<p><strong>ಬೆಲ್ಗ್ರೇಡ್:</strong>ಇಲ್ಲಿನ ರೆಡ್ಬುಲ್ ಮೈದಾನದಲ್ಲಿ ನಡೆದ ಕ್ರ್ವೆನಾ ಜ್ವೆಜ್ಡಾ ಕ್ಲಬ್ ವಿರುದ್ಧದ ಪಂದ್ಯದಲ್ಲಿಬಯೆರ್ನ್ ಮ್ಯೂನಿಚ್ ಆಟಗಾರರಾಬರ್ಟ್ ಲೆವಂಡೊಸ್ಕಿ, ಕೇವಲ15 ನಿಮಿಷಗಳ ಅಂತರದಲ್ಲಿ ನಾಲ್ಕು ಗೋಲುಗಳನ್ನು ಬಾರಿಸಿ ದಾಖಲೆ ಬರೆದರು.ರಾಬರ್ಟ್ ಗೋಲುಗಳ ಬಲದಿಂದ ಬರೇನ್ ತಂಡ 6–0 ಅಂತರದಿಂದ ಗೆದ್ದು ಬೀಗಿತು.</p>.<p>ಇಂದು ನಡೆದ ಪಂದ್ಯದಲ್ಲಿ 53, 60, 64 ಹಾಗೂ 67ನೇ ನಿಮಿಷದಲ್ಲಿ ಗೋಲು ಬಾರಿಸಿದ ರಾಬರ್ಟ್ ಆಮೂಲ, ಯುರೋಪಿಯನ್ ಚಾಂಪಿಯನ್ಸ್ ಲೀಗ್ ಇತಿಹಾಸದಲ್ಲೇ ವೇಗವಾಗಿ ನಾಲ್ಕು ಗೋಲು ಗಳಿಸಿದ ಆಟಗಾರ ಎನಿಸಿದರು. ಈ ಬಾರಿ ಲೀಗ್ನಲ್ಲಿಒಟ್ಟು 10 ಗೋಲು ಗಳಿಸಿರುವ ರಾಬರ್ಟ್ ಹೆಚ್ಚು ಗೋಲುಗಳಿಸಿದವರ ಪಟ್ಟಿಯಲ್ಲಿ ಮೊದಲ ಸ್ಥಾನಕ್ಕೇರಿದರು.</p>.<p>ಉಳಿದೆರಡು ಗೋಲುಗಳನ್ನು ಲಿಯೋನ್ ಗೊರೆಟ್ಜ್ಕಾ(14ನೇ ನಿಮಿಷ) ಮತ್ತು ಕೊರೆಂಟಿನ್ ಟೊಲಿಸ್ಸೊ(89ನೇ ನಿಮಿಷ) ದಾಖಲಿಸಿದರು.</p>.<p>ಪಂದ್ಯದ ಬಳಿಕ ಮಾತನಾಡಿದ ರಾಬರ್ಟ್, ‘ಯಾರು ಚೆನ್ನಾಗಿ ಆಡಿದರು ಎಂಬುದಕ್ಕಿಂತ,ನಾವೆಲ್ಲ ತಂಡದ ಯೋಜನೆಯಂತೆ ಆಡಿದೆವು ಎಂಬುದು ಗಮನಾರ್ಹ ಸಂಗತಿ. ರಕ್ಷಣಾತ್ಮಕವಾಗಿ ಮತ್ತು ಆಕ್ರಮಣಕಾರಿಯಾಗಿ ತುಂಬಾ ಚೆನ್ನಾಗಿ ಆಡಿದೆವು ಎಂಬುದೇ ಮುಖ್ಯ’ ಎಂದು ಹೇಳಿದರು.</p>.<p>‘ಈ ಹಿಂದೆ ನಾನು ಗೋಲು ಗಳಿಸದಿದ್ದಾಗಲೂ ತಂಡ ಗೆಲುವು ಸಾಧಿಸಿದಾಗ ಆದಷ್ಟೇ ಸಂತಸ ಈಗಲೂ ಆಗಿದೆ’ ಎಂದರು. ಶನಿವಾರ ನಡೆದ ಪಂದ್ಯದಲ್ಲಿ ಫೋರ್ಟುನಾ ಎದುರು ಬಯೆರ್ನ್ 4–0 ಅಂತರದಿಂದ ಗೆದ್ದಿತ್ತು. ಈ ಪಂದ್ಯದಲ್ಲಿ ರಾಬರ್ಟ್ಗೆ ಒಂದೂ ಗೋಲು ಗಳಿಸಲು ಸಾಧ್ಯವಾಗಿರಲಿಲ್ಲ.