ಗುರುವಾರ , ಅಕ್ಟೋಬರ್ 1, 2020
20 °C

ಫುಟ್‌ಬಾಲ್‌ ಆಟಗಾರ ಮಣಿತೊಂಬಿ ನಿಧನ

ಪಿಟಿಐ Updated:

ಅಕ್ಷರ ಗಾತ್ರ : | |

ಕೋಲ್ಕತ್ತ: ಭಾರತ ಫುಟ್‌ಬಾಲ್‌ ತಂಡದಲ್ಲಿ ಡಿಫೆನ್ಸ್‌ ಆಟಗಾರರಾಗಿದ್ದ ಹಾಗೂ ಮೋಹನ್‌ ಬಾಗನ್‌ ಕ್ಲಬ್‌ನ ನಾಯಕತ್ವ ವಹಿಸಿದ್ದ ಮಣಿತೊಂಬಿ ಸಿಂಗ್‌ (39) ಅವರು ಭಾನುವಾರ ನಿಧನರಾದರು. ತಮ್ಮ ತವರು ಮಣಿಪುರದ ಇಂಫಾಲ್‌ ಸಮೀಪದ ಹಳ್ಳಿಯೊಂದರಲ್ಲಿ ಅವರು ಕೊನೆಯುಸಿರೆಳೆದರು ಎಂದು ಬಾಗನ್‌ ಕ್ಲಬ್‌ ತಿಳಿಸಿದೆ.

ಮಣಿತೊಂಬಿ ದೀರ್ಘಕಾಲ ಅನಾರೋಗ್ಯದಿಂದ ಬಳಲುತ್ತಿದ್ದರು. ಅವರಿಗೆ ಪತ್ನಿ ಹಾಗೂ ಎಂಟು ವರ್ಷದ ಪುತ್ರನಿದ್ದಾನೆ.

ಮಣಿತೊಂಬಿ ಅವರ ನಿಧನಕ್ಕೆ ಸಂತಾಪ ಸೂಚಿಸಿ ಬಾಗನ್‌ ಕ್ಲಬ್‌ ಟ್ವೀಟ್‌ ಮಾಡಿದೆ.

ಭಾರತ 23 ವರ್ಷದೊಳಗಿನವರ ತಂಡ 2003ರಲ್ಲಿ ಎಲ್‌ಜಿ ಕಪ್‌ ಗೆದ್ದುಕೊಂಡಾಗ ಮಣಿತೊಂಬಿ ತಂಡದಲ್ಲಿದ್ದರು. ಸ್ಟೀಫನ್‌ ಕಾನ್‌ಸ್ಟಂಟೈನ್‌ ನೇತೃತ್ವದ ತಂಡ, ಹೊ ಚಿ ಮಿನ್‌ನಲ್ಲಿ ನಡೆದ ಫೈನಲ್‌ ಪಂದ್ಯದಲ್ಲಿ 3–2ರಿಂದ ಆತಿಥೇಯ ವಿಯೆಟ್ನಾಂ ತಂಡವನ್ನು ಮಣಿಸಿತ್ತು. 1971ರಲ್ಲಿ ಸಿಂಗಾಪುರದಲ್ಲಿ ನಡೆದ ಟೂರ್ನಿಯೊಂದನ್ನು ಗೆದ್ದ ಬಳಿಕ ಭಾರತ ತಂಡ ಜಯಿಸಿದ ಮೊದಲ ಅಂತರರಾಷ್ಟ್ರೀಯ ಟೂರ್ನಿ ಇದಾಗಿತ್ತು.

2002ರಲ್ಲಿ ಬುಸಾನ್‌ನಲ್ಲಿ ನಡೆದ ಏಷ್ಯನ್‌ ಕ್ರೀಡಾಕೂಟದಲ್ಲಿ ಅವರು ಭಾರತ‌‌ ತಂಡವನ್ನು ಪ್ರತಿನಿಧಿಸಿದ್ದರು.

ಮೋಹನ್‌ ಬಾಗನ್‌ ಅಲ್ಲದೆ, ಸರ್ವೀಸಸ್‌, ಏರ್‌ ಇಂಡಿಯಾ, ಸಲಗಾಂವಕರ್‌ ತಂಡಗಳಲ್ಲಿ ಮಣಿತೊಂಬಿ ಆಡಿದ್ದರು. 

 

 

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು