<p><strong>ಜೂಲ್, ಜರ್ಮನಿ:</strong> ಭಾರತದ ಗೌತಮಿ ಭನೋಟ್ ಮತ್ತು ಅಭಿನವ್ ಶಾ ಅವರು ಇಲ್ಲಿ ನಡೆಯುತ್ತಿರುವ ಐಎಸ್ಎಸ್ಎಫ್ ಜೂನಿಯರ್ ವಿಶ್ವಕಪ್ ಶೂಟಿಂಗ್ನ 10 ಮೀ. ಏರ್ ರೈಫಲ್ ಮಿಕ್ಸೆಡ್ ತಂಡ ವಿಭಾಗದಲ್ಲಿ ಚಿನ್ನ ಗೆದ್ದರು.</p>.<p>ಭಾನುವಾರ ನಡೆದ ಫೈನಲ್ನಲ್ಲಿ ಭಾರತದ ಜೋಡಿ 17–7 ರಲ್ಲಿ ಫ್ರಾನ್ಸ್ನ ಓಷಾನ್ ಮುಲ್ಲರ್ ಮತ್ತು ರೊಮೇನ್ ಆಫ್ರೆರ್ ಅವರನ್ನು ಮಣಿಸಿತು. ನಾರ್ವೆಯ ಪೆರ್ನೈಲ್ ನೋರ್ ವಾಲ್– ಜೆನ್ಸ್ ಓಲ್ಸ್ರುಡ್ ಜೋಡಿ ಕಂಚು ಜಯಿಸಿತು.</p>.<p>ಗೌತಮಿ ಮತ್ತು ಅಭಿವನ್ ಅವರು ಅರ್ಹತಾ ಹಂತದಲ್ಲಿ 628.3 ಪಾಯಿಂಟ್ಸ್ಗಳೊಂದಿಗೆ ಎರಡನೇ ಸ್ಥಾನ ಪಡೆದುಕೊಂಡಿದ್ದರು. ಕಣದಲ್ಲಿದ್ದ ಭಾರತದ ಇನ್ನೊಂದು ಜೋಡಿ ಸ್ವಾತಿ ಚೌಧರಿ– ಸಲೀಂ 624.3 ಪಾಯಿಂಟ್ಸ್ಗಳೊಂದಿಗೆ ಏಳನೇ ಸ್ಥಾನ ಗಳಿಸಿತು.</p>.<p>10 ಮೀ. ಏರ್ ಪಿಸ್ತೂಲ್ ಮಿಕ್ಸೆಡ್ ತಂಡ ವಿಭಾಗದಲ್ಲಿ ಭಾರತದ ಸೈನ್ಯಮ್– ಅಭಿನವ್ ಚೌಧರಿ ಜೋಡಿ ಬೆಳ್ಳಿ ಗೆದ್ದಿತು. ಭಾರತದ ಶೂಟರ್ಗಳು ಫೈನಲ್ನಲ್ಲಿ 12 ಪಾಯಿಂಟ್ಸ್ ಕಲೆಹಾಕಿದರೆ, 16 ಅವಕಾಶಗಳಲ್ಲಿ ನಿಖರ ಗುರಿ ಕಂಡುಕೊಂಡ ಜೂರಿ ಕಿಮ್– ಕಾಂಗ್ಹಿನ್ ಕಿಮ್ ಚಿನ್ನ ಜಯಿಸಿದರು.</p>.<p>ಸೈನ್ಯಮ್ ಅವರು ಏರ್ ಪಿಸ್ತೂಲ್ ವೈಯಕ್ತಿಕ ವಿಭಾಗದಲ್ಲಿ ಶನಿವಾರ ಚಿನ್ನ ಜಯಿಸಿದ್ದರು.</p>.<p>ಭಾರತದ ಸುರುಚಿ ಇಂದರ್ ಸಿಂಗ್ ಮತ್ತು ಶುಭಮ್ ಬಿಸ್ಲಾ ಅವರು ಕಂಚು ಪಡೆದುಕೊಂಡರು. ಮೂರನೇ ಸ್ಥಾನಕ್ಕಾಗಿ ನಡೆದ ಪೈಪೋಟಿಯಲ್ಲಿ ಅವರು 16 ಪಾಯಿಂಟ್ಸ್ ಗಳಿಸಿದರೆ, ಉಜ್ಬೆಕಿಸ್ತಾನದ ನಿಗಿನಾ ಸೈದ್ಕುಲೊವಾ– ಮುಹಮ್ಮದ್ ಕಮಲೋವ್ (14) ನಾಲ್ಕನೇ ಸ್ಥಾನ ಪಡೆದುಕೊಂಡರು.