<p><strong>ಸಾವೊ ಪಾಲೊ(ಬ್ರೆಜಿಲ್)</strong>: ಎಡಿಸನ್ ಕವಾನಿ ಹಾಗೂ ಲೂಯಿಸ್ ಸ್ವಾರೆಜ್ ಅವರ ಕಾಲ್ಚಳಕಗಳ ಬಲದಿಂದ ಉರುಗ್ವೆ ತಂಡವು ಕೊಲಂಬಿಯಾ ತಂಡವನ್ನು ಮಣಿಸಿತು. ವಿಶ್ವಕಪ್ ಅರ್ಹತೆಗೆ ದಕ್ಷಿಣ ಅಮೆರಿಕ ತಂಡಗಳ ಮಧ್ಯೆ ನಡೆಯುತ್ತಿರುವ ಅರ್ಹತಾ ಟೂರ್ನಿಯಲ್ಲಿ ಶುಕ್ರವಾರ ಉರುಗ್ವೆಗೆ 3–0 ಗೋಲುಗಳ ಜಯ ಒಲಿಯಿತು.</p>.<p>ವಿಜೇತ ತಂಡದ ಪರ 33 ವರ್ಷದ ಕವಾನಿ (6ನೇ ನಿಮಿಷ) ಹಾಗೂ ಸ್ವಾರೆಜ್ (54ನೇ ನಿಮಿಷ) ತಲಾ ಒಂದು ಗೋಲು ದಾಖಲಿಸಿದರು. ಮತ್ತೊಂದು ಗೋಲು ಡಾರ್ವಿನ್ ನ್ಯೂನೆಜ್ (73ನೇ ನಿಮಿಷ) ಮೂಲಕ ಬಂತು.</p>.<p>ಉರುಗ್ವೆ ತಂಡವು ಪ್ರಮುಖ ಆಟಗಾರರಾದ ಗೋಲ್ಕೀಪರ್ ಮಾರ್ಟಿನ್ ಸಿಲ್ವಾ, ಡಿಫೆಂಡರ್ ಸೆಬಾಸ್ಟಿಯನ್ ಕೋಟ್ಸ್, ಮಿಡ್ಫೀಲ್ಡರ್ ಫೆಡರಿಕೊ ವಾಲ್ವರ್ಡ್ ಹಾಗೂ ಮ್ಯಾಕ್ಸಿ ಗೋಮೆಜ್ ಅವರ ಅನುಪಸ್ಥಿತಿಯಲ್ಲಿ ಕಣಕ್ಕಿಳಿದಿತ್ತು.</p>.<p>ಪಂದ್ಯದ ಆರಂಭದಲ್ಲೇ ಮುನ್ನಡೆ ಗಳಿಸಿದ ಉರುಗ್ವೆ ವಿಶ್ವಾಸದೊಂದಿಗೆ ಮುನ್ನುಗ್ಗಿತು. ನಹಿತಾನ್ ನಾಂದೇಜ್ ನೆರವಿನೊಂದಿಗೆ ಕವಾನಿ ಚೆಂಡನ್ನು ಗೋಲುಪೆಟ್ಟಿಗೆಗೆ ಸೇರಿಸಿದರು.</p>.<p>ದಕ್ಷಿಣ ಅಮೆರಿಕ ಅರ್ಹತಾ ಟೂರ್ನಿಯ ಗೋಲು ಗಳಿಕೆಯಲ್ಲಿ ಅಗ್ರಸ್ಥಾನದಲ್ಲಿರುವ ಸ್ವಾರೆಜ್ ಈ ಪಂದ್ಯದಲ್ಲಿ 25ನೇ ಗೋಲು ದಾಖಲಿಸಿದರು. ಉರುಗ್ವೆಗೆ 2–0 ಮುನ್ನಡೆ ಸಿಕ್ಕಿತು. ಪಂದ್ಯದ ಕೊನೆಯ ಹಂತದಲ್ಲಿ ಕಾಲ್ಚಳಕ ತೋರಿದ ನ್ಯೂನೆಜ್, ಉರುಗ್ವೆ ಸಂಭ್ರಮದ ಅಲೆಯಲ್ಲಿ ಮಿಂದೇಳುವಂತೆ ಮಾಡಿದರು.</p>.<p>ಈ ಗೆಲುವಿನೊಂದಿಗೆ ಉರುಗ್ವೆ ಪಾಯಿಂಟ್ಸ್ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನಕ್ಕೆ ಏರಿತು. ಮಂಗಳವಾರ ನಡೆಯುವ ಹಣಾಹಣಿಯಲ್ಲಿ ಬಲಿಷ್ಠ ಬ್ರೆಜಿಲ್ ತಂಡವನ್ನು ಎದುರಿಸಲಿದೆ. ಕೊಲಂಬಿಯಾ ಆರನೇ ಸ್ಥಾನದಲ್ಲಿದ್ದು, ಮುಂದಿನ ಪಂದ್ಯದಲ್ಲಿ ಈಕ್ವೆಡಾರ್ ಎದುರು ಸೆಣಸಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಸಾವೊ ಪಾಲೊ(ಬ್ರೆಜಿಲ್)</strong>: ಎಡಿಸನ್ ಕವಾನಿ ಹಾಗೂ ಲೂಯಿಸ್ ಸ್ವಾರೆಜ್ ಅವರ ಕಾಲ್ಚಳಕಗಳ ಬಲದಿಂದ ಉರುಗ್ವೆ ತಂಡವು ಕೊಲಂಬಿಯಾ ತಂಡವನ್ನು ಮಣಿಸಿತು. ವಿಶ್ವಕಪ್ ಅರ್ಹತೆಗೆ ದಕ್ಷಿಣ ಅಮೆರಿಕ ತಂಡಗಳ ಮಧ್ಯೆ ನಡೆಯುತ್ತಿರುವ ಅರ್ಹತಾ ಟೂರ್ನಿಯಲ್ಲಿ ಶುಕ್ರವಾರ ಉರುಗ್ವೆಗೆ 3–0 ಗೋಲುಗಳ ಜಯ ಒಲಿಯಿತು.</p>.<p>ವಿಜೇತ ತಂಡದ ಪರ 33 ವರ್ಷದ ಕವಾನಿ (6ನೇ ನಿಮಿಷ) ಹಾಗೂ ಸ್ವಾರೆಜ್ (54ನೇ ನಿಮಿಷ) ತಲಾ ಒಂದು ಗೋಲು ದಾಖಲಿಸಿದರು. ಮತ್ತೊಂದು ಗೋಲು ಡಾರ್ವಿನ್ ನ್ಯೂನೆಜ್ (73ನೇ ನಿಮಿಷ) ಮೂಲಕ ಬಂತು.</p>.<p>ಉರುಗ್ವೆ ತಂಡವು ಪ್ರಮುಖ ಆಟಗಾರರಾದ ಗೋಲ್ಕೀಪರ್ ಮಾರ್ಟಿನ್ ಸಿಲ್ವಾ, ಡಿಫೆಂಡರ್ ಸೆಬಾಸ್ಟಿಯನ್ ಕೋಟ್ಸ್, ಮಿಡ್ಫೀಲ್ಡರ್ ಫೆಡರಿಕೊ ವಾಲ್ವರ್ಡ್ ಹಾಗೂ ಮ್ಯಾಕ್ಸಿ ಗೋಮೆಜ್ ಅವರ ಅನುಪಸ್ಥಿತಿಯಲ್ಲಿ ಕಣಕ್ಕಿಳಿದಿತ್ತು.</p>.<p>ಪಂದ್ಯದ ಆರಂಭದಲ್ಲೇ ಮುನ್ನಡೆ ಗಳಿಸಿದ ಉರುಗ್ವೆ ವಿಶ್ವಾಸದೊಂದಿಗೆ ಮುನ್ನುಗ್ಗಿತು. ನಹಿತಾನ್ ನಾಂದೇಜ್ ನೆರವಿನೊಂದಿಗೆ ಕವಾನಿ ಚೆಂಡನ್ನು ಗೋಲುಪೆಟ್ಟಿಗೆಗೆ ಸೇರಿಸಿದರು.</p>.<p>ದಕ್ಷಿಣ ಅಮೆರಿಕ ಅರ್ಹತಾ ಟೂರ್ನಿಯ ಗೋಲು ಗಳಿಕೆಯಲ್ಲಿ ಅಗ್ರಸ್ಥಾನದಲ್ಲಿರುವ ಸ್ವಾರೆಜ್ ಈ ಪಂದ್ಯದಲ್ಲಿ 25ನೇ ಗೋಲು ದಾಖಲಿಸಿದರು. ಉರುಗ್ವೆಗೆ 2–0 ಮುನ್ನಡೆ ಸಿಕ್ಕಿತು. ಪಂದ್ಯದ ಕೊನೆಯ ಹಂತದಲ್ಲಿ ಕಾಲ್ಚಳಕ ತೋರಿದ ನ್ಯೂನೆಜ್, ಉರುಗ್ವೆ ಸಂಭ್ರಮದ ಅಲೆಯಲ್ಲಿ ಮಿಂದೇಳುವಂತೆ ಮಾಡಿದರು.</p>.<p>ಈ ಗೆಲುವಿನೊಂದಿಗೆ ಉರುಗ್ವೆ ಪಾಯಿಂಟ್ಸ್ ಪಟ್ಟಿಯಲ್ಲಿ ನಾಲ್ಕನೇ ಸ್ಥಾನಕ್ಕೆ ಏರಿತು. ಮಂಗಳವಾರ ನಡೆಯುವ ಹಣಾಹಣಿಯಲ್ಲಿ ಬಲಿಷ್ಠ ಬ್ರೆಜಿಲ್ ತಂಡವನ್ನು ಎದುರಿಸಲಿದೆ. ಕೊಲಂಬಿಯಾ ಆರನೇ ಸ್ಥಾನದಲ್ಲಿದ್ದು, ಮುಂದಿನ ಪಂದ್ಯದಲ್ಲಿ ಈಕ್ವೆಡಾರ್ ಎದುರು ಸೆಣಸಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
