<p>ನಾಟಿಂಗಂನಲ್ಲಿ ಜೂನ್ 6ರಂದು ಆಸ್ಟ್ರೇಲಿಯಾ– ವೆಸ್ಟ್ ಇಂಡೀಸ್ ತಂಡಗಳು ಐಸಿಸಿ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಪರಸ್ಪರ ಪೈಪೋಟಿ ನಡೆಸಿದ್ದವು. ಆಸೀಸ್ ತಂಡ 15 ರನ್ಗಳಿಂದ ಜಯ ಸಾಧಿಸಿದ್ದ ಈ ಪಂದ್ಯದಲ್ಲಿ ಅಂಪೈರ್ಗಳು ಮಾಡಿರುವ ಎಡವಟ್ಟುಗಳು ಚರ್ಚೆಗೆ ಗ್ರಾಸ ಒದಗಿಸಿವೆ.</p>.<p>ಕ್ರಿಕೆಟ್ನಲ್ಲಿ ತಂತ್ರಜ್ಞಾನದ ಬಳಕೆ ಹೆಚ್ಚಿದರೂ ತೀರ್ಪು ನೀಡುವಲ್ಲಿ ತಪ್ಪುಗಳು ಸಂಭವಿಸುತ್ತಿರುವುದು ಸೋಜಿಗದ ಸಂಗತಿ. ಆಸ್ಟ್ರೇಲಿಯಾ– ವೆಸ್ಟ್ ಇಂಡೀಸ್ ಪಂದ್ಯ ಅಂಪೈರಿಂಗ್ ಲೋಪಗಳಿಂದ ವಿವಾದಕ್ಕೆ ಗುರಿಯಾಗಿತ್ತು. ವಿಂಡೀಸ್ ತಂಡ ನಾಲ್ಕು ಸಲ ಅಂಪೈರ್ ತೀರ್ಪು ಮರುಪರಿಶೀಲನೆ ನಡೆಸಿ ಯಶಸ್ವಿಯಾಗಿತ್ತು.</p>.<p>ಈ ಪಂದ್ಯದ ಅಂಪೈರಿಂಗ್ ಬಗ್ಗೆ ಸಾಮಾಜಿಕ ಮಾಧ್ಯಮಗಳಲ್ಲೂ ಸಾಕಷ್ಟು ಚರ್ಚೆ ನಡೆದಿದೆ. ಆಸ್ಟ್ರೇಲಿಯಾ ಗೆಲುವಿಗೆ ಅಂಪೈರ್ಗಳು ಕೂಡ ಸಾಥ್ ನೀಡಿದರು ಎಂದು ಕ್ರಿಕೆಟ್ ಪ್ರೇಮಿಗಳು ಅಂತರರಾಷ್ಟ್ರೀಯ ಕ್ರಿಕೆಟ್ ಸಮಿತಿ (ಐಸಿಸಿ) ಕಾಲೆಳೆದಿದ್ದಾರೆ. </p>.<p>ನ್ಯೂಜಿಲೆಂಡ್ನ ಅಂಪೈರ್ ಕ್ರಿಸ್ ಗಫಾನಿಮತ್ತು ಶ್ರೀಲಂಕಾದ ರುಚಿರ ಪಲ್ಲಿಯಗುರುಗೆ ಅವರು ಪಂದ್ಯದಲ್ಲಿ ಅಂಪೈರ್ಗಳಾಗಿ ಕಾರ್ಯನಿರ್ವಹಿಸಿದ್ದರು. ಇದರಲ್ಲಿ ಗಫಾನಿ ಅವರಂತೂ ಸಾಕಷ್ಟು ಎಡವಟ್ಟುಗಳನ್ನು ಮಾಡಿಕೊಂಡು ಕ್ರಿಕೆಟ್ ಪ್ರೇಮಿಗಳ ಆಕ್ರೋಶಕ್ಕೆ ಗುರಿಯಾಗಿದ್ದಾರೆ.</p>.<p>ಆಸ್ಟ್ರೇಲಿಯಾದ ವೇಗಿ ಮಿಷೆಲ್ ಸ್ಟಾರ್ಕ್ ಬೌಲ್ ಮಾಡಿದ ಮೂರನೇ ಓವರ್ನಲ್ಲಿ ಗಫಾನಿ ಅವರು ಕ್ರಿಸ್ ಗೇಲ್ ಅವರಿಗೆ ಎರಡು ಸಲ ಔಟ್ ಎಂದು ತೀರ್ಪು ನೀಡಿದ್ದರು. ಆದರೆ ಎರಡೂ ಬಾರಿ ತೀರ್ಪು ಮರುಪರಿಶೀಲನೆ (ಡಿಆರ್ಎಸ್) ವೇಳೆ ಅವರು ನಾಟೌಟ್ ಎಂಬುದು ಸಾಬೀತಾಗಿತ್ತು.