<p><strong>ಶಾರ್ಜಾ:</strong> ಉದಯೋನ್ಮುಖ ಬ್ಯಾಟರ್ ವೈಭವ್ ಸೂರ್ಯವಂಶಿ (67, 36ಎ) ಮತ್ತೊಮ್ಮೆ ಮಿಂಚಿದರು. ಬಿಹಾರದ ಈ ಬಾಲಕನ ಮಿಂಚಿನ ಅರ್ಧ ಶತಕದ ನೆರವಿನಿಂದ ಭಾರತ ತಂಡ 19 ವರ್ಷದೊಳಗಿನವರ ಏಷ್ಯಾ ಕಪ್ ಏಕದಿನ ಕ್ರಿಕೆಟ್ ಟೂರ್ನಿ ಪಂದ್ಯದಲ್ಲಿ ಶ್ರೀಲಂಕಾ ತಂಡದ ಮೇಲೆ ಶುಕ್ರವಾರ ಏಳು ವಿಕೆಟ್ಗಳಿಂದ ಗೆದ್ದು ಫೈನಲ್ ತಲುಪಿತು.</p>.<p>ಶುಕ್ರವಾರ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಆರು ಬೌಂಡರಿಗಳ ಜೊತೆ ಐದು ಸಿಕ್ಸರ್ಗಳನ್ನೆತ್ತಿದ ವೈಭವ್ ಭಾರತದ ಗೆಲುವನ್ನು ತ್ವರಿತಗೊಳಿಸಿದರು.</p>.<p>ಮೊದಲು ಆಡಿದ ಶ್ರೀಲಂಕಾ 46.2 ಓವರುಗಳಲ್ಲಿ 173 ರನ್ ಗಳಿಸಲಷ್ಟೇ ಶಕ್ತವಾಯಿತು. ಆದರೆ ವೈಭವ್ ಮತ್ತು ಇತರ ಅಗ್ರ ಆಟಗಾರರ ಉಪಯುಕ್ತ ಆಟದಿಂದ ಭಾರತ 21.4 ಓವರುಗಳಲ್ಲಿ 3 ವಿಕೆಟ್ಗೆ 175 ರನ್ ಹೊಡೆದು ಸಂಭ್ರಮಿಸಿತು.</p>.<p>ಭಾರತ ತಂಡವು ಭಾನುವಾರ ನಡೆಯುವ ಫೈನಲ್ನಲ್ಲಿ ಬಾಂಗ್ಲಾದೇಶ ತಂಡವನ್ನು ಎದುರಿಸಲಿದೆ. ಇನ್ನೊಂದು ಸೆಮಿಫೈನಲ್ನಲ್ಲಿ ಬಾಂಗ್ಲಾದೇಶ ತಂಡ ಏಳು ವಿಕೆಟ್ಗಳಿಂದ ಪಾಕಿಸ್ತಾನ ತಂಡವನ್ನು ಸೋಲಿಸಿತು.</p>.<p>ದುಲ್ನಿತ್ ಸಿಗೇರಾ ಮಾಡಿದ ಇನಿಂಗ್ಸ್ನ ಎರಡನೇ ಓವರ್ನಲ್ಲಿ 31 ರನ್ಗಳು ಹರಿದುಬಂದವು. 13 ವರ್ಷ ವಯಸ್ಸಿನ ವೈಭವ್ ಆ ಓವರ್ನಲ್ಲಿ ಮೂರು ಸಿಕ್ಸರ್, ಎರಡು ಬೌಂಡರಿ ಚಚ್ಚಿದ್ದರು. ಮೊದಲ ವಿಕೆಟ್ಗೆ ವೈಭವ್– ಆಯುಷ್ ಮ್ಹಾತ್ರೆ ಕೇವಲ 8 ಓವರುಗಳಲ್ಲಿ 87 ರನ್ ಸೇರಿಸಲು ಸೇರಿಸಿದ್ದರು.</p>.