<p>ಈ ವರ್ಷ ಕತಾರ್ನಲ್ಲಿ ನಡೆಯಲಿರುವ ವಿಶ್ವಕಪ್ 'ಖಂಡಿತ'ನನ್ನ ವೃತ್ತಿಜೀವನದ ಕೊನೆಯ ಟೂರ್ನಿಯಾಗಲಿದೆ ಎಂದು ಫುಟ್ಬಾಲ್ ದಿಗ್ಗಜ,ಅರ್ಜೆಂಟೀನಾತಂಡದ ನಾಯಕ ಲಿಯೋನೆಲ್ ಮೆಸ್ಸಿ ಗುರುವಾರ ಹೇಳಿದ್ದಾರೆ.</p>.<p>'ಇಎಸ್ಪಿಎನ್ ಅರ್ಜೆಂಟೀನಾ' ಜೊತೆ ಮಾತನಾಡಿರುವ 35 ವರ್ಷದ ಮೆಸ್ಸಿ, 'ಖಂಡಿತವಾಗಿಯೂ ಇದು ನನ್ನ ಕೊನೇ ವಿಶ್ವಕಪ್. ದೈಹಿಕವಾಗಿ ಉತ್ತಮವಾಗಿದ್ದೇನೆ ಎಂಬ ಭಾವನೆಯಿದೆ. ಕಳೆದ ವರ್ಷ ಸಾಧ್ಯವಾಗದಷ್ಟು ಉತ್ತಮ ಪ್ರದರ್ಶನವನ್ನು ಈ ವರ್ಷದ ವಿಶ್ವಕಪ್ ಪೂರ್ವ ಋತುವಿನಲ್ಲಿ ನೀಡಲು ಸಾಧ್ಯವಾಗಿದೆ. ಉತ್ತಮ ಮನಸ್ಥಿತಿ ಮತ್ತು ಸಾಕಷ್ಟು ಭರವಸೆಯೊಂದಿಗೆ ಮುನ್ನಡೆಯಲು ಇದು ಅತ್ಯಗತ್ಯವಾಗಿತ್ತು' ಎಂದಿದ್ದಾರೆ.</p>.<p>ಅಂತರರಾಷ್ಟ್ರೀಯ ಫುಟ್ಬಾಲ್ಗೆ2005ರಲ್ಲಿ ಪದಾರ್ಪಣೆ ಮಾಡಿರುವ ಮೆಸ್ಸಿ ಇದೀಗ ಐದನೇ ವಿಶ್ವಕಪ್ ಆಡಲು ಸಜ್ಜಾಗಿದ್ದಾರೆ. ಈ ವರೆಗೆ 164 ಪಂದ್ಯಗಳಲ್ಲಿ ಅರ್ಜೆಂಟೀನಾ ಪರ ಆಡಿರುವ ಮೆಸ್ಸಿ, ತಮ್ಮ ತಂಡದ ಪರ ಅತಿ ಹೆಚ್ಚು (90) ಗೋಲು ಗಳಿಸಿದ ಆಟಗಾರ ಎನಿಸಿದ್ದಾರೆ.</p>.<p>ವಿಶ್ವಕಪ್ ಕುರಿತು ಉತ್ಸುಕರಾಗಿರುವುದಾಗಿ ಪ್ಯಾರಿಸ್ನಲ್ಲಿ ನಡೆದ ಸಂದರ್ಶನದಲ್ಲಿ ಮೆಸ್ಸಿ ಹೇಳಿಕೊಂಡಿದ್ದಾರೆ.</p>.<p><strong>ಇದನ್ನೂ ಓದಿ:</strong><a href="https://www.prajavani.net/sports/football/lionel-messi-misses-cut-for-ballon-dor-list-of-nominees-962887.html" itemprop="url" target="_blank">‘ಬ್ಯಾಲನ್ ಡಿ ಒರ್’ ಪಟ್ಟಿ: 2005ರ ಬಳಿಕ ಇದೇ ಮೊದಲ ಬಾರಿಗೆ ಮೆಸ್ಸಿ ಹೊರಗೆ </a></p>.<p>'ವಿಶ್ವಕಪ್ ಬಗ್ಗೆ ಉತ್ಸುಕತೆ, ಉದ್ವೇಗ ಇದ್ದೇ ಇದೆ. ಪಂದ್ಯಾವಳಿ ಪ್ರಾರಂಭವಾಗುವವರೆಗೆ ಕಾಯಲು ಆಗುತ್ತಿಲ್ಲ' ಎಂದು ಹೇಳಿಕೊಂಡಿದ್ದಾರೆ. ಟೂರ್ನಿಯು ಇದೇ ವರ್ಷದ ನವೆಂಬರ್ನಲ್ಲಿ ಆರಂಭಗೊಳ್ಳಲಿದೆ.</p>.<p>2006ರಲ್ಲಿ ಜರ್ಮನಿ, 2010ರಲ್ಲಿ ದಕ್ಷಿಣ ಆಫ್ರಿಕಾ, 2014ರಲ್ಲಿ ಬ್ರೆಜಿಲ್ ಮತ್ತು 2018ರಲ್ಲಿ ರಷ್ಯಾದಲ್ಲಿ ನಡೆದ ವಿಶ್ವಕಪ್ ಟೂರ್ನಿಗಳಲ್ಲಿ ಮೆಸ್ಸಿ ಆಡಿದ್ದಾರೆ. 