ವಿಶ್ವಕಪ್: ಹೊಳೆಯಾಗಿ ಹರಿಯುತ್ತಿದೆ ಕಾಂಚಾಣ
ವಿಶ್ವಕಪ್... ನಾಲ್ಕು ವರ್ಷಗಳಿಗೊಮ್ಮೆ ನಡೆಯುವ ಈ ಕ್ರಿಕೆಟ್‌ ಹಬ್ಬವನ್ನು ಕಣ್ತುಂಬಿಕೊಳ್ಳಲು ಪ್ರೇಕ್ಷಕರು ತುದಿಗಾಲಿನಲ್ಲಿ ನಿಂತಿರುತ್ತಾರೆ. ವಿಶ್ವ ಶ್ರೇಷ್ಠ ಆಟಗಾರರ ಸಮ್ಮಿಲನಕ್ಕೆ ಸಾಕ್ಷಿಯಾಗುವ ಈ ಟೂರ್ನಿಯು ವಿವಿಧ ದೇಶಗಳು ಮತ್ತು ಆಟಗಾರರ ನಡುವೆ ಸೌಹಾರ್ದ ಸಂಬಂಧ ಬೆಸೆಯಲೂ ನೆರವಾಗಿದೆ.
‘ಕ್ರಿಕೆಟ್‌ ಜನಕರ ನಾಡು’ ಇಂಗ್ಲೆಂಡ್‌ನಲ್ಲಿ 1975ರಲ್ಲಿ ಶುರುವಾದ ಈ ಟೂರ್ನಿಯು ಹಂತ ಹಂತವಾಗಿ ತನ್ನ ವೈಭವ ಹೆಚ್ಚಿಸಿಕೊಳ್ಳುತ್ತಾ ಸಾಗಿದೆ. ಜನಪ್ರಿಯತೆ ಜಾಸ್ತಿಯಾದಂತೆಲ್ಲಾ ಟೂರ್ನಿಯಲ್ಲಿ ಹಣ ಹೊಳೆಯಾಗಿ ಹರಿಯುತ್ತಿದೆ.
ವೆಸ್ಟ್‌ ಇಂಡೀಸ್‌ ತಂಡವು ಚೊಚ್ಚಲ ಪ್ರಶಸ್ತಿ ಗೆದ್ದಿತ್ತು. ಆಗ ಕೆರಿಬಿಯನ್‌ ನಾಡಿನ ತಂಡಕ್ಕೆ ಸಿಕ್ಕ ಬಹುಮಾನ ₹76 ಸಾವಿರ ಮಾತ್ರ. ಆಗ ರೇಡಿಯೊದಲ್ಲಿ ವೀಕ್ಷಕ ವಿವರಣೆ ಕೇಳಿ ಸಂಭ್ರಮಿಸಿದ್ದವರೇ ಹೆಚ್ಚು. ಟಿ.ವಿ.ಯಲ್ಲಿ ಪ‍ಂದ್ಯಗಳು ಪ್ರಸಾರವಾಗಲು ಶುರುವಾದ ನಂತರ ವಿಶ್ವಕಪ್‌ನ ಜನಪ್ರಿಯತೆ ದುಪ್ಪಟ್ಟಾಯಿತು. ಅಂತರರಾಷ್ಟ್ರೀಯ ಕ್ರಿಕೆಟ್‌ ಕೌನ್ಸಿಲ್‌ನ (ಐಸಿಸಿ) ಬೊಕ್ಕಸಕ್ಕೆ ಹಣವು ಹೊಳೆಯಾಗಿ ಹರಿದು ಬರಲು ಶುರುವಾಯಿತು. ವರ್ಲ್ಡ್‌ ಟೆಲಿವಿಷನ್‌ ₹78.66 ಕೋಟಿ ನೀಡಿ 1992ರ ವಿಶ್ವಕಪ್ ಪ್ರಸಾರದ ಹಕ್ಕು ಖರೀದಿಸಿದ್ದು ಇದಕ್ಕೆ ಸಾಕ್ಷಿ. 1999ರ ವೇಳೆಗೆ ಈ ಮೊತ್ತ ₹161 ಕೋಟಿ ತಲುಪಿತ್ತು. ಇದು ಹೀಗೆಯೇ ಮುಂದುವರಿಯಿತು.
