<p><strong>ಬೆಂಗಳೂರು</strong>: ಎಡಗೈ ಸ್ಪಿನ್ನರ್ ರಾಧಾ ಯಾದವ್ ಮತ್ತು ಮಧ್ಯಮವೇಗಿ ಮರಿಝಾನ್ ಕಾಪ್ ಅವರ ನಿಖರ ದಾಳಿಯ ನೆರವಿನಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಯು.ಪಿ. ವಾರಿಯರ್ಸ್ ವಿರುದ್ಧ ಜಯಭೇರಿ ಬಾರಿಸಿತು.</p><p>ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಮಹಿಳಾ ಪ್ರೀಮಿಯರ್ ಲೀಗ್ (ಡಬ್ಲ್ಯುಪಿಎಲ್) ಕ್ರಿಕೆಟ್ ಟೂರ್ನಿಯಲ್ಲಿ ಸೋಮವಾರ ನಡೆದ ಪಂದ್ಯದಲ್ಲಿ ರಾಧಾ ಮತ್ತು ಕಾಪ್ ದಾಳಿಯ ಮುಂದೆ ವಾರಿಯರ್ಸ್ ಯು.ಪಿ ತಂಡವು 20 ಓವರ್ಗಳಲ್ಲಿ 9 ವಿಕೆಟ್ಗಳಿಗೆ 119 ರನ್ ಗಳಿಸಿತು. ಅದಕ್ಕುತ್ತರವಾಗಿ ಡೆಲ್ಲಿ ತಂಡವು 14.3 ಓವರ್ಗಳಲ್ಲಿ 1 ವಿಕೆಟ್ಗೆ 123 ರನ್ ಗಳಿಸಿ, 9 ವಿಕೆಟ್ಗಳಿಂದ ಜಯಿಸಿತು.</p><p>ಟಾಸ್ ಗೆದ್ದ ಡೆಲ್ಲಿ ತಂಡವು ಫೀಲ್ಡಿಂಗ್ ಮಾಡುವ ನಿರ್ಧಾರ ಮಾಡಿತು. ತಂಡದ ನಾಯಕಿ ಮೆಗ್ ಲ್ಯಾನಿಂಗ್ ನಿರ್ಧಾರವನ್ನು ತಂಡದ ಬೌಲರ್ಗಳು ಸಮರ್ಥಿಸಿಕೊಂಡರು. ದಕ್ಷಿಣ ಆಫ್ರಿಕಾದ ಕಾಪ್ (5ಕ್ಕೆ3) ಅಗ್ರಕ್ರಮಾಂಕದ ಬ್ಯಾಟರ್ಗಳ ವಿಕೆಟ್ ಕಬಳಿಸಿದರು.</p><p>ಮಹಾರಾಷ್ಟ್ರದ ಹುಡುಗಿ ರಾಧಾ ಯಾದವ್ (20ಕ್ಕೆ4) ಮಧ್ಯಮ ಕ್ರಮಾಂಕದ ಬ್ಯಾಟರ್ಗಳನ್ನು ಪೆವಿಲಿಯನ್ಗೆ ಮರಳಿ ಕಳಿಸಿದರು. ಇದರಿಂದಾಗಿ ತಂಡವು 12 ಓವರ್ಗಳಲ್ಲಿ ಕೇವಲ 57 ರನ್ಗಳಿಗೆ ಐದು ವಿಕೆಟ್ ಕಳೆದುಕೊಂಡಿತು. ಯುಪಿ ತಂಡದ ಐದನೇ ಕ್ರಮಾಂಕದ ಬ್ಯಾಟರ್ ಶ್ವೇತಾ ಸೆಹ್ರಾವತ್ (45; 42ಎ, 4X5, 6X1) ಅವರೊಬ್ಬರೇ ದಿಟ್ಟ ಹೋರಾಟ ನಡೆಸಿದರು. </p><p>ಒಂದು ಕಡೆ ವಿಕೆಟ್ಗಳು ಪತನವಾಗುತ್ತಿದ್ದರೂ ಶ್ವೇತಾ 107. 14ರ ಸ್ಟ್ರೈಕ್ರೇಟ್ನಲ್ಲಿ ರನ್ ಗಳಿಸಿದರು. ಇದರಿಂದಾಗಿ ತಂಡವು ನೂರರ ಗಡಿ ದಾಟಲು ಸಾಧ್ಯವಾಯಿತು. ಇಲ್ಲದಿದ್ದರೆ ಅಲ್ಪಮೊತ್ತಕ್ಕೆ ಕುಸಿಯವ ಆತಂಕ ಇತ್ತು.</p><p>ಗುರಿ ಬೆನ್ನಟ್ಟಿದ ಡೆಲ್ಲಿ ತಂಡದ ಆರಂಭಿಕ ಜೋಡಿ ಮೆಗ್ ಲ್ಯಾನಿಂಗ್ (51; 43ಎ, 4X6) ಮತ್ತು ಶಫಾಲಿ ವರ್ಮಾ (ಔಟಾಗದೆ 64; 43ಎ, 4X6, 6X4) ಅರ್ಧಶತಕ ಗಳಿಸಿ ತಂಡದ ಜಯವನ್ನು ಸುಲಭಗೊಳಿಸಿದರು.</p><p>ಸಂಕ್ಷಿಪ್ತ ಸ್ಕೋರ್: ಯು.ಪಿ. ವಾರಿಯರ್ಸ್: 20 ಓವರ್ಗಳಲ್ಲಿ 9 ವಿಕೆಟ್ಗಳಿಗೆ 119 (ಅಲಿಸಾ ಹೀಲಿ 13, ಗ್ರೇಸ್ ಹ್ಯಾರಿಸ್ 17, ಶ್ವೇತಾ ಸೆಹ್ರಾವತ್ 45, ಮರಿಜಾನೆ ಕಾಪ್ 5ಕ್ಕೆ3, ಅರುಂಧತಿ ರೆಡ್ಡಿ 16ಕ್ಕೆ1, ರಾಧಾ ಯಾದವ್ 20ಕ್ಕೆ4) ಡೆಲ್ಲಿ ಕ್ಯಾಪಿಟಲ್ಸ್: 14.3 ಓವರ್ಗಳಲ್ಲಿ 1 ವಿಕೆಟ್ಗೆ 123 (ಮೆಗ್ ಲ್ಯಾನಿಂಗ್ 51, ಶಫಾಲಿ ವರ್ಮಾ ಔಟಾಗದೆ 64) ಫಲಿತಾಂಶ: ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ 9 ವಿಕೆಟ್ ಜಯ. ಇಂದಿನ ಪಂದ್ಯ,</p><p>ರಾಯಲ್ ಚಾಲೆಂಜರ್ಸ್–ಗುಜರಾತ್ ಜೇಂಟ್ಸ್. ರಾತ್ರಿ 7.30. ಸ್ಪೋರ್ಟ್ಸ್18</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು</strong>: ಎಡಗೈ ಸ್ಪಿನ್ನರ್ ರಾಧಾ ಯಾದವ್ ಮತ್ತು ಮಧ್ಯಮವೇಗಿ ಮರಿಝಾನ್ ಕಾಪ್ ಅವರ ನಿಖರ ದಾಳಿಯ ನೆರವಿನಿಂದ ಡೆಲ್ಲಿ ಕ್ಯಾಪಿಟಲ್ಸ್ ತಂಡವು ಯು.ಪಿ. ವಾರಿಯರ್ಸ್ ವಿರುದ್ಧ ಜಯಭೇರಿ ಬಾರಿಸಿತು.</p><p>ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ನಡೆಯುತ್ತಿರುವ ಮಹಿಳಾ ಪ್ರೀಮಿಯರ್ ಲೀಗ್ (ಡಬ್ಲ್ಯುಪಿಎಲ್) ಕ್ರಿಕೆಟ್ ಟೂರ್ನಿಯಲ್ಲಿ ಸೋಮವಾರ ನಡೆದ ಪಂದ್ಯದಲ್ಲಿ ರಾಧಾ ಮತ್ತು ಕಾಪ್ ದಾಳಿಯ ಮುಂದೆ ವಾರಿಯರ್ಸ್ ಯು.ಪಿ ತಂಡವು 20 ಓವರ್ಗಳಲ್ಲಿ 9 ವಿಕೆಟ್ಗಳಿಗೆ 119 ರನ್ ಗಳಿಸಿತು. ಅದಕ್ಕುತ್ತರವಾಗಿ ಡೆಲ್ಲಿ ತಂಡವು 14.3 ಓವರ್ಗಳಲ್ಲಿ 1 ವಿಕೆಟ್ಗೆ 123 ರನ್ ಗಳಿಸಿ, 9 ವಿಕೆಟ್ಗಳಿಂದ ಜಯಿಸಿತು.