</p>.<p>ಮೂರನೇ ಓವರ್ನ ನಾಲ್ಕನೇ ಎಸೆತದಲ್ಲಿ ‘ಕಾಟ್ ಬಿಹೈಂಡ್ ದಿ ವಿಕೆಟ್’ ಮತ್ತು ಆರನೇ ಎಸೆತದಲ್ಲಿ ಎಲ್ಬಿಡಬ್ಲ್ಯು ಔಟ್ಗೆ ಆಸೀಸ್ ಆಟಗಾರರು ಮಾಡಿದ್ದ ಮನವಿಗಳನ್ನು ಅಂಪೈರ್ ಪುರಸ್ಕರಿಸಿದ್ದರು. ಅಂಪೈರ್ ನೀಡಿರುವ ತೀರ್ಪು ತಪ್ಪು ಎಂಬುದು ಡಿಆರ್ಎಸ್ನಲ್ಲಿ ಸಾಬೀತಾಗಿತ್ತು.</p>.<p>ಆದರೆ ಪಂದ್ಯದ ಐದನೇ ಓವರ್ನಲ್ಲಿ ಅಂಪೈರ್ ಮಾಡಿದ ಎಡವಟ್ಟು ಯಾರ ಕಣ್ಣಿಗೂ ಬೀಳಲಿಲ್ಲ. ಆ ಓವರ್ನ ಐದನೇ ಎಸೆತದಲ್ಲಿ ಗೇಲ್ ಎಲ್ಬಿಡಬ್ಲ್ಯು ಆದರು. ಅವರು ಔಟ್ ಎಂಬುದು ಡಿಆರ್ಎಸ್ನಲ್ಲೂ ಸಾಬೀತಾಯಿತು. ಆದರೆ ಸ್ಟಾರ್ಕ್ ಬೌಲ್ ಮಾಡಿದ ನಾಲ್ಕನೇ ಎಸೆತ ನೋಬಾಲ್ ಆಗಿತ್ತು. ಅವರ ಕಾಲು ಬೌಲಿಂಗ್ ಕ್ರೀಸ್ಗಿಂತ ಸುಮಾರು ನಾಲ್ಕು ಇಂಚುಗಳಷ್ಟು ಮುಂದೆ ಇತ್ತು. ಆ ಎಸೆತದ ಮರುಪ್ರಸಾರದಲ್ಲಿ ಇದು ಎದ್ದುಕಂಡಿತು.</p>.<p>ಅದನ್ನು ಅಂಪೈರ್ ಗಮನಿಸಿದ್ದರೆ ಮುಂದಿನ ಎಸೆತ ‘ಫ್ರೀ ಹಿಟ್’ ಆಗುತ್ತಿತ್ತು. ಆಗ ಗೇಲ್ ಔಟಾಗುತ್ತಿರಲಿಲ್ಲ. ಆದರೆ ಫ್ರೀ ಹಿಟ್ ಆಗಬೇಕಿದ್ದ ಎಸೆತದಲ್ಲಿ ಅವರು ಔಟಾದರು. ನೋಬಾಲ್ ಅಂಪೈರ್ ಕಣ್ಣಿಗೆ ಬೀಳದೇ ಆಸ್ಟ್ರೇಲಿಯಕ್ಕೆ ಲಾಭವಾಯಿತು!</p>.<p>‘ಅಂಪೈರ್ಗಳು ಕೂಡಾ ಮನುಷ್ಯರು. ಆದ್ದರಿಂದ ಕೆಲವೊಮ್ಮೆ ತಪ್ಪುಗಳು ಉಂಟಾಗುವುದು ಸಹಜ’ ಎಂಬುದು ಕೆಲವರ ವಾದ. ಈ ವಾದವನ್ನು ಒಪ್ಪಬಹುದು. ಆದರೆ ಅಂಪೈರ್ಗಳ ಎಡವಟ್ಟು ಪಂದ್ಯದ ಫಲಿತಾಂಶವನ್ನೇ ಬದಲಿಸುವಷ್ಟರ ಮಟ್ಟಿಗೆ ಪರಿಣಾಮ ಬೀರಿದರೆ ನಿಕಟ ಪೈಪೋಟಿಯಿರುವ ಪಂದ್ಯಗಳಲ್ಲಿ ಒಂದು ತಂಡಕ್ಕೆ ಅನ್ಯಾಯ ಎಸಗಿದಂತಾಗುತ್ತದೆ.</p>.