2003ರಲ್ಲಿ ಗ್ಲೋಬಲ್‌ ಕ್ರಿಕೆಟ್‌ ಕಾರ್ಪೊರೇಷನ್‌ (ಜಿಸಿಸಿ) ಸಂಸ್ಥೆಯು ಎರಡು ವಿಶ್ವಕಪ್‌ಗಳ (2003 ಮತ್ತು 2007) ಪ್ರಾಯೋಜಕತ್ವ ಪಡೆದಿತ್ತು. ಆ ಒಪ್ಪಂದದ ಅನ್ವಯ ಐಸಿಸಿ ಖಜಾನೆಗೆ ದಾಖಲಾಗಿದ್ದು ಬರೋಬ್ಬರಿ ₹2,530 ಕೋಟಿ. ಇಎಸ್‌ಪಿಎನ್‌ ಸಂಸ್ಥೆಯು ₹16,400 ಕೋಟಿ ನೀಡಿ 2011ರ ವಿಶ್ವಕಪ್ ಪ್ರಸಾರದ ಹಕ್ಕು ಖರೀದಿಸಿತ್ತು. ಆಗ 220 ದೇಶಗಳಲ್ಲಿ ಪಂದ್ಯಗಳನ್ನು ನೇರ ಪ್ರಸಾರ ಮಾಡಿದ್ದು ದಾಖಲೆಯ ಪುಟ ಸೇರಿತ್ತು. ಆ ಟೂರ್ನಿಯ ಪಂದ್ಯಗಳನ್ನು ವಿಶ್ವದಾದ್ಯಂತ ಒಟ್ಟು 220 ಕೋಟಿ ಮಂದಿ ವೀಕ್ಷಿಸಿದ್ದರು. ಹೀಗಾಗಿ 2015ರ ವಿಶ್ವಕಪ್‌ನ ಪ್ರಾಯೋಜಕತ್ವಕ್ಕಾಗಿ ಭಾರೀ ಪೈಪೋಟಿ ಏರ್ಪಟ್ಟಿತ್ತು. ಆಗಲೂ ಇಎಸ್‌ಪಿಎನ್‌ ಸಂಸ್ಥೆಯ ಕೈ ಮೇಲಾಗಿತ್ತು. ಈಗ ಇಂಗ್ಲೆಂಡ್‌ನಲ್ಲಿ ಮತ್ತೆ ವಿಶ್ವಕಪ್ ಕಲರವ ಶುರುವಾಗಿದೆ. ಈ ಬಾರಿ ಮಾಧ್ಯಮ ಹಕ್ಕುಗಳಿಂದಲೇ ಐಸಿಸಿಗೆ ₹1,200 ರಿಂದ ₹1,500 ಕೋಟಿ ಆದಾಯ ಸಿಗುವ ನಿರೀಕ್ಷೆ ಇದೆ.
******
1975
ಆತಿಥ್ಯ: ಇಂಗ್ಲೆಂಡ್‌
ಪ್ರಾಯೋಜಕರು: ಪ್ರುಡೆನ್ಶಿಯಲ್‌ ಕಂಪನಿ.
ಒಟ್ಟು ಬಹುಮಾನ ಮೊತ್ತ: ₹17.10 ಲಕ್ಷ
ವಿಜೇತರು: ವೆಸ್ಟ್‌ ಇಂಡೀಸ್‌.
ಬಹುಮಾನ: ₹76 ಸಾವಿರ
***
1979
ಆತಿಥ್ಯ: ಇಂಗ್ಲೆಂಡ್‌
ಪ್ರಾಯೋಜಕರು: ಪ್ರುಡೆನ್ಶಿಯಲ್‌ ಕಂಪನಿ.
ಒಟ್ಟು ಬಹುಮಾನ ಮೊತ್ತ: ₹ 4.66 ಲಕ್ಷ
ವಿಜೇತರು: ವೆಸ್ಟ್‌ ಇಂಡೀಸ್‌.
ಬಹುಮಾನ: ₹1.8 ಲಕ್ಷ
******
1983
ಆತಿಥ್ಯ: ಇಂಗ್ಲೆಂಡ್‌
ಪ್ರಾಯೋಜಕರು: ಪ್ರುಡೆನ್ಶಿಯಲ್‌ ಕಂಪನಿ.
ಒಟ್ಟು ಬಹುಮಾನ ಮೊತ್ತ: ₹11.25 ಲಕ್ಷ
ವಿಜೇತರು: ಭಾರತ.
