ಭಾರತ ಸೈಕ್ಲಿಸ್ಟ್‌ಗಳಿಗೆ ಚಿನ್ನ, ಎರಡು ಬೆಳ್ಳಿ

ನವದೆಹಲಿ : ಭಾರತದ ಸೈಕ್ಲಿಸ್ಟ್ಗಳು, ಏಷ್ಯನ್ ಟ್ರ್ಯಾಕ್ ಸೈಕ್ಲಿಂಗ್ ಚಾಂಪಿಯನ್ಷಿಪ್ಸ್ನಲ್ಲಿ ಉತ್ತಮ ಆರಂಭ ಮಾಡಿದರು. ಬುಧವಾರ ಮಹಿಳೆಯರ ಜೂನಿಯರ್ ತಂಡ ಸ್ಪ್ರಿಂಟ್ ಸ್ಪರ್ಧೆಯಲ್ಲಿ ಚಿನ್ನದ ಪದಕ ಜಯಿಸಿತು. ಇದರ ಜೊತೆಗೆ ಭಾರತ ತಂಡ ಎರಡು ಬೆಳ್ಳಿ, ಒಂದು ಕಂಚಿನ ಪದಕವನ್ನೂ ತನ್ನದಾಗಿಸಿಕೊಂಡಿತು.

. ಸರಿತಾ ಕುಮಾರಿ, ನಿಯಾ ಸೆಬಾಸ್ಟಿಯನ್ ಮತ್ತು ಜೈನಾ ಮೊಹಮ್ಮದ್ ಅಲಿ ಪಿರ್ಖಾನ್ ಅವರನ್ನು ಒಳಗೊಂಡ ಭಾರತ ತಂಡ ಕೌಶಲ ಮತ್ತು ಸಾಂಘಿಕ ಪ್ರದರ್ಶನ ನೀಡಿ 54.383 ಸೆ.ಗಳಲ್ಲಿ ಗುರಿತಲುಪಿ, ಕೊರಿಯಾ ತಂಡವನ್ನು ಎರಡನೇ ಸ್ಥಾನಕ್ಕೆ ಸರಿಸಿತು.

. ‘ಏಷ್ಯಾದ ಬಲಾಢ್ಯ ತಂಡವನ್ನು ಸೋಲಿಸಿರುವುದು ನಮಗೆ ಕನಸಿನಂತೆ ಕಾಣುತ್ತಿದೆ. ತಂಡದ ಎಲ್ಲರ ಶ್ರಮದಿಂದ ಇದು ಸಾಧ್ಯವಾಗಿದೆ’ ಎಂದು ಸ್ಪರ್ಧೆಯ ನಂತರ ನಿಯಾ ಪ್ರತಿಕ್ರಿಯಿಸಿದರು.

. ಪ್ಯಾರಾ ಟೀಮ್ ಸ್ಪ್ರಿಂಟ್ ವಿಭಾಗದಲ್ಲಿ ಭಾರತ ತಂಡ (ಅರ್ಷದ್ ಶೇಕ್, ಜಲಾಲುದ್ದೀನ್ ಅನ್ಸಾರಿ ಮತ್ತು ಬಸವರಾಜ ಹೊರಡ್ಡಿ) 1ನಿ.02.661 ಸೆ.ಗಳ ಅವಧಿಯೊಡನೆ ರಜತ ಪದಕ ಪಡೆಯಿತು. ಮಲೇಷ್ಯಾ (52.284 ಸೆ.) ಚಿನ್ನ ಗೆದ್ದರೆ, ಸೌದಿ ಅರೇಬಿಯಾ ಕಂಚಿನ ಪದಕ ಗಳಿಸಿತು.

. ಜೂನಿಯರ್ ಟೀಮ್ ಸ್ಪ್ರಿಂಟ್ ರೇಸ್ನಲ್ಲಿ ಭಾರತ ಇನ್ನೊಂದು ಬೆಳ್ಳಿ ಪಡೆಯಿತು. ನಾರಾಯಣ ಮಹತೊ, ಸೈಯ್ಯದ್ ಖಾಲಿದ್ ಬಾಘಿ ಮತ್ತು ಮಯಂಗ್ಲಂಬಾಂ ವಟ್ಟಬಾ ಮೀಥಿ ಅವರಿದ್ದ ತಂಡ 47.93 ಸೆ. ತೆಗೆದುಕೊಂಡಿತು. ಕೊರಿಯಾದ ಸ್ಪರ್ಧಿಗಳನ್ನು ಹಿಂದೆಹಾಕಿದರು.

. ಮಹಿಳಾ ಜೂನಿಯರ್ ತಂಡ (ಹರ್ಷಿತಾ ಜಾಖಡ್, ಸುಹಾಣಿ ಕುಮಾರಿ, ಧನ್ಯದಾ ಜೆ.ಪಿ. ಮತ್ತು ಭೂಮಿಕಾ) ತೀವ್ರ ಹೋರಾಟ ಕಂಡ ಟೀಮ್ ಪರ್ಸ್ಯೂಟ್ ಸ್ಪರ್ಧೆಯಲ್ಲಿ ಕಂಚಿನ ಪದಕ ಪಡೆಯಿತು. ದಕ್ಷಿಣ ಕೊರಿಯಾ ಚಿನ್ನ ಗೆದ್ದರೆ, ಕಜಕಸ್ತಾನ ಬೆಳ್ಳಿಯ ಪದಕ ಗಳಿಸಿತು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಭಾರತ ಸೈಕ್ಲಿಸ್ಟ್‌ಗಳಿಗೆ ಚಿನ್ನ, ಎರಡು ಬೆಳ್ಳಿ

ಚಿನಕುರುಳಿ Cartoon: 11 ಜುಲೈ 2025

ಚುರುಮುರಿ: ಯಾಗ-ಯೋಗ!

ಚಿನಕುರುಳಿ Cartoon: 10 ಜುಲೈ 2025

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು

ಟೆಸ್ಟ್‌ನಲ್ಲಿ 1,000 ರನ್: ಇಂಗ್ಲೆಂಡ್‌ಗೆ ಆಸರೆಯಾಗುತ್ತಲೇ 2 ದಾಖಲೆ ಬರೆದ ಸ್ಮಿತ್

Lord's Test | ಬಿರುಗಾಳಿಯಾದ ಬೂಮ್ರಾ; ಇಂಗ್ಲೆಂಡ್‌ಗೆ ಆಸರೆಯಾದ ಜೆಮೀ ಸ್ಮಿತ್

ಭದ್ರತಾ ಪರಿಸ್ಥಿತಿ ಅವಲೋಕಿಸಿದ ಬಳಿಕ ಭಾರತಕ್ಕೆ ಹಾಕಿ ತಂಡ: ಪಾಕ್

ವಿದೇಶಿ ಪ್ರವಾಸಗಳಲ್ಲಿ ಕುಟುಂಬಸ್ಥರ ಉಪಸ್ಥಿತಿಗೆ ಮಿತಿ: ನಿಯಮ ಬೆಂಬಲಿಸಿದ ಗಂಭೀರ್

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ Cartoon: 11 ಜುಲೈ 2025

ಚುರುಮುರಿ: ಯಾಗ-ಯೋಗ!

ಚಿನಕುರುಳಿ Cartoon: 10 ಜುಲೈ 2025

ಸಿದ್ದರಾಮಯ್ಯ ಅವರ 'ನಾನೇ CM' ಹೇಳಿಕೆ ಬೆನ್ನಲ್ಲೇ ಖರ್ಗೆ ನಿವಾಸಕ್ಕೆ ಸಚಿವರ ದಂಡು