ವೀಸಾ ವಾಗ್ದಾನ ಕೊಡದಿದ್ದರೆ ಟಿ20 ವಿಶ್ವಕಪ್ ಸ್ಥಳಾಂತರಿಸಿ: ಪಾಕ್‌ ಒತ್ತಾಯ

ಲಾಹೋರ್‌ನಲ್ಲಿ ಶನಿವಾರ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ’ಬಿಗ್‌ ತ್ರೀ ಎನ್ನುವ ಮನೋಭಾವ ಕೊನೆಯಾಗಬೇಕು. ಎಲ್ಲರಿಗೂ ಸಮಾನ ವೇದಿಕೆ ಇರಬೇಕು. ನಮ್ಮ ತಂಡಕ್ಕೆ ವೀಸಾ ಭರವಸೆ ಕೊಟ್ಟರೆ ಸಾಲದು. ಇಲ್ಲಿಂದ ಪ್ರಯಾಣಿಸುವ ಅಭಿಮಾನಿಗಳು ಮತ್ತು ಕ್ರೀಡಾ ಪತ್ರಕರ್ತರಿಗೂ ವೀಸಾ ನೀಡುವ ಲಿಖಿತ ಭರವಸೆ ನೀಡಬೇಕು‘ ಎಂದರು.

’ಈ ಕುರಿತು ಐಸಿಸಿಗೆ ಪತ್ರ ಬರೆದಿದ್ದೇವೆ. ಮಾರ್ಚ್‌ ಅಂತ್ಯದೊಳಗೆ ವೀಸಾ ನೀಡಬೇಕು. ಇಲ್ಲದಿದ್ದರೆ ಯುಎಇಗೆ ವಿಶ್ವಕಪ್ ಟೂರ್ನಿ ಸ್ಥಳಾಂತರ ಮಾಡಬೇಕು‘ ಎಂದಿದ್ದಾರೆ.

’ಪಾಕಿಸ್ತಾನದಲ್ಲಿ ಕ್ರಿಕೆಟ್ ಚಟುವಟಿಕೆಗಳು ಮರಳಿ ಹಾದಿಗೆ ಬಂದಿವೆ. ಬೇರೆ ದೇಶಗಳ ತಂಡಗಳು ಇಲ್ಲಿಗೆ ಬಂದು ಆಡುತ್ತಿವೆ. ನಮ್ಮ ತಂಡವೂ ಪರದೇಶದಲ್ಲಿ ಆಡಿ ಬಂದಿದೆ‘ ಎಂದು ವಿವರಿಸಿದರು.