ಬಹುಮಾನ: ₹3.40 ಲಕ್ಷ
*********
1987
ಆತಿಥ್ಯ: ಭಾರತ–ಪಾಕಿಸ್ತಾನ
ಪ್ರಾಯೋಜಕರು: ರಿಲಯನ್ಸ್‌ ಇಂಡಸ್ಟ್ರೀಸ್‌.
ಒಟ್ಟು ಬಹುಮಾನ ಮೊತ್ತ: ₹24.82 ಲಕ್ಷ
ವಿಜೇತರು: ಆಸ್ಟ್ರೇಲಿಯಾ.
ಬಹುಮಾನ: ₹7.5 ಲಕ್ಷ
*******
1992
ಆತಿಥ್ಯ: ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್‌
ಪ್ರಾಯೋಜಕರು: ಬೆನ್ಸನ್‌ ಆ್ಯಂಡ್‌ ಹೆಡ್ಜಸ್‌
ಒಟ್ಟು ಬಹುಮಾನ ಮೊತ್ತ: ₹61.36 ಲಕ್ಷ
ವಿಜೇತರು: ಪಾಕಿಸ್ತಾನ
ಬಹುಮಾನ: ₹10.66 ಲಕ್ಷ
ಟೂರ್ನಿಯ ಶ್ರೇಷ್ಠ ಆಟಗಾರ: ಮಾರ್ಟಿನ್‌ ಕ್ರೋವ್‌ (ನ್ಯೂಜಿಲೆಂಡ್‌)
ಪ್ರಶಸ್ತಿ: ನಿಸಾನ್‌ –300 ಕಾರು.
***
1996
ಆತಿಥ್ಯ: ಭಾರತ, ಪಾಕಿಸ್ತಾನ ಮತ್ತು ಶ್ರೀಲಂಕಾ
ಪ್ರಾಯೋಜಕರು: ವಿಲ್ಸ್‌
ಒಟ್ಟು ಬಹುಮಾನ ಮೊತ್ತ: ₹1.14 ಕೋಟಿ
ವಿಜೇತರು: ಶ್ರೀಲಂಕಾ
ಬಹುಮಾನ: ₹17.10 ಲಕ್ಷ
ಟೂರ್ನಿಯ ಶ್ರೇಷ್ಠ ಆಟಗಾರ: ಸನತ್‌ ಜಯಸೂರ್ಯ (ಶ್ರೀಲಂಕಾ).
ಪ್ರಶಸ್ತಿ: ಆಡಿ–4 ಕಾರು.
*****
1999
ಆತಿಥ್ಯ: ಇಂಗ್ಲೆಂಡ್‌
ಪ್ರಾಯೋಜಕರು: ಎಮಿರೇಟ್ಸ್‌, ನಾಟ್‌ವೆಸ್ಟ್‌, ಪೆಪ್ಸಿ ಮತ್ತು ವೊಡಾಫೋನ್‌.
ಒಟ್ಟು ಬಹುಮಾನ ಮೊತ್ತ: ₹4.2 ಕೋಟಿ
ವಿಜೇತರು: ಆಸ್ಟ್ರೇಲಿಯಾ
ಬಹುಮಾನ: ₹1.26 ಕೋಟಿ
ಟೂರ್ನಿಯ ಶ್ರೇಷ್ಠ ಆಟಗಾರ: ಲ್ಯಾನ್ಸ್‌ ಕ್ಲೂಸ್ನರ್‌ (ದಕ್ಷಿಣ ಆಫ್ರಿಕಾ).
ಬಹುಮಾನ: ಡೇವೂ ಮುಸ್ಸೊ ಕಾರು.
********
2003
ಆತಿಥ್ಯ: ದಕ್ಷಿಣ ಆಫ್ರಿಕಾ, ಜಿಂಬಾಬ್ವೆ ಮತ್ತು ಕೆನ್ಯಾ.
ಪ್ರಾಯೋಜಕರು: ಗ್ಲೋಬಲ್‌ ಕ್ರಿಕೆಟ್‌ ಕಾರ್ಪೊರೇಷನ್‌ (ಜಿಸಿಸಿ).
