ಲಿಸ್ಬನ್‌ (ಎಎಫ್‌ಪಿ): ಪೋರ್ಚುಗಲ್‌ ಫುಟ್‌ಬಾಲ್‌ ತಂಡದ ಆಟಗಾರ ಕ್ರಿಸ್ಟಿಯಾನೊ ರೊನಾಲ್ಡೊ ಅವರು ಮತ್ತೊಂದು ದಾಖಲೆಗೆ ಭಾಜನರಾದರು.
ಐಸ್‌ಲ್ಯಾಂಡ್‌ ವಿರುದ್ಧ ಮಂಗಳವಾರ ತಡರಾತ್ರಿ ನಡೆದ ಯೂರೊ ಕಪ್‌ ಟೂರ್ನಿಯ ಅರ್ಹತಾ ಪಂದ್ಯ ಅವರಿಗೆ 200ನೇ ಅಂತರರಾಷ್ಟ್ರೀಯ ಪಂದ್ಯ ಎನಿಸಿತು. ಈ ಸಾಧನೆ ಮಾಡಿದ ಮೊದಲ ಅಟಗಾರ ಎಂಬ ಗೌರವ ಅವರಿಗೆ ಲಭಿಸಿತು.
ರೊನಾಲ್ಡೊ ಅವರು ಇದೇ ವರ್ಷದ ಮಾರ್ಚ್‌ನಲ್ಲಿ ಲಿಕ್‌ಸ್ಟನ್‌ಸ್ಟೈನ್‌ ವಿರುದ್ಧದ ಪಂದ್ಯದೊಂದಿಗೆ
ಅತಿ ಹೆಚ್ಚು ಅಂತರರಾಷ್ಟ್ರೀಯ
ಪಂದ್ಯಗಳನ್ನಾಡಿದ್ದ ದಾಖಲೆ
ತಮ್ಮದಾಗಿಸಿಕೊಂಡಿದ್ದರು. ಆ ಪಂದ್ಯ ಅವರಿಗೆ 197ನೆಯದಾಗಿತ್ತು.
