ಗುರುಪ್ರೀತ್, ಸಂಜು ವರ್ಷದ ಫುಟ್‌ಬಾಲ್‌ ಪಟುಗಳು

ನವದೆಹಲಿ: ಭಾರತ ಪುರುಷರ ತಂಡದ ಗೋಲ್ ಕೀಪರ್ ಗುರುಪ್ರೀತ್ ಸಿಂಗ್ ಸಂಧು ಮತ್ತು ಮಹಿಳಾ ತಂಡದ ಮಿಡ್ಫೀಲ್ಡರ್ ಸಂಜು ಅವರನ್ನು ಭಾರತ ಫುಟ್ಬಾಲ್ ಫೆಡರೇಷನ್ (ಎಐಎಫ್ಎಫ್) ವರ್ಷದ ಆಟಗಾರರು ಪ್ರಶಸ್ತಿಗೆ ಶುಕ್ರವಾರ ಆಯ್ಕೆ ಮಾಡಿದೆ.

. ಗುರುಪ್ರೀತ್ ಸಿಂಗ್ ಸಂಧು ಈ ಪ್ರಶಸ್ತಿಗೆ ಆಯ್ಕೆಯಾಗಿರುವ ಎರಡನೇ ಗೋಲ್ಕೀಪರ್ ಎನಿಸಿದ್ದಾರೆ. 2009ರಲ್ಲಿ ಸುಬ್ರತಾ ಪಾಲ್ ಅವರು ಈ ಗೌರವಕ್ಕೆ ಪಾತ್ರರಾದ ಮೊದಲ ಗೋಲ್ಕೀಪರ್ ಆಗಿದ್ದರು. ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಮತ್ತು ಐ–ಲೀಗ್ನಲ್ಲಿ ಆಡುವ ತಂಡಗಳ ಕೋಚ್ಗಳು ಹಾಕಿದ ಮತಗಳ ಆಧಾರದಲ್ಲಿ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ.

. ‘ಉನ್ನತ ಸ್ಥಾನಕ್ಕೇರುವ ಹಂಬಲ ಸದಾ ಕಾಲ ಇದ್ದೇ ಇರುತ್ತದೆ. ಈ ಪ್ರಶಸ್ತಿ ಗಳಿಸುವುದು ನನ್ನ ಕನಸಾಗಿತ್ತು. ಸುನಿಲ್ ಚೆಟ್ರಿ ಅವರು ಅನೇಕ ಬಾರಿ ಈ ಪ್ರಶಸ್ತಿಗೆ ಪಾತ್ರರಾಗಿದ್ದಾರೆ. ಅವರು ಪ್ರಶಸ್ತಿಗೆ ಆಯ್ಕೆಯಾದಾಗಲೆಲ್ಲ ನಾನು ಕೂಡ ಆ ಮಟ್ಟಕ್ಕೆ ಬೆಳೆಯಬೇಕೆಂಬ ಆಸೆಯಾಗುತ್ತಿತ್ತು. ನನ್ನನ್ನು ಬೆಂಬಲಿಸಿದಎಐಎಫ್ಎಫ್ ಮತ್ತು ಪ್ರತಿಯೊಬ್ಬರಿಗೂ ಕೃತಜ್ಞನಾಗಿದ್ದೇನೆ’ ಎಂದು ಗುರುಪ್ರೀತ್ ಸಿಂಗ್ ಸಂಧು ಹೇಳಿದ್ದಾರೆ.

. ‘ದೋಹಾದಲ್ಲಿ ನಡೆದ ಏಷ್ಯನ್ ಚಾಂಪಿಯನ್ ಖತಾರ್ ವಿರುದ್ಧ ನಡೆದ ಪಂದ್ಯದಲ್ಲಿ ಮಾಡಿದ ಉತ್ತಮ ಸಾಧನೆ, ಇಂಡಿಯನ್ ಸೂಪರ್ ಲೀಗ್ನಲ್ಲಿ ಬೆಂಗಳೂರು ಫುಟ್ಬಾಲ್ ಕ್ಲಬ್ (ಬಿಎಫ್ಸಿ) ಪರ 11 ಕ್ಲೀನ್ ಶೀಟ್ಗಳನ್ನು ಸಾಧಿಸಿದ್ದು, ಚಿನ್ನದ ಗ್ಲೌ ಪಡೆದದ್ದು ಇತ್ಯಾದಿಗಳೆಲ್ಲ ತಂಡದ ಸಹಕಾರದಿಂದ ಆಗಿದೆ‘ ಎಂದು ಅವರು ಸ್ಮರಿಸಿದರು.

