<p><strong>ನವದೆಹಲಿ</strong>: ಭಾರತ ಫುಟ್ಬಾಲ್ ತಂಡದ ಹೆಡ್ ಕೋಚ್ ಹುದ್ದೆಗೆ ಅರ್ಜಿ ಸಲ್ಲಿಸಿದವರಲ್ಲಿ ವಿಶ್ವಕಪ್ ಗೆದ್ದ ಸ್ಪೇನ್ ತಂಡದ ಮಿಡ್ಫೀಲ್ಡರ್ ಝಾವಿ ಹೆರ್ನಾಂಡಿಸ್ ಅವರೂ ಒಳಗೊಂಡಿರುವುದು ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ಗೆ ಅನಿರೀಕ್ಷಿತ ಖುಷಿ ತಂದಿದೆ. ಆದರೆ ಅವರ ಅರ್ಜಿಯನ್ನು ಪುರಸ್ಕರಿಸುವಂತೆಯೂ ಇಲ್ಲ.</p>.<p>45 ವರ್ಷ ವಯಸ್ಸಿನ ಝಾವಿ ಈ ಹುದ್ದೆಗೆ ಸ್ವಂತ ಇ–ಮೇಲ್ ಖಾತೆಯಿಂದಲೇ ಅರ್ಜಿ ಸಲ್ಲಿಸಿದ್ದಾರೆ ಎಂದು ತಿಳಿದುಬಂದಿದೆ. ಆದರೆ ವಿಶ್ವದ ಅತ್ಯಂತ ಶ್ರೇಷ್ಠ ಮಿಡ್ಫೀಲ್ಡರ್ಗಳಲ್ಲಿ ಒಬ್ಬರಾಗಿರುವ ಅರ್ಜಿಗೆ ಮನ್ನಣೆ ನೀಡಿದರೆ, ಅವರ ನೇಮಕ ಎಐಎಫ್ಎಫ್ಗೆ ‘ಬಿಳಿಯಾನೆ’ ಆಗಬಹುದು.</p>.<p>‘ನಿಜ, ಝಾವಿ ಅವರು ಸೀನಿಯರ್ ಫುಟ್ಬಾಲ್ ತಂಡದ ಹೆಡ್ ಕೋಚ್ ಸ್ಥಾನಕ್ಕೆ ಅರ್ಜಿ ಸಲ್ಲಿಸಿದ್ದಾರೆ. ಅವರು ತಮ್ಮ ಮೇಲ್ನಿಂದಲೇ ತಾಂತ್ರಿಕ ಸಮಿತಿ ಸದಸ್ಯರಿಗೆ ಅರ್ಜಿ ಸಲ್ಲಿಸಿದ್ದಾರೆ. ಅವರಿಗೆ ಈ ಸ್ಥಾನ ನಿರ್ವಹಿಸಲು ತುಂಬಾ ಆಸಕ್ತಿ ಇದ್ದಂತೆ ಕಾಣುತ್ತಿದೆ’ ಎಂದು ಎಐಎಫ್ಎಫ್ನ ಮೂಲವೊಂದು ಶುಕ್ರವಾರ ಪಿಟಿಐಗೆ ತಿಳಿಸಿದೆ.</p>.<p>ಆದರೆ ಅಂತಿಮವಾಗಿ ಫೆಡರೇಷನ್ ಸಮ್ಮತಿ ಪಡೆಯಲು ಕಾರ್ಯಕಾರಿ ಸಮಿತಿಗೆ ಆಯ್ದ ಕೋಚ್ಗಳನ್ನು ಶಿಫಾರಸು ಮಾಡುವ ತಾಂತ್ರಿಕ ಸಮಿತಿ ಸದಸ್ಯರಿಗೆ ಈ ಕೆಲಸ ಸುಲಭವಲ್ಲ ಎಂದು ತಿಳಿಯದ ವಿಚಾರವನೇಲ್ಲ.</p>.<p>ಗ್ರೀಸ್ ಮೂಲದ ಇಂಗ್ಲೆಂಡ್ನ ಸ್ಟೀಫನ್ ಕಾನ್ಸ್ಟಂಟಿನ್, ಸ್ಲೊವೇನಿಯಾದ ಸ್ಟಿಫಾನ್ ಟಾರ್ಕೊವಿಕ್ ಮತ್ತು ಭಾರತದವರೇ ಆಗಿರುವ ಖಾಲಿದ್ ಜಮಿಲ್ ಅವರು ಶಾರ್ಟ್ಲಿಸ್ಟ್ ಆದವರ ಪಟ್ಟಿಯಲ್ಲಿದ್ದಾರೆ. ಈ ಮೂವರಲ್ಲಿ ಜಮೀಲ್ ಹೆಸರು ಮುಂಚೂಣಿಯಲ್ಲಿದೆ.</p>.<p>ವರ್ಷದಿಂದ ತಂಡದ ನಿರ್ವಹಣೆ ಕಳಪೆಯಾದ ಕಾರಣ ಕೋಚ್ ಮನೊಲೊ ಮಾರ್ಕ್ವೆಝ್ ಅವರು ಹುದ್ದೆ ತೊರೆದ ಕಾರಣ ಆ ಸ್ಥಾನಕ್ಕೆ ನೇಮಕಾತಿ ಪ್ರಕ್ರಿಯೆ ನಡೆಯುತ್ತಿದೆ. ತಂಡ ವಿಶ್ವ ರ್ಯಾಂಕಿಂಗ್ನಲ್ಲಿ 133ನೇ ಸ್ಥಾನಕ್ಕೆ ಕುಸಿದಿದ್ದು, ಇದು 9 ವರ್ಷಗಳಲ್ಲೇ ಅತ್ಯಂತ ಕಡಿಮೆ ರ್ಯಾಂಕಿಂಗ್ ಆಗಿದೆ.</p>.<p>ಜುಲೈ 4ರಂದು ಎಐಎಫ್ಎಫ್ ಅರ್ಜಿಗಳನ್ನು ಆಹ್ವಾನಿಸಿದ್ದು, 13 ಕೊನೆಯ ದಿನವಾಗಿತ್ತು. ಲಿವರ್ಪೂಲ್ ತಾರೆಯರಾದ ರಾಬಿ ಫೌಲರ್, ಹ್ಯಾರಿ ಕೆವೆಲ್ ಅವರನ್ನೂ ಒಳಗೊಂಡು 170 ಅರ್ಜಿಗಳು ಸಲ್ಲಿಕೆಯಾಗಿದ್ದವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಭಾರತ ಫುಟ್ಬಾಲ್ ತಂಡದ ಹೆಡ್ ಕೋಚ್ ಹುದ್ದೆಗೆ ಅರ್ಜಿ ಸಲ್ಲಿಸಿದವರಲ್ಲಿ ವಿಶ್ವಕಪ್ ಗೆದ್ದ ಸ್ಪೇನ್ ತಂಡದ ಮಿಡ್ಫೀಲ್ಡರ್ ಝಾವಿ ಹೆರ್ನಾಂಡಿಸ್ ಅವರೂ ಒಳಗೊಂಡಿರುವುದು ಅಖಿಲ ಭಾರತ ಫುಟ್ಬಾಲ್ ಫೆಡರೇಷನ್ಗೆ ಅನಿರೀಕ್ಷಿತ ಖುಷಿ ತಂದಿದೆ. ಆದರೆ ಅವರ ಅರ್ಜಿಯನ್ನು ಪುರಸ್ಕರಿಸುವಂತೆಯೂ ಇಲ್ಲ.</p>.<p>45 ವರ್ಷ ವಯಸ್ಸಿನ ಝಾವಿ ಈ ಹುದ್ದೆಗೆ ಸ್ವಂತ ಇ–ಮೇಲ್ ಖಾತೆಯಿಂದಲೇ ಅರ್ಜಿ ಸಲ್ಲಿಸಿದ್ದಾರೆ ಎಂದು ತಿಳಿದುಬಂದಿದೆ. ಆದರೆ ವಿಶ್ವದ ಅತ್ಯಂತ ಶ್ರೇಷ್ಠ ಮಿಡ್ಫೀಲ್ಡರ್ಗಳಲ್ಲಿ ಒಬ್ಬರಾಗಿರುವ ಅರ್ಜಿಗೆ ಮನ್ನಣೆ ನೀಡಿದರೆ, ಅವರ ನೇಮಕ ಎಐಎಫ್ಎಫ್ಗೆ ‘ಬಿಳಿಯಾನೆ’ ಆಗಬಹುದು.</p>.