ಬೆಂಗಳೂರು: ಶನಿವಾರ ರಾತ್ರಿ ಸಂಭವಿಸಿದ್ದ ರಸ್ತೆ ಅಪಘಾತದಲ್ಲಿ ತೀವ್ರವಾಗಿ ಗಾಯಗೊಂಡಿದ್ದ ಫುಟ್‌ಬಾಲ್ ಆಟಗಾರ ಮೊನೀಷ್ ಕೆ (28) ಭಾನುವಾರ ಮಧ್ಯಾಹ್ನ ಸಾವನ್ನಪ್ಪಿದರು.
ಬೆಂಗಳೂರು ಈಗಲ್ಸ್‌ ತಂಡದಲ್ಲಿ ಆಡುತ್ತಿದ್ದ ಮೊನೀಷ್ ಹೊರಮಾವು ಸಮೀಪ ನಡೆದ ಅಫಘಾತದಲ್ಲಿ ಗಾಯಗೊಂಡಿದ್ದರು. ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಿಸಲಿಲ್ಲ.
ಅವರಿಗೆ ಅಪ್ಪ, ಅಮ್ಮ ಹಾಗೂ ಅಕ್ಕ ಇದ್ದಾರೆ.
ಸೆಂಟರ್ ಮಿಡ್‌ಫೀಲ್ಡರ್ ಆಗಿದ್ದ ಮೊನೀಷ್ , ಬೆಂಗಳೂರು ಈಗಲ್ಸ್‌, ಪರಿಕ್ರಮ ಎಫ್‌ಸಿ, ಡೆಕ್ಕನ್ ಎಫ್‌ಸಿ, ಎಡಿಇ, ಯಂಗ್ ಚಾಲೆಂರ್ಸ್ ಎಫ್‌ಸಿ ಮತ್ತು ಸಿಐಎಲ್ ತಂಡಗಳಲ್ಲಿಯೂ ಈ ಹಿಂದೆ ಆಡಿದ್ದರು ಎಂದು ಬೆಂಗಳೂರು ಜಿಲ್ಲಾ ಫುಟ್‌ಬಾಲ್ ಸಂಸ್ಥೆಯು (ಬಿಡಿಎಫ್‌ಎ) ಪ್ರಕಟಣೆಯಲ್ಲಿ ತಿಳಿಸಿದೆ.
‘ಯುವ ಫುಟ್‌ಬಾಲ್ ಆಟಗಾರನ ಸಾವಿನಿಂದ ದುಃಖವಾಗಿದೆ’ ಎಂದು ಮುಖ್ಯಮಂತ್ರಿ ಸಿದ್ಧರಾಮಯ್ಯ ಅವರು ಎಕ್ಸ್ (ಟ್ವಿಟರ್) ಖಾತೆಯಲ್ಲಿ ಸಂದೇಶ ಹಾಕಿದ್ದಾರೆ.
