‘ಮೊದಲ ಹಂತದ ಟ್ರಯಲ್ಸ್‌ನಲ್ಲಿ ಭಾಗವಹಿಸುವವರ ಪೈಕಿ ಅತ್ಯುತ್ತಮ ಸಾಮರ್ಥ್ಯ ತೋರುವ ತಲಾ ಐದು ಮಂದಿಯನ್ನು(13, 15 ಮತ್ತು 18 ವರ್ಷದೊಳಗಿನವರ ವಿಭಾಗಗಳಿಂದ) ಆಯ್ಕೆ ಮಾಡಲಾಗುತ್ತದೆ. ಇವರು ಬಳ್ಳಾರಿ ಮತ್ತು ಬೆಂಗಳೂರಿನಲ್ಲಿರುವ ಬಿಎಫ್‌ಸಿ ಒಡೆತನದ ಕ್ಲಬ್‌ಗಳಲ್ಲಿ ಮತ್ತೊಂದು ಸುತ್ತಿನ ಟ್ರಯಲ್ಸ್‌ನಲ್ಲಿ ಪಾಲ್ಗೊಳ್ಳಬೇಕಾಗುತ್ತದೆ. ಅದರಲ್ಲಿ ಶ್ರೇಷ್ಠ ಸಾಮರ್ಥ್ಯ ತೋರಿದವರು ಪ್ರತಿಷ್ಠಿತ ಬಿಎಫ್‌ಸಿ ಅಕಾಡೆಮಿಗೆ ನೇರ ಅರ್ಹತೆ ಗಳಿಸಲಿದ್ದಾರೆ’ ಎಂದು ದಿ ಸ್ಪೋರ್ಟ್ಸ್‌ ಸ್ಕೂಲ್‌ನ ನಿರ್ದೇಶಕ ಯು.ವಿ.ಶಂಕರ್‌ ತಿಳಿಸಿದ್ದಾರೆ.