<p>‘ನಿಜ, ಝಾವಿ ಅವರು ಸೀನಿಯರ್ ಫುಟ್ಬಾಲ್ ತಂಡದ ಹೆಡ್ ಕೋಚ್ ಸ್ಥಾನಕ್ಕೆ ಅರ್ಜಿ ಸಲ್ಲಿಸಿದ್ದಾರೆ. ಅವರು ತಮ್ಮ ಮೇಲ್ನಿಂದಲೇ ತಾಂತ್ರಿಕ ಸಮಿತಿ ಸದಸ್ಯರಿಗೆ ಅರ್ಜಿ ಸಲ್ಲಿಸಿದ್ದಾರೆ. ಅವರಿಗೆ ಈ ಸ್ಥಾನ ನಿರ್ವಹಿಸಲು ತುಂಬಾ ಆಸಕ್ತಿ ಇದ್ದಂತೆ ಕಾಣುತ್ತಿದೆ’ ಎಂದು ಎಐಎಫ್ಎಫ್ನ ಮೂಲವೊಂದು ಶುಕ್ರವಾರ ಪಿಟಿಐಗೆ ತಿಳಿಸಿದೆ.</p>.<p>ಆದರೆ ಅಂತಿಮವಾಗಿ ಫೆಡರೇಷನ್ ಸಮ್ಮತಿ ಪಡೆಯಲು ಕಾರ್ಯಕಾರಿ ಸಮಿತಿಗೆ ಆಯ್ದ ಕೋಚ್ಗಳನ್ನು ಶಿಫಾರಸು ಮಾಡುವ ತಾಂತ್ರಿಕ ಸಮಿತಿ ಸದಸ್ಯರಿಗೆ ಈ ಕೆಲಸ ಸುಲಭವಲ್ಲ ಎಂದು ತಿಳಿಯದ ವಿಚಾರವನೇಲ್ಲ.</p>.<p>ಗ್ರೀಸ್ ಮೂಲದ ಇಂಗ್ಲೆಂಡ್ನ ಸ್ಟೀಫನ್ ಕಾನ್ಸ್ಟಂಟಿನ್, ಸ್ಲೊವೇನಿಯಾದ ಸ್ಟಿಫಾನ್ ಟಾರ್ಕೊವಿಕ್ ಮತ್ತು ಭಾರತದವರೇ ಆಗಿರುವ ಖಾಲಿದ್ ಜಮಿಲ್ ಅವರು ಶಾರ್ಟ್ಲಿಸ್ಟ್ ಆದವರ ಪಟ್ಟಿಯಲ್ಲಿದ್ದಾರೆ. ಈ ಮೂವರಲ್ಲಿ ಜಮೀಲ್ ಹೆಸರು ಮುಂಚೂಣಿಯಲ್ಲಿದೆ.</p>.<p>ವರ್ಷದಿಂದ ತಂಡದ ನಿರ್ವಹಣೆ ಕಳಪೆಯಾದ ಕಾರಣ ಕೋಚ್ ಮನೊಲೊ ಮಾರ್ಕ್ವೆಝ್ ಅವರು ಹುದ್ದೆ ತೊರೆದ ಕಾರಣ ಆ ಸ್ಥಾನಕ್ಕೆ ನೇಮಕಾತಿ ಪ್ರಕ್ರಿಯೆ ನಡೆಯುತ್ತಿದೆ. ತಂಡ ವಿಶ್ವ ರ್ಯಾಂಕಿಂಗ್ನಲ್ಲಿ 133ನೇ ಸ್ಥಾನಕ್ಕೆ ಕುಸಿದಿದ್ದು, ಇದು 9 ವರ್ಷಗಳಲ್ಲೇ ಅತ್ಯಂತ ಕಡಿಮೆ ರ್ಯಾಂಕಿಂಗ್ ಆಗಿದೆ.</p>.<p>ಜುಲೈ 4ರಂದು ಎಐಎಫ್ಎಫ್ ಅರ್ಜಿಗಳನ್ನು ಆಹ್ವಾನಿಸಿದ್ದು, 13 ಕೊನೆಯ ದಿನವಾಗಿತ್ತು. ಲಿವರ್ಪೂಲ್ ತಾರೆಯರಾದ ರಾಬಿ ಫೌಲರ್, ಹ್ಯಾರಿ ಕೆವೆಲ್ ಅವರನ್ನೂ ಒಳಗೊಂಡು 170 ಅರ್ಜಿಗಳು ಸಲ್ಲಿಕೆಯಾಗಿದ್ದವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
