ಹೈದರಾಬಾದ್‌–ಜೆಎಫ್‌ಸಿ ಪಂದ್ಯ ಡ್ರಾ

ವಾಸ್ಕೊ: ಪಂದ್ಯದ ಕೊನೆಯ ಹಂತದಲ್ಲಿ ಗೋಲು ಗಳಿಸಿದ ಸ್ಟೀಫನ್‌ ಎಜೆ ಅವರು ಜಮ್ಶೆಡ್‌ಪುರ ಎಫ್‌ಸಿ (ಜೆಎಫ್‌ಸಿ) ತಂಡವು ಹೈದರಾಬಾದ್ ಎಫ್‌ಸಿಯೊಡನೆ ಡ್ರಾ ಸಾಧಿಸಲು ನೆರವಾದರು. ಇಲ್ಲಿಯ ತಿಲಕ್‌ ಕ್ರೀಡಾಂಗಣದಲ್ಲಿ ಬುಧವಾರ ನಡೆದ ಇಂಡಿಯನ್‌ ಸೂಪರ್ ಲೀಗ್ (ಐಎಸ್‌ಎಲ್‌) ಫುಟ್‌ಬಾಲ್‌ ಟೂರ್ನಿಯ ಹಣಾಹಣಿಯಲ್ಲಿ ಉಭಯ ತಂಡಗಳು 1–1ರ ಸಮಬಲ ಸಾಧಿಸಿದವು.

ಹೈದರಾಬಾದ್‌ ಪರ ಅರಿದಾನೆ ಸಂಟಾನಾ 50ನೇ ನಿಮಿಷದಲ್ಲಿ ಸೊಗಸಾದ ಗೋಲು ಗಳಿಸಿ ತಂಡಕ್ಕೆ ಮುನ್ನಡೆ ತಂದುಕೊಟ್ಟರು. 87ನೇ ನಿಮಿಷದಲ್ಲಿ ಸ್ಟೀಪನ್‌ ಎಜೆ ಅವರು ಲಾಲ್‌ನುನ್ಫೆಲಾ ಅವರ ನೆರವಿನೊಂದಿಗೆ ಗೋಲು ದಾಖಲಿಸಿ ಪಂದ್ಯದ ಸಮಬಲಕ್ಕೆ ಕಾರಣರಾದರು.