</p><p>ಟಾಸ್ ಗೆದ್ದ ಡೆಲ್ಲಿ ತಂಡವು ಫೀಲ್ಡಿಂಗ್ ಮಾಡುವ ನಿರ್ಧಾರ ಮಾಡಿತು. ತಂಡದ ನಾಯಕಿ ಮೆಗ್ ಲ್ಯಾನಿಂಗ್ ನಿರ್ಧಾರವನ್ನು ತಂಡದ ಬೌಲರ್ಗಳು ಸಮರ್ಥಿಸಿಕೊಂಡರು. ದಕ್ಷಿಣ ಆಫ್ರಿಕಾದ ಕಾಪ್ (5ಕ್ಕೆ3) ಅಗ್ರಕ್ರಮಾಂಕದ ಬ್ಯಾಟರ್ಗಳ ವಿಕೆಟ್ ಕಬಳಿಸಿದರು.</p><p>ಮಹಾರಾಷ್ಟ್ರದ ಹುಡುಗಿ ರಾಧಾ ಯಾದವ್ (20ಕ್ಕೆ4) ಮಧ್ಯಮ ಕ್ರಮಾಂಕದ ಬ್ಯಾಟರ್ಗಳನ್ನು ಪೆವಿಲಿಯನ್ಗೆ ಮರಳಿ ಕಳಿಸಿದರು. ಇದರಿಂದಾಗಿ ತಂಡವು 12 ಓವರ್ಗಳಲ್ಲಿ ಕೇವಲ 57 ರನ್ಗಳಿಗೆ ಐದು ವಿಕೆಟ್ ಕಳೆದುಕೊಂಡಿತು. ಯುಪಿ ತಂಡದ ಐದನೇ ಕ್ರಮಾಂಕದ ಬ್ಯಾಟರ್ ಶ್ವೇತಾ ಸೆಹ್ರಾವತ್ (45; 42ಎ, 4X5, 6X1) ಅವರೊಬ್ಬರೇ ದಿಟ್ಟ ಹೋರಾಟ ನಡೆಸಿದರು. </p><p>ಒಂದು ಕಡೆ ವಿಕೆಟ್ಗಳು ಪತನವಾಗುತ್ತಿದ್ದರೂ ಶ್ವೇತಾ 107. 14ರ ಸ್ಟ್ರೈಕ್ರೇಟ್ನಲ್ಲಿ ರನ್ ಗಳಿಸಿದರು. ಇದರಿಂದಾಗಿ ತಂಡವು ನೂರರ ಗಡಿ ದಾಟಲು ಸಾಧ್ಯವಾಯಿತು. ಇಲ್ಲದಿದ್ದರೆ ಅಲ್ಪಮೊತ್ತಕ್ಕೆ ಕುಸಿಯವ ಆತಂಕ ಇತ್ತು.</p><p>ಗುರಿ ಬೆನ್ನಟ್ಟಿದ ಡೆಲ್ಲಿ ತಂಡದ ಆರಂಭಿಕ ಜೋಡಿ ಮೆಗ್ ಲ್ಯಾನಿಂಗ್ (51; 43ಎ, 4X6) ಮತ್ತು ಶಫಾಲಿ ವರ್ಮಾ (ಔಟಾಗದೆ 64; 43ಎ, 4X6, 6X4) ಅರ್ಧಶತಕ ಗಳಿಸಿ ತಂಡದ ಜಯವನ್ನು ಸುಲಭಗೊಳಿಸಿದರು.</p><p>ಸಂಕ್ಷಿಪ್ತ ಸ್ಕೋರ್: ಯು.ಪಿ. ವಾರಿಯರ್ಸ್: 20 ಓವರ್ಗಳಲ್ಲಿ 9 ವಿಕೆಟ್ಗಳಿಗೆ 119 (ಅಲಿಸಾ ಹೀಲಿ 13, ಗ್ರೇಸ್ ಹ್ಯಾರಿಸ್ 17, ಶ್ವೇತಾ ಸೆಹ್ರಾವತ್ 45, ಮರಿಜಾನೆ ಕಾಪ್ 5ಕ್ಕೆ3, ಅರುಂಧತಿ ರೆಡ್ಡಿ 16ಕ್ಕೆ1, ರಾಧಾ ಯಾದವ್ 20ಕ್ಕೆ4) ಡೆಲ್ಲಿ ಕ್ಯಾಪಿಟಲ್ಸ್: 14.3 ಓವರ್ಗಳಲ್ಲಿ 1 ವಿಕೆಟ್ಗೆ 123 (ಮೆಗ್ ಲ್ಯಾನಿಂಗ್ 51, ಶಫಾಲಿ ವರ್ಮಾ ಔಟಾಗದೆ 64) ಫಲಿತಾಂಶ: ಡೆಲ್ಲಿ ಕ್ಯಾಪಿಟಲ್ಸ್ ತಂಡಕ್ಕೆ 9 ವಿಕೆಟ್ ಜಯ. ಇಂದಿನ ಪಂದ್ಯ,</p><p>ರಾಯಲ್ ಚಾಲೆಂಜರ್ಸ್–ಗುಜರಾತ್ ಜೇಂಟ್ಸ್. ರಾತ್ರಿ 7.30. ಸ್ಪೋರ್ಟ್ಸ್18</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