ಒಟ್ಟು ಬಹುಮಾನ ಮೊತ್ತ: ₹24 ಕೋಟಿ
ವಿಜೇತರು: ಆಸ್ಟ್ರೇಲಿಯಾ
ಬಹುಮಾನ: ₹9.48 ಕೋಟಿ
ಟೂರ್ನಿಯ ಶ್ರೇಷ್ಠ ಆಟಗಾರ: ಸಚಿನ್‌ ತೆಂಡೂಲ್ಕರ್‌ (ಭಾರತ).
ಪ್ರಶಸ್ತಿ: ಚಿನ್ನದ ಬ್ಯಾಟ್‌.
********
2007
ಆತಿಥ್ಯ: ವೆಸ್ಟ್‌ ಇಂಡೀಸ್‌
ಪ್ರಾಯೋಜಕರು: ಗ್ಲೋಬಲ್‌ ಕ್ರಿಕೆಟ್‌ ಕಾರ್ಪೊರೇಷನ್‌ (ಜಿಸಿಸಿ)
ಒಟ್ಟು ಬಹುಮಾನ ಮೊತ್ತ: ₹24.30 ಕೋಟಿ
ವಿಜೇತರು: ಆಸ್ಟ್ರೇಲಿಯಾ
ಬಹುಮಾನ: ₹11.34 ಕೋಟಿ
ಟೂರ್ನಿಯ ಶ್ರೇಷ್ಠ ಆಟಗಾರ: ಗ್ಲೆನ್‌ ಮೆಕ್‌ಗ್ರಾ (ಆಸ್ಟ್ರೇಲಿಯಾ)
ಪ್ರಶಸ್ತಿ: ವಜ್ರದ ಹರಳುಗಳಿಂದ ಕೂಡಿದ್ದ ಕ್ರಿಕೆಟ್‌ ಚೆಂಡು.
*******
2011
ಆತಿಥ್ಯ: ಭಾರತ, ಶ್ರೀಲಂಕಾ ಮತ್ತು ಬಾಂಗ್ಲಾದೇಶ.
ಪ್ರಾಯೋಜಕರು: ಇಎಸ್‌ಪಿಎನ್‌
ಒಟ್ಟು ಬಹುಮಾನ ಮೊತ್ತ: ₹49.20 ಕೋಟಿ
ವಿಜೇತರು: ಭಾರತ
ಬಹುಮಾನ: ₹15.58 ಕೋಟಿ
ಟೂರ್ನಿಯ ಶ್ರೇಷ್ಠ ಆಟಗಾರ: ಯುವರಾಜ್‌ ಸಿಂಗ್‌ (ಭಾರತ).
*****
2015
ಆತಿಥ್ಯ: ಆಸ್ಟ್ರೇಲಿಯಾ ಮತ್ತು ನ್ಯೂಜಿಲೆಂಡ್‌.
ಪ್ರಾಯೋಜಕರು: ಇಎಸ್‌ಪಿಎನ್‌– ಸ್ಟಾರ್‌ಸ್ಪೋರ್ಟ್ಸ್‌
ಒಟ್ಟು ಬಹುಮಾನ ಮೊತ್ತ: ₹67 ಕೋಟಿ
ವಿಜೇತರು: ಆಸ್ಟ್ರೇಲಿಯಾ
ಬಹುಮಾನ: ₹26.63 ಕೋಟಿ
ಟೂರ್ನಿಯ ಶ್ರೇಷ್ಠ ಆಟಗಾರ: ಮಿಷೆಲ್‌ ಸ್ಟಾರ್ಕ್‌ (ಆಸ್ಟ್ರೇಲಿಯಾ).
**
2019
ಆತಿಥ್ಯ: ಇಂಗ್ಲೆಂಡ್‌ ಮತ್ತು ವೇಲ್ಸ್‌
ಪ್ರಾಯೋಜಕರು: ಊಬರ್‌.
ಒಟ್ಟು ಬಹುಮಾನ ಮೊತ್ತ: ₹69.69 ಕೋಟಿ
ವಿಜೇತರಿಗೆ: ₹27.88 ಕೋಟಿ
ರನ್ನರ್ಸ್‌ ಅಪ್‌: ₹13.94 ಕೋಟಿ
ಅಂಕಿ –ಅಂಶ ಮಾಹಿತಿ: ಕ್ರಿಕ್‌ ಇನ್ಫೊ ಮತ್ತು ರಾಯಿಟರ್ಸ್‌.
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.