<p>ಮೊದಲು ಆಡಿದ ಲಂಕಾ ಪರ ಲಕ್ವಿನ್ ಅಭಯಸಿಂಘೆ (69, 110ಎ) ಮತ್ತು ಶಾರುಜನ್ ಷಣ್ಮುಗನಾಥನ್ (42, 78ಎ) ಮಾತ್ರ ಭಾರತದ ಬೌಲರ್ಗಳಿಗೆ ಪ್ರತಿರೋಧ ತೋರಿದರು. ಏಳು ಮಂದಿ ಎರಡಂಕಿ ಮೊತ್ತವನ್ನೂ ಗಳಿಸಲಿಲ್ಲ. ಭಾರತದ ಕಡೆ ಚೇತನ್ ಶರ್ಮಾ (34ಕ್ಕೆ3) ಯಶಸ್ವಿ ಎನಿಸಿದರು.</p>.<p>ಸಂಕ್ಷಿಪ್ತ ಸ್ಕೋರು: ಶ್ರೀಲಂಕಾ: 46.2 ಓವರುಗಳಲ್ಲಿ 173 (ಶಾರುಜನ್ ಷಣ್ಮುಗನಾಥನ್ 42, ಲಕ್ವಿನ್ ಅಭಯಸಿಂಘೆ 69, ಚೇತನ್ ಶರ್ಮಾ 34ಕ್ಕೆ3, ಕಿರಣ್ ಚೋರ್ಮಲೆ 32ಕ್ಕೆ2, ಆಯುಷ್ ಮ್ಹಾತ್ರೆ 37ಕ್ಕೆ2); ಭಾರತ: 21.4 ಓವರುಗಳಲ್ಲಿ 3 ವಿಕೆಟ್ಗೆ 175 (ಆಯುಷ್ ಮ್ಹಾತ್ರೆ 34, ವೈಭವ್ ಸೂರ್ಯವಂಶಿ 67, ಮೊಹಮದ್ ಅಮಾನ್ ಔಟಾಗದೇ 25). ಪಂದ್ಯದ ಆಟಗಾರ: ವೈಭವ್ ಸೂರ್ಯವಂಶಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಶಾರ್ಜಾ:</strong> ಉದಯೋನ್ಮುಖ ಬ್ಯಾಟರ್ ವೈಭವ್ ಸೂರ್ಯವಂಶಿ (67, 36ಎ) ಮತ್ತೊಮ್ಮೆ ಮಿಂಚಿದರು. ಬಿಹಾರದ ಈ ಬಾಲಕನ ಮಿಂಚಿನ ಅರ್ಧ ಶತಕದ ನೆರವಿನಿಂದ ಭಾರತ ತಂಡ 19 ವರ್ಷದೊಳಗಿನವರ ಏಷ್ಯಾ ಕಪ್ ಏಕದಿನ ಕ್ರಿಕೆಟ್ ಟೂರ್ನಿ ಪಂದ್ಯದಲ್ಲಿ ಶ್ರೀಲಂಕಾ ತಂಡದ ಮೇಲೆ ಶುಕ್ರವಾರ ಏಳು ವಿಕೆಟ್ಗಳಿಂದ ಗೆದ್ದು ಫೈನಲ್ ತಲುಪಿತು.</p>.<p>ಶುಕ್ರವಾರ ನಡೆದ ಸೆಮಿಫೈನಲ್ ಪಂದ್ಯದಲ್ಲಿ ಆರು ಬೌಂಡರಿಗಳ ಜೊತೆ ಐದು ಸಿಕ್ಸರ್ಗಳನ್ನೆತ್ತಿದ ವೈಭವ್ ಭಾರತದ ಗೆಲುವನ್ನು ತ್ವರಿತಗೊಳಿಸಿದರು.</p>.<p>ಮೊದಲು ಆಡಿದ ಶ್ರೀಲಂಕಾ 46.2 ಓವರುಗಳಲ್ಲಿ 173 ರನ್ ಗಳಿಸಲಷ್ಟೇ ಶಕ್ತವಾಯಿತು. ಆದರೆ ವೈಭವ್ ಮತ್ತು ಇತರ ಅಗ್ರ ಆಟಗಾರರ ಉಪಯುಕ್ತ ಆಟದಿಂದ ಭಾರತ 21.4 ಓವರುಗಳಲ್ಲಿ 3 ವಿಕೆಟ್ಗೆ 175 ರನ್ ಹೊಡೆದು ಸಂಭ್ರಮಿಸಿತು.