</p>.<p>ಸ್ಕೀಟ್ ವಿಭಾಗದಲ್ಲಿ ಕಣದಲ್ಲಿದ್ದ ಭಾರತದ ಶೂಟರ್ಗಳು ಅರ್ಹತಾ ಸುತ್ತು ದಾಟಲು ವಿಫಲರಾದರು.</p>.<p>ಜೂನಿಯರ್ ಪುರುಷರ ಸ್ಕೀಟ್ ವಿಭಾಗದಲ್ಲಿ ಋತುರಾಜ್ ಬುಂದೇಲಾ 116 ಸ್ಕೋರ್ಗಳೊಂದಿಗೆ 19ನೇ ಸ್ಥಾನ ಪಡೆದರೆ, ಅಭಯ್ ಸಿಂಗ್ ಸೆಖೋನ್ (115) ಅವರು 21ನೇ ಸ್ಥಾನ ಗಳಿಸಿದರು.</p>.<p>ಮಹಿಳೆಯರ ವಿಭಾಗದಲ್ಲಿ ರೈಜಾ ಧಿಲ್ಲೋನ್ 11ನೇ ಸ್ಥಾನ, ಮುಫದ್ದಲ್ ದೀಸಾವಾಲಾ 14 ಹಾಗೂ ಸಂಜನಾ ಸೂದ್ 16ನೇ ಸ್ಥಾನ ಪಡೆದುಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಜೂಲ್, ಜರ್ಮನಿ:</strong> ಭಾರತದ ಗೌತಮಿ ಭನೋಟ್ ಮತ್ತು ಅಭಿನವ್ ಶಾ ಅವರು ಇಲ್ಲಿ ನಡೆಯುತ್ತಿರುವ ಐಎಸ್ಎಸ್ಎಫ್ ಜೂನಿಯರ್ ವಿಶ್ವಕಪ್ ಶೂಟಿಂಗ್ನ 10 ಮೀ. ಏರ್ ರೈಫಲ್ ಮಿಕ್ಸೆಡ್ ತಂಡ ವಿಭಾಗದಲ್ಲಿ ಚಿನ್ನ ಗೆದ್ದರು.</p>.<p>ಭಾನುವಾರ ನಡೆದ ಫೈನಲ್ನಲ್ಲಿ ಭಾರತದ ಜೋಡಿ 17–7 ರಲ್ಲಿ ಫ್ರಾನ್ಸ್ನ ಓಷಾನ್ ಮುಲ್ಲರ್ ಮತ್ತು ರೊಮೇನ್ ಆಫ್ರೆರ್ ಅವರನ್ನು ಮಣಿಸಿತು. ನಾರ್ವೆಯ ಪೆರ್ನೈಲ್ ನೋರ್ ವಾಲ್– ಜೆನ್ಸ್ ಓಲ್ಸ್ರುಡ್ ಜೋಡಿ ಕಂಚು ಜಯಿಸಿತು.</p>.<p>ಗೌತಮಿ ಮತ್ತು ಅಭಿವನ್ ಅವರು ಅರ್ಹತಾ ಹಂತದಲ್ಲಿ 628.3 ಪಾಯಿಂಟ್ಸ್ಗಳೊಂದಿಗೆ ಎರಡನೇ ಸ್ಥಾನ ಪಡೆದುಕೊಂಡಿದ್ದರು. ಕಣದಲ್ಲಿದ್ದ ಭಾರತದ ಇನ್ನೊಂದು ಜೋಡಿ ಸ್ವಾತಿ ಚೌಧರಿ– ಸಲೀಂ 624.3 ಪಾಯಿಂಟ್ಸ್ಗಳೊಂದಿಗೆ ಏಳನೇ ಸ್ಥಾನ ಗಳಿಸಿತು.