ಮುಂಬೈ: ಫುಟ್ಬಾಲ್ ಪ್ರಿಯರನ್ನು ಹೆಚ್ಚು ಪಾಲ್ಗೊಳ್ಳಿಸುವಂತೆ ಮಾಡುವ ಉದ್ದೇಶದಿಂದ ’ಫ್ಯಾನ್ ವಾಲ್‘ ಒಳಗೊಂಡಂತೆ ಅನೇಕ ಹೊಸ ತಂತ್ರಜ್ಞಾನಗಳನ್ನು ಈ ಬಾರಿಯ ಇಂಡಿಯನ್ ಸೂಪರ್ ಲೀಗ್ (ಐಎಸ್ಎಲ್) ಫುಟ್ಬಾಲ್ ಟೂರ್ನಿಯಲ್ಲಿ ಅಳವಡಿಸಲು ಆಯೋಜಕರು ಸಜ್ಜಾಗಿದ್ದಾರೆ. ಐಎಸ್ಎಲ್ನ ಏಳನೇ ಆವೃತ್ತಿಯ ಪಂದ್ಯಗಳಿಗೆ ಇದೇ 20ರಂದು ಚಾಲನೆ ಸಿಗಲಿದೆ. ಕೋವಿಡ್–19ರಿಂದಾಗಿ ಈ ಬಾರಿ ಎಲ್ಲ ಪಂದ್ಯಗಳೂ ಗೋವಾದಲ್ಲಿ ನಡೆಯಲಿದ್ದು ಪ್ರೇಕ್ಷಕರಿಗೆ ಅಂಗಣಕ್ಕೆ ಪ್ರವೇಶ ಇರುವುದಿಲ್ಲ.