</p>.<p>2015ರಲ್ಲಿ ಬಂದೇಸ್ಲಿಗಾ ಲೀಗ್ನಲ್ಲಿಯೂ ಇಂತಹದೇ ಪ್ರದರ್ಶನ ನೀಡಿದ್ದ ರಾಬರ್ಟ್, ವೋಲ್ಫ್ಬರ್ಗ್ ತಂಡದೆದುರು ಕೇವಲ 9 ನಿಮಿಷಗಳಲ್ಲಿ 5ಗೋಲು ಬಾರಿಸಿದ್ದರು. ಪೋಲೆಂಡ್ ಆಟಗಾರನಾಗಿರುವ ರಾಬರ್ಡ್ ಬಯೆರ್ನ್ ಪರ ಇದುವರೆಗೆ ಒಟ್ಟು 20 ಪಂದ್ಯಗಳನ್ನು ಆಡಿದ್ದು, ಅವರ ಖಾತೆಯಲ್ಲಿ 27 ಗೋಲುಗಳಿವೆ.</p>.<p>ಲೀಗ್ನ ಗುಂಪು ಹಂತದಲ್ಲಿ ಆಡಿದ ಐದೂ ಪಂದ್ಯಗಳಲ್ಲಿ ಗೆಲುವು ಕಂಡಿರುವ ಬಯೆರ್ನ್ 16ರ ಘಟ್ಟಕ್ಕೆ ಪ್ರವೇಶ ಪಡೆದುಕೊಂಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಲ್ಗ್ರೇಡ್:</strong>ಇಲ್ಲಿನ ರೆಡ್ಬುಲ್ ಮೈದಾನದಲ್ಲಿ ನಡೆದ ಕ್ರ್ವೆನಾ ಜ್ವೆಜ್ಡಾ ಕ್ಲಬ್ ವಿರುದ್ಧದ ಪಂದ್ಯದಲ್ಲಿಬಯೆರ್ನ್ ಮ್ಯೂನಿಚ್ ಆಟಗಾರರಾಬರ್ಟ್ ಲೆವಂಡೊಸ್ಕಿ, ಕೇವಲ15 ನಿಮಿಷಗಳ ಅಂತರದಲ್ಲಿ ನಾಲ್ಕು ಗೋಲುಗಳನ್ನು ಬಾರಿಸಿ ದಾಖಲೆ ಬರೆದರು.ರಾಬರ್ಟ್ ಗೋಲುಗಳ ಬಲದಿಂದ ಬರೇನ್ ತಂಡ 6–0 ಅಂತರದಿಂದ ಗೆದ್ದು ಬೀಗಿತು.</p>.<p>ಇಂದು ನಡೆದ ಪಂದ್ಯದಲ್ಲಿ 53, 60, 64 ಹಾಗೂ 67ನೇ ನಿಮಿಷದಲ್ಲಿ ಗೋಲು ಬಾರಿಸಿದ ರಾಬರ್ಟ್ ಆಮೂಲ, ಯುರೋಪಿಯನ್ ಚಾಂಪಿಯನ್ಸ್ ಲೀಗ್ ಇತಿಹಾಸದಲ್ಲೇ ವೇಗವಾಗಿ ನಾಲ್ಕು ಗೋಲು ಗಳಿಸಿದ ಆಟಗಾರ ಎನಿಸಿದರು. ಈ ಬಾರಿ ಲೀಗ್ನಲ್ಲಿಒಟ್ಟು 10 ಗೋಲು ಗಳಿಸಿರುವ ರಾಬರ್ಟ್ ಹೆಚ್ಚು ಗೋಲುಗಳಿಸಿದವರ ಪಟ್ಟಿಯಲ್ಲಿ ಮೊದಲ ಸ್ಥಾನಕ್ಕೇರಿದರು.