</p>.<p>10 ಮೀ. ಏರ್ ಪಿಸ್ತೂಲ್ ಮಿಕ್ಸೆಡ್ ತಂಡ ವಿಭಾಗದಲ್ಲಿ ಭಾರತದ ಸೈನ್ಯಮ್– ಅಭಿನವ್ ಚೌಧರಿ ಜೋಡಿ ಬೆಳ್ಳಿ ಗೆದ್ದಿತು. ಭಾರತದ ಶೂಟರ್ಗಳು ಫೈನಲ್ನಲ್ಲಿ 12 ಪಾಯಿಂಟ್ಸ್ ಕಲೆಹಾಕಿದರೆ, 16 ಅವಕಾಶಗಳಲ್ಲಿ ನಿಖರ ಗುರಿ ಕಂಡುಕೊಂಡ ಜೂರಿ ಕಿಮ್– ಕಾಂಗ್ಹಿನ್ ಕಿಮ್ ಚಿನ್ನ ಜಯಿಸಿದರು.</p>.<p>ಸೈನ್ಯಮ್ ಅವರು ಏರ್ ಪಿಸ್ತೂಲ್ ವೈಯಕ್ತಿಕ ವಿಭಾಗದಲ್ಲಿ ಶನಿವಾರ ಚಿನ್ನ ಜಯಿಸಿದ್ದರು.</p>.<p>ಭಾರತದ ಸುರುಚಿ ಇಂದರ್ ಸಿಂಗ್ ಮತ್ತು ಶುಭಮ್ ಬಿಸ್ಲಾ ಅವರು ಕಂಚು ಪಡೆದುಕೊಂಡರು. ಮೂರನೇ ಸ್ಥಾನಕ್ಕಾಗಿ ನಡೆದ ಪೈಪೋಟಿಯಲ್ಲಿ ಅವರು 16 ಪಾಯಿಂಟ್ಸ್ ಗಳಿಸಿದರೆ, ಉಜ್ಬೆಕಿಸ್ತಾನದ ನಿಗಿನಾ ಸೈದ್ಕುಲೊವಾ– ಮುಹಮ್ಮದ್ ಕಮಲೋವ್ (14) ನಾಲ್ಕನೇ ಸ್ಥಾನ ಪಡೆದುಕೊಂಡರು.</p>.<p>ಸ್ಕೀಟ್ ವಿಭಾಗದಲ್ಲಿ ಕಣದಲ್ಲಿದ್ದ ಭಾರತದ ಶೂಟರ್ಗಳು ಅರ್ಹತಾ ಸುತ್ತು ದಾಟಲು ವಿಫಲರಾದರು.</p>.<p>ಜೂನಿಯರ್ ಪುರುಷರ ಸ್ಕೀಟ್ ವಿಭಾಗದಲ್ಲಿ ಋತುರಾಜ್ ಬುಂದೇಲಾ 116 ಸ್ಕೋರ್ಗಳೊಂದಿಗೆ 19ನೇ ಸ್ಥಾನ ಪಡೆದರೆ, ಅಭಯ್ ಸಿಂಗ್ ಸೆಖೋನ್ (115) ಅವರು 21ನೇ ಸ್ಥಾನ ಗಳಿಸಿದರು.</p>.<p>ಮಹಿಳೆಯರ ವಿಭಾಗದಲ್ಲಿ ರೈಜಾ ಧಿಲ್ಲೋನ್ 11ನೇ ಸ್ಥಾನ, ಮುಫದ್ದಲ್ ದೀಸಾವಾಲಾ 14 ಹಾಗೂ ಸಂಜನಾ ಸೂದ್ 16ನೇ ಸ್ಥಾನ ಪಡೆದುಕೊಂಡರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
