿ 1,326 ರನ್ ಕಲೆಹಾಕಿದ್ದರು. ಈ ವರ್ಷ 924 ರನ್ಗಳೊಂದಿಗೆ ಎರಡನೇ ಸ್ಥಾನದಲ್ಲಿದ್ದಾರೆ.

. ‘ರಬ್ಬರ್ ಬಾಲ್ನಲ್ಲಿ ಆಡಿ ಸ್ಕೂಪ್ ಶಾಟ್ ಕಲಿತೆ’ ‘ರಬ್ಬರ್ ಬಾಲ್ ಬಳಸಿ ಕ್ರಿಕೆಟ್ ಆಡುತ್ತಿದ್ದಾಗ ಇಂತಹ ಸ್ಕೂಪ್ ಶಾಟ್ಗಳನ್ನು ಹೊಡೆಯಲು ಕಲಿತೆ. ಅದನ್ನು ಇಲ್ಲೂ ಕಾರ್ಯರೂಪಕ್ಕಿಳಿಸಿದ್ದೇನೆ’ ಎಂದು ಸೂರ್ಯಕುಮಾರ್ ತಮ್ಮ ಆಟದ ಬಗ್ಗೆ ಹೇಳಿದ್ದಾರೆ.

. ‘ಬೌಲರ್ ಯಾವ ರೀತಿ ಬೌಲ್ ಮಾಡುವನು ಎಂಬುದನ್ನು ಮುಂಚಿತವಾಗಿಯೇ ಅಂದಾಜಿಸಿ, ಸ್ಕೂಪ್ ಶಾಟ್ಗಳಿಗೆ ಮುಂದಾಗುವೆ’ ಎಂದು ಭಾನುವಾರದ ಇನಿಂಗ್ಸ್ ಬಗ್ಗೆ ಪ್ರತಿಕ್ರಿಯಿಸಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಸೂರ್ಯ ‘ಭಾರತದ ಮಿಸ್ಟರ್‌ 360’: ಸ್ಕೂಪ್ ಶಾಟ್ ಸಿಕ್ಸರ್‌ಗೆ ಗಾವಸ್ಕರ್‌ ಮೆಚ್ಚುಗೆ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌

ಡ್ಯೂಕ್ ಚೆಂಡಿನ ಗುಣಮಟ್ಟ ಹೆಚ್ಚಳಕ್ಕೆ ಬದ್ಧ: ಬ್ರಿಟಿಷ್ ಕ್ರಿಕೆಟ್ ಬಾಲ್ಸ್‌

Wimbledon 2025: ಪ್ರಶಸ್ತಿಗೆ ಅಲ್ಕರಾಜ್–ಸಿನ್ನರ್ ಸೆಣಸಾಟ

ಆ.11ರಿಂದ ಮಹಾರಾಜ ಟ್ರೋಫಿ: ಪ್ರೇಕ್ಷಕರಿಗೆ ಇಲ್ಲ ಅವಕಾಶ

ರಾಜ್ಯ ಕಿರಿಯರ ಈಜು: ದಕ್ಷಣ್‌, ಶರಣ್‌ ಕೂಟ ದಾಖಲೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಮೋದಿ 75ಕ್ಕೆ ನಿವೃತ್ತಿ?: ವಿಪಕ್ಷಗಳಿಗೆ ಆಹಾರವಾದ RSS ಮುಖ್ಯಸ್ಥ ಭಾಗವತ್ ಹೇಳಿಕೆ

ಚಿಕ್ಕಮಗಳೂರು: ತಿರುಪತಿ ಹೊರಟ ಹೊಸ ರೈಲಿಗೆ ದೀರ್ಘದಂಡ ನಮಸ್ಕಾರ ಮಾಡಿದ ವೃದ್ಧೆ

ಯುಪಿಐ ವಹಿವಾಟು ₹40 ಲಕ್ಷ ದಾಟಿದ್ದರೆ ವ್ಯಾಪಾರಿಗಳಿಗೆ ಜಿಎಸ್‌ಟಿ ನೋಟಿಸ್‌