</p>.<p>ಉಳಿದೆರಡು ಗೋಲುಗಳನ್ನು ಲಿಯೋನ್ ಗೊರೆಟ್ಜ್ಕಾ(14ನೇ ನಿಮಿಷ) ಮತ್ತು ಕೊರೆಂಟಿನ್ ಟೊಲಿಸ್ಸೊ(89ನೇ ನಿಮಿಷ) ದಾಖಲಿಸಿದರು.</p>.<p>ಪಂದ್ಯದ ಬಳಿಕ ಮಾತನಾಡಿದ ರಾಬರ್ಟ್, ‘ಯಾರು ಚೆನ್ನಾಗಿ ಆಡಿದರು ಎಂಬುದಕ್ಕಿಂತ,ನಾವೆಲ್ಲ ತಂಡದ ಯೋಜನೆಯಂತೆ ಆಡಿದೆವು ಎಂಬುದು ಗಮನಾರ್ಹ ಸಂಗತಿ. ರಕ್ಷಣಾತ್ಮಕವಾಗಿ ಮತ್ತು ಆಕ್ರಮಣಕಾರಿಯಾಗಿ ತುಂಬಾ ಚೆನ್ನಾಗಿ ಆಡಿದೆವು ಎಂಬುದೇ ಮುಖ್ಯ’ ಎಂದು ಹೇಳಿದರು.</p>.<p>‘ಈ ಹಿಂದೆ ನಾನು ಗೋಲು ಗಳಿಸದಿದ್ದಾಗಲೂ ತಂಡ ಗೆಲುವು ಸಾಧಿಸಿದಾಗ ಆದಷ್ಟೇ ಸಂತಸ ಈಗಲೂ ಆಗಿದೆ’ ಎಂದರು. ಶನಿವಾರ ನಡೆದ ಪಂದ್ಯದಲ್ಲಿ ಫೋರ್ಟುನಾ ಎದುರು ಬಯೆರ್ನ್ 4–0 ಅಂತರದಿಂದ ಗೆದ್ದಿತ್ತು. ಈ ಪಂದ್ಯದಲ್ಲಿ ರಾಬರ್ಟ್ಗೆ ಒಂದೂ ಗೋಲು ಗಳಿಸಲು ಸಾಧ್ಯವಾಗಿರಲಿಲ್ಲ.</p>.<p>2015ರಲ್ಲಿ ಬಂದೇಸ್ಲಿಗಾ ಲೀಗ್ನಲ್ಲಿಯೂ ಇಂತಹದೇ ಪ್ರದರ್ಶನ ನೀಡಿದ್ದ ರಾಬರ್ಟ್, ವೋಲ್ಫ್ಬರ್ಗ್ ತಂಡದೆದುರು ಕೇವಲ 9 ನಿಮಿಷಗಳಲ್ಲಿ 5ಗೋಲು ಬಾರಿಸಿದ್ದರು. ಪೋಲೆಂಡ್ ಆಟಗಾರನಾಗಿರುವ ರಾಬರ್ಡ್ ಬಯೆರ್ನ್ ಪರ ಇದುವರೆಗೆ ಒಟ್ಟು 20 ಪಂದ್ಯಗಳನ್ನು ಆಡಿದ್ದು, ಅವರ ಖಾತೆಯಲ್ಲಿ 27 ಗೋಲುಗಳಿವೆ.</p>.<p>ಲೀಗ್ನ ಗುಂಪು ಹಂತದಲ್ಲಿ ಆಡಿದ ಐದೂ ಪಂದ್ಯಗಳಲ್ಲಿ ಗೆಲುವು ಕಂಡಿರುವ ಬಯೆರ್ನ್ 16ರ ಘಟ್ಟಕ್ಕೆ ಪ್ರವೇಶ ಪಡೆದುಕೊಂಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