. ರತನ್ಬಾಲಾ ದೇವಿ ಅವರು ವರ್ಷದ ಉದಯೋನ್ಮುಖ ಆಟಗಾರ್ತಿ ಪ್ರಶಸ್ತಿಗೆ ಆಯ್ಕೆಯಾಗಿದ್ದಾರೆ. ಮಹಿಳಾ ವಿಭಾಗದ ಇಬ್ಬರು ಪ್ರಶಸ್ತಿ ಪುರಸ್ಕೃತರನ್ನು ಕೂಡ ಎಐಎಫ್ಎಫ್ ತಾಂತ್ರಿಕ ನಿರ್ದೇಶಕ ಐಸಕ್ ದೋರು ಅವರೊಂದಿಗೆ ಚರ್ಚಿಸಿ ಮುಖ್ಯ ಕೋಚ್ ಮೈಮೋಳ್ ರಾಕಿ ಆಯ್ಕೆ ಮಾಡಿದ್ದಾರೆ.

. ’ಇದೊಂದು ದೊಡ್ಡ ಗೌರವ. ಕಳೆದ ಕೆಲವು ವರ್ಷಗಳಲ್ಲಿ ಪಟ್ಟ ಶ್ರಮಕ್ಕೆ ಈಗ ಪ್ರತಿಫಲ ಸಿಕ್ಕಿದೆ ಎಂಬುದು ನನ್ನ ವೈಯಕ್ತಿಕ ಅಭಿಪ್ರಾಯ. ಪ್ರಶಸ್ತಿಗೆ ಆಯ್ಕೆಯಾಗಲು ಕಾರಣರಾದ ಎಲ್ಲರಿಗೂ ಅಭಾರಿಯಾಗಿದ್ದೇನೆ’ ಎಂದು ಸಂಜು ಹೇಳಿದರು.

. ಪುರುಷರ ವಿಭಾಗದ ಉದಯೋನ್ಮುಖ ಆಟಗಾರ ಪ್ರಶಸ್ತಿಗೆ ಮಿಡ್ಫೀಲ್ಡರ್ ಅನಿರುದ್ಧ ಥಾಪ ಆಯ್ಕೆಯಾಗಿದ್ದಾರೆ.ಅವರ ಆಯ್ಕೆಯೂ ಕೋಚ್ಗಳ ಮತಗಳ ಆಧಾರದಲ್ಲಿ ನಡೆದಿದೆ. ಮಣಿಪುರದ ಎಲ್.ಅಜಿತ್ ಕುಮಾರ್ ಮೀಟಿ ಉತ್ತಮ ರೆಫರಿ ಪ್ರಶಸ್ತಿಗೂ ತಮಿಳುನಾಡಿನ ಪಿ.ವೈರಮುತ್ತು ಉತ್ತಮ ಸಹಾಯಕ ರೆಫರಿ ಪ್ರಶಸ್ತಿಗೂ ಪಾತ್ರರಾಗಿದ್ದಾರೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗುರುಪ್ರೀತ್, ಸಂಜು ವರ್ಷದ ಫುಟ್‌ಬಾಲ್‌ ಪಟುಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ದಿನ ಭವಿಷ್ಯ | ಖರ್ಚು ವೆಚ್ಚಗಳ ಮೇಲೆ ಗಮನವಿದ್ದರೆ ಒಳ್ಳೆಯದು

Lords Test: ಹೋರಾಡಿ ಸೋತ ಗಿಲ್‌ ಬಳಗ

ಜಪಾನ್‌ ಓಪನ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಸಾತ್ವಿಕ್‌– ಚಿರಾಗ್‌ ಮೇಲೆ ನಿರೀಕ್ಷೆ

ರಾಜ್ಯ ರ‍್ಯಾಂಕಿಂಗ್‌ ಬ್ಯಾಡ್ಮಿಂಟನ್‌ ಟೂರ್ನಿ: ಇಶಾನ್‌, ಜೋಹನ್ನಾಗೆ ಪ್ರಶಸ್ತಿ

ಟಿ20 ತ್ರಿಕೋನ ಸರಣಿ: ದಕ್ಷಿಣ ಆಫ್ರಿಕಾ ಶುಭಾರಂಭ

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಚಿನಕುರುಳಿ | ಸೋಮವಾರ, 14 ಜುಲೈ 2025

ಚುರುಮುರಿ | ಭೋಜನ ಭಾಗ್ಯ

ಚೀನಾ ಅತಿಕ್ರಮಣ: ತೈವಾನ್ ವಾಯುಪ್ರದೇಶ ಪ್ರವೇಶಿಸಿದ 17 ಯುದ್ಧ ವಿಮಾನ

ದಿನ ಭವಿಷ್ಯ | ಖರ್ಚು ವೆಚ್ಚಗಳ ಮೇಲೆ ಗಮನವಿದ್ದರೆ ಒಳ್ಳೆಯದು