<p>ವಿಶ್ವಕಪ್ ಪಂದ್ಯಗಳ ವೀಕ್ಷಕ ವಿವರಣೆಗಾರರ ತಂಡದಲ್ಲಿರುವ ವೆಸ್ಟ್ ಇಂಡೀಸ್ನ ಮಾಜಿ ವೇಗದ ಬೌಲರ್ ಮೈಕಲ್ ಹೋಲ್ಡಿಂಗ್ ಅವರು ವೀಕ್ಷಣೆ ವಿವರಣೆ ವೇಳೆ ಅಂಪೈರ್ ತೀರ್ಪನ್ನು ಪ್ರಶ್ನಿಸಿದ್ದರು. ಆದರೆ ಅಂಪೈರಿಂಗ್ ಲೋಪಗಳ ಬಗ್ಗೆ ಮಾತನಾಡದಂತೆ ಅವರಿಗೆ ಐಸಿಸಿ ಎಚ್ಚರಿಕೆ ಕೊಟ್ಟಿತ್ತು.</p>.<p>ಆದರೆ ಹೋಲ್ಡಿಂಗ್ ಅವರು ಐಸಿಸಿಗೆ ಪತ್ರ ಬರೆದು ತಮ್ಮ ಅಸಮಾಧಾನ ತೋಡಿಕೊಂಡಿದ್ದಾರೆ ಎಂದು ವರದಿಯಾಗಿತ್ತು. ಅಂತರರಾಷ್ಟ್ರೀಯ ಫುಟ್ಬಾಲ್ ಸಂಸ್ಥೆ (ಫಿಫಾ) ನಡೆಸುವ ಟೂರ್ನಿಯಲ್ಲಿ ರೆಫರಿಯೊಬ್ಬರು ಈ ರೀತಿ ಎಡವಟ್ಟು ಮಾಡಿದರೆ, ಮರುದಿನವೇ ಅವರನ್ನು ಮನೆಗೆ ಕಳುಹಿಸುತ್ತಿದ್ದರು. ತಪ್ಪು ಮಾಡಿದ ಬಳಿಕವೂ ಅವರನ್ನು ರಕ್ಷಿಸುವುದು ಸರಿಯೇ? ಕ್ರಿಕೆಟ್ನಲ್ಲಿ ಅಂಪೈರಿಂಗ್ ಗುಣಮಟ್ಟವನ್ನು ಹೆಚ್ಚಿಸಬೇಕಿದೆ ಎಂದು ಹೋಲ್ಡಿಂಗ್ ತಮ್ಮ ಪತ್ರದಲ್ಲಿ ಬರೆದಿದ್ದರು ಎನ್ನಲಾಗಿದೆ.</p>.<p>ಇತ್ತೀಚೆಗೆ ನಡೆದಿದ್ದ ಐಪಿಎಲ್ ಟ್ವೆಂಟಿ–20 ಕ್ರಿಕೆಟ್ ಟೂರ್ನಿಯಲ್ಲೂ ಅಂಪೈರ್ಗಳ ತಪ್ಪುಗಳು ಸುದ್ದಿಯಾಗಿದ್ದವು. ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರಂತೂ ಆಟದ ನಡುವೆಯೇ ಅಂಗಳಕ್ಕೆ ಬಂದು ಅಂಪೈರ್ ತೀರ್ಪಿನ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದ್ದ ಪ್ರಸಂಗವೂ ನಡೆದಿತ್ತು.</p>.<p>ಅಂಪೈರ್ಗಳು ಮಾಡುತ್ತಿರುವ ಎಡವಟ್ಟುಗಳು ಕ್ರಿಕೆಟ್ನ ‘ಮಹಾಮೇಳ’ ಎನಿಸಿರುವ ಐಸಿಸಿ ಏಕದಿನ ವಿಶ್ವಕಪ್ ಟೂರ್ನಿಯ ಘನತೆಗೆ ಧಕ್ಕೆ ಉಂಟುಮಾಡುತ್ತಿದೆ ಎಂಬುದು ಕ್ರಿಕೆಟ್ ಪ್ರೇಮಿಗಳ ಅಭಿಪ್ರಾಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ನಾಟಿಂಗಂನಲ್ಲಿ ಜೂನ್ 6ರಂದು ಆಸ್ಟ್ರೇಲಿಯಾ– ವೆಸ್ಟ್ ಇಂಡೀಸ್ ತಂಡಗಳು ಐಸಿಸಿ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಪರಸ್ಪರ ಪೈಪೋಟಿ ನಡೆಸಿದ್ದವು. ಆಸೀಸ್ ತಂಡ 15 ರನ್ಗಳಿಂದ ಜಯ ಸಾಧಿಸಿದ್ದ ಈ ಪಂದ್ಯದಲ್ಲಿ ಅಂಪೈರ್ಗಳು ಮಾಡಿರುವ ಎಡವಟ್ಟುಗಳು ಚರ್ಚೆಗೆ ಗ್ರಾಸ ಒದಗಿಸಿವೆ.</p>.<p>ಕ್ರಿಕೆಟ್ನಲ್ಲಿ ತಂತ್ರಜ್ಞಾನದ ಬಳಕೆ ಹೆಚ್ಚಿದರೂ ತೀರ್ಪು ನೀಡುವಲ್ಲಿ ತಪ್ಪುಗಳು ಸಂಭವಿಸುತ್ತಿರುವುದು ಸೋಜಿಗದ ಸಂಗತಿ. ಆಸ್ಟ್ರೇಲಿಯಾ– ವೆಸ್ಟ್ ಇಂಡೀಸ್ ಪಂದ್ಯ ಅಂಪೈರಿಂಗ್ ಲೋಪಗಳಿಂದ ವಿವಾದಕ್ಕೆ ಗುರಿಯಾಗಿತ್ತು. ವಿಂಡೀಸ್ ತಂಡ ನಾಲ್ಕು ಸಲ ಅಂಪೈರ್ ತೀರ್ಪು ಮರುಪರಿಶೀಲನೆ ನಡೆಸಿ ಯಶಸ್ವಿಯಾಗಿತ್ತು.</p>.<p>ಈ ಪಂದ್ಯದ ಅಂಪೈರಿಂಗ್ ಬಗ್ಗೆ ಸಾಮಾಜಿಕ ಮಾಧ್ಯಮಗಳಲ್ಲೂ ಸಾಕಷ್ಟು ಚರ್ಚೆ ನಡೆದಿದೆ. ಆಸ್ಟ್ರೇಲಿಯಾ ಗೆಲುವಿಗೆ ಅಂಪೈರ್ಗಳು ಕೂಡ ಸಾಥ್ ನೀಡಿದರು ಎಂದು ಕ್ರಿಕೆಟ್ ಪ್ರೇಮಿಗಳು ಅಂತರರಾಷ್ಟ್ರೀಯ ಕ್ರಿಕೆಟ್ ಸಮಿತಿ (ಐಸಿಸಿ) ಕಾಲೆಳೆದಿದ್ದಾರೆ. </p>.<p>ನ್ಯೂಜಿಲೆಂಡ್ನ ಅಂಪೈರ್ ಕ್ರಿಸ್ ಗಫಾನಿಮತ್ತು ಶ್ರೀಲಂಕಾದ ರುಚಿರ ಪಲ್ಲಿಯಗುರುಗೆ ಅವರು ಪಂದ್ಯದಲ್ಲಿ ಅಂಪೈರ್ಗಳಾಗಿ ಕಾರ್ಯನಿರ್ವಹಿಸಿದ್ದರು. ಇದರಲ್ಲಿ ಗಫಾನಿ ಅವರಂತೂ ಸಾಕಷ್ಟು ಎಡವಟ್ಟುಗಳನ್ನು ಮಾಡಿಕೊಂಡು ಕ್ರಿಕೆಟ್ ಪ್ರೇಮಿಗಳ ಆಕ್ರೋಶಕ್ಕೆ ಗುರಿಯಾಗಿದ್ದಾರೆ.</p>.<p>ಆಸ್ಟ್ರೇಲಿಯಾದ ವೇಗಿ ಮಿಷೆಲ್ ಸ್ಟಾರ್ಕ್ ಬೌಲ್ ಮಾಡಿದ ಮೂರನೇ ಓವರ್ನಲ್ಲಿ ಗಫಾನಿ ಅವರು ಕ್ರಿಸ್ ಗೇಲ್ ಅವರಿಗೆ ಎರಡು ಸಲ ಔಟ್ ಎಂದು ತೀರ್ಪು ನೀಡಿದ್ದರು. ಆದರೆ ಎರಡೂ ಬಾರಿ ತೀರ್ಪು ಮರುಪರಿಶೀಲನೆ (ಡಿಆರ್ಎಸ್) ವೇಳೆ ಅವರು ನಾಟೌಟ್ ಎಂಬುದು ಸಾಬೀತಾಗಿತ್ತು.