ನಾಯಕ ಮೊನಾಂಕ್ ಪಟೇಲ್ (50), ಆ್ಯಂಡ್ರಿಸ್ ಗೌಸ್ (35), ಆ್ಯರನ್ ಜೋನ್ಸ್ ಔಟಾಗದೇ 36 ) ಅವರ ಉಪಯುಕ್ತ ಆಟದ ನೆರವಿನಿಂದ ಗೆಲುವಿನತ್ತ ಹೆಜ್ಜೆ ಇಟ್ಟಿತು. ಕೊನೆ ಓವರ್‌ನಲ್ಲಿ ಗೆಲುವಿಗೆ 15 ರನ್ ಬೇಕಿತ್ತು. ಆದರೆ 14 ರನ್ ಗಳಿಸಿದ್ದರಿಂದ ಪಂದ್ಯ ಸೂಪರ್ ಓವರ್‌ಗೆ ಬೆಳೆಯಿತು.
ಅನುಭವಿ ಎಡಗೈ ವೇಗಿ ಮೊಹಮದ್‌ ಅಮೀರ್ ಮಾಡಿದ ಸೂಪರ್ ಓವರ್‌ನಲ್ಲಿ ಅಮೆರಿಕ ಒಂದು ವಿಕೆಟ್‌ಗೆ 18 ರನ್ ಗಳಿಸಿತು. ಅಮೀರ್ ಮೂರು ವೈಡ್ ನೀಡಿದ ಜೊತೆಗೆ ಓವರ್‌ ಥ್ರೋಗಳು ಕೂಡ ಪಾಕಿಸ್ತಾನ ತಂಡಕ್ಕೆ ದುಬಾರಿಯಾದವು. ಉತ್ತರವಾಗಿಸೌರಭ್ ನೇತ್ರವಾಲ್ಕರ್ ಅವರು ಮಾಡಿದ ಓವರ್‌ನಲ್ಲಿ ಪಾಕಿಸ್ತಾನ ತಂಡ 13 ರನ್ ಗಳಿಸಲಷ್ಟೇ ಶಕ್ತವಾಯಿತು. ಮೂರನೇ ಎಸೆತದಲ್ಲಿ ನಿತೀಶ್ ಉತ್ತಮ ಕ್ಯಾಚ್‌ ಹಿಡಿದರು.
ನಾಯಕ ಬಾಬರ್‌ ಆಜಂ (44;43ಎ, 4x3, 6x2) ಮತ್ತು ಶಾದಾಬ್‌ ಖಾನ್‌ (40;25ಎ, 4x1, 6x3) ತಂಡಕ್ಕೆ ಚೇತರಿಕೆ ನೀಡಿದರು. ಮೂಡಿಗೆರೆ ಮೂಲದ ನಾಸ್ತುಷ್ ಕಂಜಿಗೆ ಮೂರು ವಿಕೆಟ್ ಪ‍ಡೆದು ಮಿಂಚಿದರು. ಸೌರಭ್ ಎರಡು ವಿಕೆಟ್ ಪಡೆದರು.
ಸಂಕ್ಷಿಪ್ತ ಸ್ಕೋರ್‌: ಪಾಕಿಸ್ತಾನ: 20 ಓವರ್‌ಗಳಲ್ಲಿ 7 ವಿಕೆಟ್‌ಗೆ 159 (ಬಾಬರ್‌ ಆಜಂ 44, ಶಾದಾಬ್‌ ಖಾನ್‌ 40, ಶಾಹೀನ್ ಶಾ ಆಫ್ರಿದಿ ಔಟಾಗದೇ 23; ನಾಸ್ತುಷ್ ಕೆಂಜಿಗೆ 30ಕ್ಕೆ 3, ಸೌರಭ್ ನೇತ್ರಾಳ್ವಕರ್ 18ಕ್ಕೆ 2)
ಅಮೆರಿಕ 20 ಓವರ್‌ಗಳಲ್ಲಿ 3 ವಿಕೆಟ್‌ಗೆ 159 (ಮೊನಾಂಕ್ ಪಟೇಲ್ 50, ಆ್ಯಂಡ್ರಿಸ್ ಗೌಸ್ 35, ಆ್ಯರನ್ ಜೋನ್ಸ್ ಔಟಾಗದೇ 36, ಮೊಹಮದ್‌ ಅಮೀರ್ 25ಕ್ಕೆ1, ನಸೀಮ್ ಶಾ 26ಕ್ಕೆ1) ಪಂದ್ಯ ಶ್ರೇಷ್ಠ: ಮೊನಾಂಕ್ ಪಟೇಲ್