2014ರಲ್ಲಿ ಅರ್ಜೆಂಟೀನಾ ರನ್ನರ್ಸ್ ಅಪ್ ಆಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಈ ವರ್ಷ ಕತಾರ್ನಲ್ಲಿ ನಡೆಯಲಿರುವ ವಿಶ್ವಕಪ್ 'ಖಂಡಿತ'ನನ್ನ ವೃತ್ತಿಜೀವನದ ಕೊನೆಯ ಟೂರ್ನಿಯಾಗಲಿದೆ ಎಂದು ಫುಟ್ಬಾಲ್ ದಿಗ್ಗಜ,ಅರ್ಜೆಂಟೀನಾತಂಡದ ನಾಯಕ ಲಿಯೋನೆಲ್ ಮೆಸ್ಸಿ ಗುರುವಾರ ಹೇಳಿದ್ದಾರೆ.</p>.<p>'ಇಎಸ್ಪಿಎನ್ ಅರ್ಜೆಂಟೀನಾ' ಜೊತೆ ಮಾತನಾಡಿರುವ 35 ವರ್ಷದ ಮೆಸ್ಸಿ, 'ಖಂಡಿತವಾಗಿಯೂ ಇದು ನನ್ನ ಕೊನೇ ವಿಶ್ವಕಪ್. ದೈಹಿಕವಾಗಿ ಉತ್ತಮವಾಗಿದ್ದೇನೆ ಎಂಬ ಭಾವನೆಯಿದೆ. ಕಳೆದ ವರ್ಷ ಸಾಧ್ಯವಾಗದಷ್ಟು ಉತ್ತಮ ಪ್ರದರ್ಶನವನ್ನು ಈ ವರ್ಷದ ವಿಶ್ವಕಪ್ ಪೂರ್ವ ಋತುವಿನಲ್ಲಿ ನೀಡಲು ಸಾಧ್ಯವಾಗಿದೆ. ಉತ್ತಮ ಮನಸ್ಥಿತಿ ಮತ್ತು ಸಾಕಷ್ಟು ಭರವಸೆಯೊಂದಿಗೆ ಮುನ್ನಡೆಯಲು ಇದು ಅತ್ಯಗತ್ಯವಾಗಿತ್ತು' ಎಂದಿದ್ದಾರೆ.</p>.<p>ಅಂತರರಾಷ್ಟ್ರೀಯ ಫುಟ್ಬಾಲ್ಗೆ2005ರಲ್ಲಿ ಪದಾರ್ಪಣೆ ಮಾಡಿರುವ ಮೆಸ್ಸಿ ಇದೀಗ ಐದನೇ ವಿಶ್ವಕಪ್ ಆಡಲು ಸಜ್ಜಾಗಿದ್ದಾರೆ. ಈ ವರೆಗೆ 164 ಪಂದ್ಯಗಳಲ್ಲಿ ಅರ್ಜೆಂಟೀನಾ ಪರ ಆಡಿರುವ ಮೆಸ್ಸಿ, ತಮ್ಮ ತಂಡದ ಪರ ಅತಿ ಹೆಚ್ಚು (90) ಗೋಲು ಗಳಿಸಿದ ಆಟಗಾರ ಎನಿಸಿದ್ದಾರೆ.</p>.<p>ವಿಶ್ವಕಪ್ ಕುರಿತು ಉತ್ಸುಕರಾಗಿರುವುದಾಗಿ ಪ್ಯಾರಿಸ್ನಲ್ಲಿ ನಡೆದ ಸಂದರ್ಶನದಲ್ಲಿ ಮೆಸ್ಸಿ ಹೇಳಿಕೊಂಡಿದ್ದಾರೆ.</p>.<p><strong>ಇದನ್ನೂ ಓದಿ:</strong><a href="https://www.prajavani.net/sports/football/lionel-messi-misses-cut-for-ballon-dor-list-of-nominees-962887.html" itemprop="url" target="_blank">‘ಬ್ಯಾಲನ್ ಡಿ ಒರ್’ ಪಟ್ಟಿ: 2005ರ ಬಳಿಕ ಇದೇ ಮೊದಲ ಬಾರಿಗೆ ಮೆಸ್ಸಿ ಹೊರಗೆ </a></p>.<p>'ವಿಶ್ವಕಪ್ ಬಗ್ಗೆ ಉತ್ಸುಕತೆ, ಉದ್ವೇಗ ಇದ್ದೇ ಇದೆ. ಪಂದ್ಯಾವಳಿ ಪ್ರಾರಂಭವಾಗುವವರೆಗೆ ಕಾಯಲು ಆಗುತ್ತಿಲ್ಲ' ಎಂದು ಹೇಳಿಕೊಂಡಿದ್ದಾರೆ. ಟೂರ್ನಿಯು ಇದೇ ವರ್ಷದ ನವೆಂಬರ್ನಲ್ಲಿ ಆರಂಭಗೊಳ್ಳಲಿದೆ.</p>.<p>2006ರಲ್ಲಿ ಜರ್ಮನಿ, 2010ರಲ್ಲಿ ದಕ್ಷಿಣ ಆಫ್ರಿಕಾ, 2014ರಲ್ಲಿ ಬ್ರೆಜಿಲ್ ಮತ್ತು 2018ರಲ್ಲಿ ರಷ್ಯಾದಲ್ಲಿ ನಡೆದ ವಿಶ್ವಕಪ್ ಟೂರ್ನಿಗಳಲ್ಲಿ ಮೆಸ್ಸಿ ಆಡಿದ್ದಾರೆ. 2014ರಲ್ಲಿ ಅರ್ಜೆಂಟೀನಾ ರನ್ನರ್ಸ್ ಅಪ್ ಆಗಿತ್ತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
