<p><strong>ಮ್ಯಾಡ್ರಿಡ್: </strong>ಗೆರಾರ್ಡ್ ಪಿಕು ಮತ್ತು ಕಾರ್ಲೆಸ್ ಅಲೆನಾ ಕಾಲ್ಚಳಕದಲ್ಲಿ ಅರಳಿದ ತಲಾ ಒಂದು ಗೋಲಿನ ನೆರವಿನಿಂದ ಬಾರ್ಸಿಲೋನಾ ತಂಡ ಲಾ ಲಿಗಾ ಫುಟ್ಬಾಲ್ ಟೂರ್ನಿಯ ಪಂದ್ಯದಲ್ಲಿ ವಿಜಯಿಯಾಗಿದೆ.</p>.<p>ಕ್ಯಾಂಪ್ ನುವಾ ಕ್ರೀಡಾಂಗಣದಲ್ಲಿ ಭಾನುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಬಾರ್ಸಿಲೋನಾ 2–0 ಗೋಲುಗಳಿಂದ ವಿಲ್ಲಾರಿಯಲ್ ತಂಡವನ್ನು ಪರಾಭವಗೊಳಿಸಿತು. ಇದರೊಂದಿಗೆ ಪಾಯಿಂಟ್ಸ್ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿತು.</p>.<p>14 ಪಂದ್ಯಗಳನ್ನು ಆಡಿರುವ ಈ ತಂಡ ಎಂಟರಲ್ಲಿ ಗೆದ್ದಿದ್ದು ಒಟ್ಟು 28 ಪಾಯಿಂಟ್ಸ್ ಕಲೆಹಾಕಿದೆ. 27 ಪಾಯಿಂಟ್ಸ್ ಹೊಂದಿರುವ ಸೆವಿಲ್ಲಾ ಎರಡನೇ ಸ್ಥಾನದಲ್ಲಿದೆ.</p>.<p>ಆರಂಭದಿಂದಲೇ ಚುರುಕಿನ ಆಟಕ್ಕೆ ಅಣಿಯಾದ ಬಾರ್ಸಿಲೋನಾ, 36ನೇ ನಿಮಿಷದಲ್ಲಿ ಖಾತೆ ತೆರೆಯಿತು. ಗೆರಾರ್ಡ್ ಪಿಕು ಮೋಡಿ ಮಾಡಿದರು. ದ್ವಿತೀಯಾರ್ಧದಲ್ಲೂ ಈ ತಂಡ ಪರಿಣಾಮಕಾರಿ ಸಾಮರ್ಥ್ಯ ತೋರಿತು. 87ನೇ ನಿಮಿಷದಲ್ಲಿ 20 ವರ್ಷ ವಯಸ್ಸಿನ ಅಲೆನಾ ಚೆಂಡನ್ನು ಗುರಿ ಮುಟ್ಟಿಸಿದರು. ಈ ಮೂಲಕ ಲಾ ಲಿಗಾ ಟೂರ್ನಿಯಲ್ಲಿ ಚೊಚ್ಚಲ ಗೋಲು ಬಾರಿಸಿದ ಸಾಧನೆ ಮಾಡಿದರು.</p>.<p>ಇನ್ನೊಂದು ಪಂದ್ಯದಲ್ಲಿ ರಿಯಲ್ ಮ್ಯಾಡ್ರಿಡ್ 2–0 ಗೋಲುಗಳಿಂದ ವಲೆನ್ಸಿಯಾ ತಂಡವನ್ನು ಸೋಲಿಸಿತು.</p>.<p>ಎಂಟನೇ ನಿಮಿಷದಲ್ಲಿ ವಲೆನ್ಸಿಯಾ ತಂಡದ ಡೇನಿಯಲ್ ವಾಸ್, ಚೆಂಡನ್ನು ತಮ್ಮದೇ ಗೋಲು ಪೆಟ್ಟಿಗೆಯೊಳಗೆ ಒದ್ದರು. ಹೀಗಾಗಿ ಮ್ಯಾಡ್ರಿಡ್ ಖಾತೆಗೆ ‘ಉಡುಗೊರೆ’ ರೂಪದಲ್ಲಿ ಗೋಲು ದಾಖಲಾಯಿತು.</p>.