</p>.<p>ಮೂರನೇ ಓವರ್ನ ನಾಲ್ಕನೇ ಎಸೆತದಲ್ಲಿ ‘ಕಾಟ್ ಬಿಹೈಂಡ್ ದಿ ವಿಕೆಟ್’ ಮತ್ತು ಆರನೇ ಎಸೆತದಲ್ಲಿ ಎಲ್ಬಿಡಬ್ಲ್ಯು ಔಟ್ಗೆ ಆಸೀಸ್ ಆಟಗಾರರು ಮಾಡಿದ್ದ ಮನವಿಗಳನ್ನು ಅಂಪೈರ್ ಪುರಸ್ಕರಿಸಿದ್ದರು. ಅಂಪೈರ್ ನೀಡಿರುವ ತೀರ್ಪು ತಪ್ಪು ಎಂಬುದು ಡಿಆರ್ಎಸ್ನಲ್ಲಿ ಸಾಬೀತಾಗಿತ್ತು.</p>.<p>ಆದರೆ ಪಂದ್ಯದ ಐದನೇ ಓವರ್ನಲ್ಲಿ ಅಂಪೈರ್ ಮಾಡಿದ ಎಡವಟ್ಟು ಯಾರ ಕಣ್ಣಿಗೂ ಬೀಳಲಿಲ್ಲ. ಆ ಓವರ್ನ ಐದನೇ ಎಸೆತದಲ್ಲಿ ಗೇಲ್ ಎಲ್ಬಿಡಬ್ಲ್ಯು ಆದರು. ಅವರು ಔಟ್ ಎಂಬುದು ಡಿಆರ್ಎಸ್ನಲ್ಲೂ ಸಾಬೀತಾಯಿತು. ಆದರೆ ಸ್ಟಾರ್ಕ್ ಬೌಲ್ ಮಾಡಿದ ನಾಲ್ಕನೇ ಎಸೆತ ನೋಬಾಲ್ ಆಗಿತ್ತು. ಅವರ ಕಾಲು ಬೌಲಿಂಗ್ ಕ್ರೀಸ್ಗಿಂತ ಸುಮಾರು ನಾಲ್ಕು ಇಂಚುಗಳಷ್ಟು ಮುಂದೆ ಇತ್ತು. ಆ ಎಸೆತದ ಮರುಪ್ರಸಾರದಲ್ಲಿ ಇದು ಎದ್ದುಕಂಡಿತು.</p>.<p>ಅದನ್ನು ಅಂಪೈರ್ ಗಮನಿಸಿದ್ದರೆ ಮುಂದಿನ ಎಸೆತ ‘ಫ್ರೀ ಹಿಟ್’ ಆಗುತ್ತಿತ್ತು. ಆಗ ಗೇಲ್ ಔಟಾಗುತ್ತಿರಲಿಲ್ಲ. ಆದರೆ ಫ್ರೀ ಹಿಟ್ ಆಗಬೇಕಿದ್ದ ಎಸೆತದಲ್ಲಿ ಅವರು ಔಟಾದರು. ನೋಬಾಲ್ ಅಂಪೈರ್ ಕಣ್ಣಿಗೆ ಬೀಳದೇ ಆಸ್ಟ್ರೇಲಿಯಕ್ಕೆ ಲಾಭವಾಯಿತು!</p>.<p>‘ಅಂಪೈರ್ಗಳು ಕೂಡಾ ಮನುಷ್ಯರು. ಆದ್ದರಿಂದ ಕೆಲವೊಮ್ಮೆ ತಪ್ಪುಗಳು ಉಂಟಾಗುವುದು ಸಹಜ’ ಎಂಬುದು ಕೆಲವರ ವಾದ. ಈ ವಾದವನ್ನು ಒಪ್ಪಬಹುದು. ಆದರೆ ಅಂಪೈರ್ಗಳ ಎಡವಟ್ಟು ಪಂದ್ಯದ ಫಲಿತಾಂಶವನ್ನೇ ಬದಲಿಸುವಷ್ಟರ ಮಟ್ಟಿಗೆ ಪರಿಣಾಮ ಬೀರಿದರೆ ನಿಕಟ ಪೈಪೋಟಿಯಿರುವ ಪಂದ್ಯಗಳಲ್ಲಿ ಒಂದು ತಂಡಕ್ಕೆ ಅನ್ಯಾಯ ಎಸಗಿದಂತಾಗುತ್ತದೆ.