ಹುಟ್ಟಿದ ಕಂದಮ್ಮನ ಕಳೆದುಕೊಂಡ ಫುಟ್‌ಬಾಲ್‌ ತಾರೆ ಕ್ರಿಸ್ಟಿಯಾನೊ ರೊನಾಲ್ಡೊ
ಮ್ಯಾಂಚೆಸ್ಟರ್‌ (ಬ್ರಿಟನ್‌): ಫುಟ್‌ಬಾಲ್‌ ತಾರೆ ಕ್ರಿಸ್ಟಿಯಾನೊ ರೊನಾಲ್ಡೊ ಅವರು ಹುಟ್ಟಿದ ಮಗನನ್ನು ಕಳೆದುಕೊಂಡಿರುವುದಾಗಿ ಸೋಮವಾರ ಪ್ರಕಟಿಸಿದ್ದಾರೆ.
'ಹೆಂಡತಿ ಜಾರ್ಜಿನಾ ರಾಡ್ರಿಗ್ವೆಜ್‌ ಮತ್ತು ನಾನು ಅವಳಿ ಮಕ್ಕಳ ನಿರೀಕ್ಷೆಯಲ್ಲಿದ್ದೇವೆ' ಎಂದು ಕಳೆದ ವರ್ಷ ಅಕ್ಟೋಬರ್‌ನಲ್ಲಿ ರೊನಾಲ್ಡೊ ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೊಂಡಿದ್ದರು.
ಹುಟ್ಟಿದ ಕಂದಮ್ಮನನ್ನು ಕಳೆದುಕೊಂಡಿರುವುದು ಮತ್ತು ಭರವಸೆಯಾಗಿ ಬಂದಿರುವ ಮಗಳ ಬಗ್ಗೆ ಪ್ರಕಟಿಸಿರುವ ಹೇಳಿಕೆಯನ್ನು ಮ್ಯಾಂಚೆಸ್ಟರ್‌ ಯುನೈಟೆಡ್‌ ಫಾರ್ವರ್ಡ್‌ನ ಟ್ವಿಟರ್‌ ಖಾತೆಯೂ ಹಂಚಿಕೊಂಡಿದೆ. 'ಕ್ರಿಸ್ಟಿಯಾನೊ, ನಿಮ್ಮ ನೋವು ನಮ್ಮ ನೋವೂ ಸಹ..' ಎಂದು ಟ್ವೀಟಿಸಿದೆ.
Your pain is our pain, @Cristiano 💔
— Manchester United (@ManUtd) April 18, 2022
Sending love and strength to you and the family at this time. https://t.co/24oyEV8CQi
'ನಮ್ಮ ಮಗ ಇನ್ನಿಲ್ಲ ಎಂಬುದನ್ನು ಅತ್ಯಂತ ನೋವಿನಲ್ಲಿಯೂ ತಿಳಿಸಬೇಕಿದೆ. ಇದು ಯಾವುದೇ ಪಾಲಕರಿಗೆ ಅತ್ಯಂತ ನೋವಿನ ಸಂಗತಿಯಾಗಿದೆ. ಹುಟ್ಟಿರುವ ಮಗಳು ಈಗ ನಮ್ಮ ಬದುಕಿಗೆ ಬಲ, ಭರವಸೆ ಮತ್ತು ಸಂತಸ ತಂದಿದ್ದಾಳೆ. ವೈದ್ಯರು, ಶುಶ್ರೂಷಕರು ನೀಡಿದ ಸಹಕಾರ ಮತ್ತು ಕಾಳಜಿಗೆ ಧನ್ಯವಾದಗಳು...' ಎಂದು ರೊನಾಲ್ಡೊ ಮತ್ತು ಅವರ ಪತ್ನಿ ಜಂಟಿ ಹೇಳಿಕೆ ಪ್ರಕಟಿಸಿದ್ದಾರೆ.
ರೊನಾಲ್ಡೊ ಮತ್ತು ರಾಡ್ರಿಗ್ವೆಜ್‌ ದಂಪತಿಗೆ ನಾಲ್ಕು ವರ್ಷದ ಮತ್ತೊಬ್ಬ ಮಗಳಿದ್ದಾಳೆ ಹಾಗೂ ರೊನಾಲ್ಡೊ ಮೊದಲ ಸಂಗಾತಿಗೆ ಮೂವರು ಮಕ್ಕಳಿದ್ದಾರೆ.
ರಿಯಲ್‌ ಮ್ಯಾಡ್ರಿಡ್‌ ಫುಟ್‌ಬಾಲ್‌ ಕ್ಲಬ್‌ ಕೂಡ ಸಂತಾಪ ಸೂಚಿಸಿ ವೆಬ್‌ಪುಟದಲ್ಲಿ ಪ್ರಕಟಿಸಿದೆ.
Official Announcement.#RealMadrid
— Real Madrid C.F. 🇬🇧🇺🇸 (@realmadriden) April 18, 2022
ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.