ಫುಟ್ಬಾಲ್ | ರಾಲ್ಟೆ, ಪ್ರತೀಕ್ ಜೊತೆ ಬಿಎಫ್‌ಸಿ ಒಪ್ಪಂದ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಇಂಡಿಯನ್‌ ಸೂಪರ್‌ ಲೀಗ್‌ (ಐಎಸ್‌ಎಲ್‌) 2020–21ನೇ ಸಾಲಿನ ಫುಟ್ಬಾಲ್ ಟೂರ್ನಿಗೆ ತಂಡವನ್ನು ಮತ್ತಷ್ಟು ಬಲಪಡಿಸಲು ಮುಂದಾಗಿರುವ ಬೆಂಗಳೂರು ಫುಟ್ಬಾಲ್ ಕ್ಲಬ್ (ಬಿಎಫ್‌ಸಿ) ತಂಡವು ಅನುಭವಿ ಡಿಫೆಂಡರ್‌ ಪ್ರತೀಕ್ ಚೌಧರಿ ಹಾಗೂ ಗೋಲ್‌ಕೀಪರ್‌ ಲಾಲ್ತುಮಾವಿಯಾ ರಾಲ್ಟೆ ಅವರೊಂದಿಗೆ ಒಪ್ಪಂದ ಮಾಡಿಕೊಂಡಿದೆ.
ಇವರು ಮುಂದಿನ ಎರಡು ವರ್ಷಗಳ ಕಾಲ ತಂಡದ ಭಾಗವಾಗಿರಲಿದ್ದಾರೆ. ಪ್ರತೀಕ್ ಅವರು ಹಿಂದಿನ ಆವೃತ್ತಿಯ ಐಎಸ್‌ಎಲ್‌ನಲ್ಲಿ ಮುಂಬೈ ಸಿಟಿ ಎಫ್‌ಸಿ ಪರ ಆಡಿದ್ದರು. ರಾಲ್ಟೆ ಅವರು 2014ರಿಂದ 2018ರವರೆಗೂ ಬಿಎಫ್‌ಸಿಯಲ್ಲೇ ಇದ್ದರು.
30 ವರ್ಷ ವಯಸ್ಸಿನ ಪ್ರತೀಕ್ ಅವರು ಕೇರಳ ಬ್ಲಾಸ್ಟರ್ಸ್‌, ಡೆಲ್ಲಿ ಡೈನಾಮೊಸ್‌ ಹಾಗೂ ಜೆಮ್‌ಶೆಡ್‌ಪುರ ಎಫ್‌ಸಿ ಕ್ಲಬ್‌ಗಳ ಪರವೂ ಆಡಿದ್ದರು. ಐ ಲೀಗ್‌ ಕ್ಲಬ್‌ಗಳಾದ ಮೋಹನ್‌ ಬಾಗನ್‌, ಮುಂಬೈ ಎಫ್‌ಸಿ, ರಂಗ್‌ದಜೀದ್‌ ಪರ ಆಡಿದ ಅನುಭವವೂ ಅವರಿಗಿದೆ.
27 ವರ್ಷ ವಯಸ್ಸಿನ ರಾಲ್ಟೆ, ನಾರ್ತ್‌ಈಸ್ಟ್‌ ಯುನೈಟೆಡ್‌, ಎಫ್‌ಸಿ ಗೋವಾ, ಕೇರಳ ಬ್ಲಾಸ್ಟರ್ಸ್‌ ತಂಡಗಳ ಪರ ಆಡಿ ಸೈ ಎನಿಸಿಕೊಂಡಿದ್ದರು. ಹೋದ ವರ್ಷದ ಐ ಲೀಗ್‌ನಲ್ಲಿ ಅವರು ಈಸ್ಟ್‌ ಬೆಂಗಾಲ್‌ ಎಫ್‌ಸಿ ತಂಡವನ್ನು ಪ್ರತಿನಿಧಿಸಿದ್ದರು.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