</p>.<p>ವಿಶ್ವಕಪ್ ಪಂದ್ಯಗಳ ವೀಕ್ಷಕ ವಿವರಣೆಗಾರರ ತಂಡದಲ್ಲಿರುವ ವೆಸ್ಟ್ ಇಂಡೀಸ್ನ ಮಾಜಿ ವೇಗದ ಬೌಲರ್ ಮೈಕಲ್ ಹೋಲ್ಡಿಂಗ್ ಅವರು ವೀಕ್ಷಣೆ ವಿವರಣೆ ವೇಳೆ ಅಂಪೈರ್ ತೀರ್ಪನ್ನು ಪ್ರಶ್ನಿಸಿದ್ದರು. ಆದರೆ ಅಂಪೈರಿಂಗ್ ಲೋಪಗಳ ಬಗ್ಗೆ ಮಾತನಾಡದಂತೆ ಅವರಿಗೆ ಐಸಿಸಿ ಎಚ್ಚರಿಕೆ ಕೊಟ್ಟಿತ್ತು.</p>.<p>ಆದರೆ ಹೋಲ್ಡಿಂಗ್ ಅವರು ಐಸಿಸಿಗೆ ಪತ್ರ ಬರೆದು ತಮ್ಮ ಅಸಮಾಧಾನ ತೋಡಿಕೊಂಡಿದ್ದಾರೆ ಎಂದು ವರದಿಯಾಗಿತ್ತು. ಅಂತರರಾಷ್ಟ್ರೀಯ ಫುಟ್ಬಾಲ್ ಸಂಸ್ಥೆ (ಫಿಫಾ) ನಡೆಸುವ ಟೂರ್ನಿಯಲ್ಲಿ ರೆಫರಿಯೊಬ್ಬರು ಈ ರೀತಿ ಎಡವಟ್ಟು ಮಾಡಿದರೆ, ಮರುದಿನವೇ ಅವರನ್ನು ಮನೆಗೆ ಕಳುಹಿಸುತ್ತಿದ್ದರು. ತಪ್ಪು ಮಾಡಿದ ಬಳಿಕವೂ ಅವರನ್ನು ರಕ್ಷಿಸುವುದು ಸರಿಯೇ? ಕ್ರಿಕೆಟ್ನಲ್ಲಿ ಅಂಪೈರಿಂಗ್ ಗುಣಮಟ್ಟವನ್ನು ಹೆಚ್ಚಿಸಬೇಕಿದೆ ಎಂದು ಹೋಲ್ಡಿಂಗ್ ತಮ್ಮ ಪತ್ರದಲ್ಲಿ ಬರೆದಿದ್ದರು ಎನ್ನಲಾಗಿದೆ.</p>.<p>ಇತ್ತೀಚೆಗೆ ನಡೆದಿದ್ದ ಐಪಿಎಲ್ ಟ್ವೆಂಟಿ–20 ಕ್ರಿಕೆಟ್ ಟೂರ್ನಿಯಲ್ಲೂ ಅಂಪೈರ್ಗಳ ತಪ್ಪುಗಳು ಸುದ್ದಿಯಾಗಿದ್ದವು. ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರಂತೂ ಆಟದ ನಡುವೆಯೇ ಅಂಗಳಕ್ಕೆ ಬಂದು ಅಂಪೈರ್ ತೀರ್ಪಿನ ವಿರುದ್ಧ ಅಸಮಾಧಾನ ವ್ಯಕ್ತಪಡಿಸಿದ್ದ ಪ್ರಸಂಗವೂ ನಡೆದಿತ್ತು.</p>.<p>ಅಂಪೈರ್ಗಳು ಮಾಡುತ್ತಿರುವ ಎಡವಟ್ಟುಗಳು ಕ್ರಿಕೆಟ್ನ ‘ಮಹಾಮೇಳ’ ಎನಿಸಿರುವ ಐಸಿಸಿ ಏಕದಿನ ವಿಶ್ವಕಪ್ ಟೂರ್ನಿಯ ಘನತೆಗೆ ಧಕ್ಕೆ ಉಂಟುಮಾಡುತ್ತಿದೆ ಎಂಬುದು ಕ್ರಿಕೆಟ್ ಪ್ರೇಮಿಗಳ ಅಭಿಪ್ರಾಯ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