<p>83ನೇ ನಿಮಿಷದಲ್ಲಿ ಲುಕಾಸ್ ವಜಕ್ವೆಜ್ ಗೋಲು ಬಾರಿಸಿ ರಿಯಲ್ ಮ್ಯಾಡ್ರಿಡ್ ಸಂಭ್ರಮಕ್ಕೆ ಕಾರಣರಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮ್ಯಾಡ್ರಿಡ್: </strong>ಗೆರಾರ್ಡ್ ಪಿಕು ಮತ್ತು ಕಾರ್ಲೆಸ್ ಅಲೆನಾ ಕಾಲ್ಚಳಕದಲ್ಲಿ ಅರಳಿದ ತಲಾ ಒಂದು ಗೋಲಿನ ನೆರವಿನಿಂದ ಬಾರ್ಸಿಲೋನಾ ತಂಡ ಲಾ ಲಿಗಾ ಫುಟ್ಬಾಲ್ ಟೂರ್ನಿಯ ಪಂದ್ಯದಲ್ಲಿ ವಿಜಯಿಯಾಗಿದೆ.</p>.<p>ಕ್ಯಾಂಪ್ ನುವಾ ಕ್ರೀಡಾಂಗಣದಲ್ಲಿ ಭಾನುವಾರ ರಾತ್ರಿ ನಡೆದ ಪಂದ್ಯದಲ್ಲಿ ಬಾರ್ಸಿಲೋನಾ 2–0 ಗೋಲುಗಳಿಂದ ವಿಲ್ಲಾರಿಯಲ್ ತಂಡವನ್ನು ಪರಾಭವಗೊಳಿಸಿತು. ಇದರೊಂದಿಗೆ ಪಾಯಿಂಟ್ಸ್ ಪಟ್ಟಿಯಲ್ಲಿ ಅಗ್ರಸ್ಥಾನಕ್ಕೇರಿತು.</p>.<p>14 ಪಂದ್ಯಗಳನ್ನು ಆಡಿರುವ ಈ ತಂಡ ಎಂಟರಲ್ಲಿ ಗೆದ್ದಿದ್ದು ಒಟ್ಟು 28 ಪಾಯಿಂಟ್ಸ್ ಕಲೆಹಾಕಿದೆ. 27 ಪಾಯಿಂಟ್ಸ್ ಹೊಂದಿರುವ ಸೆವಿಲ್ಲಾ ಎರಡನೇ ಸ್ಥಾನದಲ್ಲಿದೆ.</p>.<p>ಆರಂಭದಿಂದಲೇ ಚುರುಕಿನ ಆಟಕ್ಕೆ ಅಣಿಯಾದ ಬಾರ್ಸಿಲೋನಾ, 36ನೇ ನಿಮಿಷದಲ್ಲಿ ಖಾತೆ ತೆರೆಯಿತು. ಗೆರಾರ್ಡ್ ಪಿಕು ಮೋಡಿ ಮಾಡಿದರು. ದ್ವಿತೀಯಾರ್ಧದಲ್ಲೂ ಈ ತಂಡ ಪರಿಣಾಮಕಾರಿ ಸಾಮರ್ಥ್ಯ ತೋರಿತು. 87ನೇ ನಿಮಿಷದಲ್ಲಿ 20 ವರ್ಷ ವಯಸ್ಸಿನ ಅಲೆನಾ ಚೆಂಡನ್ನು ಗುರಿ ಮುಟ್ಟಿಸಿದರು. ಈ ಮೂಲಕ ಲಾ ಲಿಗಾ ಟೂರ್ನಿಯಲ್ಲಿ ಚೊಚ್ಚಲ ಗೋಲು ಬಾರಿಸಿದ ಸಾಧನೆ ಮಾಡಿದರು.</p>.<p>ಇನ್ನೊಂದು ಪಂದ್ಯದಲ್ಲಿ ರಿಯಲ್ ಮ್ಯಾಡ್ರಿಡ್ 2–0 ಗೋಲುಗಳಿಂದ ವಲೆನ್ಸಿಯಾ ತಂಡವನ್ನು ಸೋಲಿಸಿತು.</p>.<p>ಎಂಟನೇ ನಿಮಿಷದಲ್ಲಿ ವಲೆನ್ಸಿಯಾ ತಂಡದ ಡೇನಿಯಲ್ ವಾಸ್, ಚೆಂಡನ್ನು ತಮ್ಮದೇ ಗೋಲು ಪೆಟ್ಟಿಗೆಯೊಳಗೆ ಒದ್ದರು. ಹೀಗಾಗಿ ಮ್ಯಾಡ್ರಿಡ್ ಖಾತೆಗೆ ‘ಉಡುಗೊರೆ’ ರೂಪದಲ್ಲಿ ಗೋಲು ದಾಖಲಾಯಿತು.</p>.<p>83ನೇ ನಿಮಿಷದಲ್ಲಿ ಲುಕಾಸ್ ವಜಕ್ವೆಜ್ ಗೋಲು ಬಾರಿಸಿ ರಿಯಲ್ ಮ್ಯಾಡ್ರಿಡ್ ಸಂಭ್ರಮಕ್ಕೆ ಕಾರಣರಾದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>