</p>.<p>ಭಾರತ ತಂಡವು ಭಾನುವಾರ ನಡೆಯುವ ಫೈನಲ್ನಲ್ಲಿ ಬಾಂಗ್ಲಾದೇಶ ತಂಡವನ್ನು ಎದುರಿಸಲಿದೆ. ಇನ್ನೊಂದು ಸೆಮಿಫೈನಲ್ನಲ್ಲಿ ಬಾಂಗ್ಲಾದೇಶ ತಂಡ ಏಳು ವಿಕೆಟ್ಗಳಿಂದ ಪಾಕಿಸ್ತಾನ ತಂಡವನ್ನು ಸೋಲಿಸಿತು.</p>.<p>ದುಲ್ನಿತ್ ಸಿಗೇರಾ ಮಾಡಿದ ಇನಿಂಗ್ಸ್ನ ಎರಡನೇ ಓವರ್ನಲ್ಲಿ 31 ರನ್ಗಳು ಹರಿದುಬಂದವು. 13 ವರ್ಷ ವಯಸ್ಸಿನ ವೈಭವ್ ಆ ಓವರ್ನಲ್ಲಿ ಮೂರು ಸಿಕ್ಸರ್, ಎರಡು ಬೌಂಡರಿ ಚಚ್ಚಿದ್ದರು. ಮೊದಲ ವಿಕೆಟ್ಗೆ ವೈಭವ್– ಆಯುಷ್ ಮ್ಹಾತ್ರೆ ಕೇವಲ 8 ಓವರುಗಳಲ್ಲಿ 87 ರನ್ ಸೇರಿಸಲು ಸೇರಿಸಿದ್ದರು.</p>.<p>ಮೊದಲು ಆಡಿದ ಲಂಕಾ ಪರ ಲಕ್ವಿನ್ ಅಭಯಸಿಂಘೆ (69, 110ಎ) ಮತ್ತು ಶಾರುಜನ್ ಷಣ್ಮುಗನಾಥನ್ (42, 78ಎ) ಮಾತ್ರ ಭಾರತದ ಬೌಲರ್ಗಳಿಗೆ ಪ್ರತಿರೋಧ ತೋರಿದರು. ಏಳು ಮಂದಿ ಎರಡಂಕಿ ಮೊತ್ತವನ್ನೂ ಗಳಿಸಲಿಲ್ಲ. ಭಾರತದ ಕಡೆ ಚೇತನ್ ಶರ್ಮಾ (34ಕ್ಕೆ3) ಯಶಸ್ವಿ ಎನಿಸಿದರು.</p>.<p>ಸಂಕ್ಷಿಪ್ತ ಸ್ಕೋರು: ಶ್ರೀಲಂಕಾ: 46.2 ಓವರುಗಳಲ್ಲಿ 173 (ಶಾರುಜನ್ ಷಣ್ಮುಗನಾಥನ್ 42, ಲಕ್ವಿನ್ ಅಭಯಸಿಂಘೆ 69, ಚೇತನ್ ಶರ್ಮಾ 34ಕ್ಕೆ3, ಕಿರಣ್ ಚೋರ್ಮಲೆ 32ಕ್ಕೆ2, ಆಯುಷ್ ಮ್ಹಾತ್ರೆ 37ಕ್ಕೆ2); ಭಾರತ: 21.4 ಓವರುಗಳಲ್ಲಿ 3 ವಿಕೆಟ್ಗೆ 175 (ಆಯುಷ್ ಮ್ಹಾತ್ರೆ 34, ವೈಭವ್ ಸೂರ್ಯವಂಶಿ 67, ಮೊಹಮದ್ ಅಮಾನ್ ಔಟಾಗದೇ 25). ಪಂದ್ಯದ ಆಟಗಾರ: ವೈಭವ್ ಸೂರ್ಯವಂಶಿ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
