<p><strong>ಅಸ್ತಾನಾ</strong> : ಭಾರತದ ಮಹಿಳೆಯರ ಟೇಬಲ್ ಟೆನಿಸ್ ತಂಡವು ಬುಧವಾರ ಏಷ್ಯನ್ ಚಾಂಪಿಯನ್ಷಿಪ್ನಲ್ಲಿ ಐತಿಹಾಸಿಕ ಕಂಚಿನ ಸಾಧನೆ ಮಾಡಿದೆ. ಪುರುಷರ ತಂಡವು ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಮೂರನೇ ಬಾರಿ ಕನಿಷ್ಠ ಕಂಚಿನ ಪದಕವನ್ನು ಖಚಿತಪಡಿಸಿಕೊಂಡಿದೆ. </p>.<p>ಭಾರತದ ವನಿತೆಯರು ಸೆಮಿಫೈನಲ್ ಹಣಾಹಣಿಯಲ್ಲಿ 1–3ರಿಂದ ಜಪಾನ್ ವಿರುದ್ಧ ಸೋತು ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಂಡರು. ಏಷ್ಯನ್ ಚಾಂಪಿಯನ್ಷಿಪ್ನ ಮಹಿಳಾ ವಿಭಾಗದಲ್ಲಿ ಭಾರತಕ್ಕೆ ದಕ್ಕಿದ ಚೊಚ್ಚಲ ಪದಕ ಇದಾಗಿದೆ.</p>.<p>ಮಂಗಳವಾರ ನಡೆದ ಕ್ವಾರ್ಟರ್ಫೈನಲ್ನಲ್ಲಿ ಭಾರತದ ಮಹಿಳೆಯರು 3–2ರಿಂದ ಪ್ಯಾರಿಸ್ ಒಲಿಂಪಿಕ್ಸ್ ಕಂಚು ವಿಜೇತ ದಕ್ಷಿಣ ಕೊರಿಯಾ ತಂಡವನ್ನು ಮಣಿಸುವ ಮೂಲಕ ಪದಕ ಖಚಿತ ಪಡಿಸಿಕೊಂಡಿದ್ದರು.</p>.<p>ಎರಡನೇ ಶ್ರೇಯಾಂಕದ ಕೊರಿಯಾ ವಿರುದ್ಧ ಪ್ರಬಲ ಪ್ರದರ್ಶನ ತೋರಿದ್ದ ಭಾರತ, ನಾಲ್ಕನೇ ಶ್ರೇಯಾಂಕದ ಜಪಾನ್ ವಿರುದ್ಧ ಮುಗ್ಗರಿಸಿತು. ಅಚ್ಚರಿಯೆಂದರೆ ಭಾರತದ ಅಗ್ರಮಾನ್ಯ ಆಟಗಾರ್ತಿ ಶ್ರೀಜಾ ಅಕುಲಾ ಬೆಂಚ್ನಲ್ಲಿ ಉಳಿದಿದ್ದರು.</p>.<p>ಹಿಂದಿನ ಸುತ್ತಿನಲ್ಲಿ ಮಿಂಚಿದ್ದ ಐಹಿಕಾ ಮುಖರ್ಜಿ, ವಿಶ್ವದ ಏಳನೇ ಕ್ರಮಾಂಕದ ಮಿವಾ ಹರಿಮೊಟೊ ಅವರಿಗೆ ಪ್ರಬಲ ಪೈಪೋಟಿ ನೀಡಿ 8-11, 11-9, 8-11, 13-11, 7-4ರಿಂದ ಮಣಿದರು.</p>.<p>ಎರಡನೇ ಪಂದ್ಯದಲ್ಲಿ ಮಣಿಕಾ ಬಾತ್ರಾ 11-6, 11-5, 11-8ರಿಂದ ವಿಶ್ವದ 17ನೇ ರ್ಯಾಂಕ್ನ ಸತ್ಸುಕಿ ಓಡೋ ವಿರುದ್ಧ ಜಯ ಸಾಧಿಸುವುದರೊಂದಿಗೆ ತಂಡದ ಸ್ಕೋರನ್ನು 1–1 ಸಮಬಲಗೊಳಿಸಿದರು. ಆದರೆ, ಮೂರನೇ ಪಂದ್ಯದಲ್ಲಿ ಸುತೀರ್ಥ ಮುಖರ್ಜಿ 9–11, 4–11, 13–15 ರಿಂದ ಮಿಮಾ ಇಟೊ ಅವರಿಗೆ ಶರಣಾದರು.</p>.<p>ನಿರ್ಣಾಯಕ ನಾಲ್ಕನೇ ಪಂದ್ಯದಲ್ಲಿ ಮಣಿಕಾ ಅವರಿಗೆ ಹಿಂದಿನ ಫಾರ್ಮ್ ಅನ್ನು ಉಳಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಮಿವಾ ವಿರುದ್ಧ 11-6, 6-11, 11-2, 11-3ರಿಂದ ಮಣಿಕಾ ಸೋಲುವುದರಿಂದ ಭಾರತದ ಅಭಿಯಾನ ಕಂಚಿನೊಂದಿಗೆ ಮುಗಿಯಿತು.</p>.<p>ಸೆಮಿಗೆ ಪುರುಷರ ತಂಡ: ಭಾರತದ ಪುರುಷರ ತಂಡವು ಕ್ವಾರ್ಟರ್ ಫೈನಲ್ನಲ್ಲಿ 3–1ರಿಂದ ಕಜಕಿಸ್ತಾನವನ್ನು ಸೋಲಿಸಿ, ಸೆಮಿಫೈನಲ್ಗೆ ಲಗ್ಗೆ ಹಾಕಿತು.</p>.<p>ಮೊದಲ ಪಂದ್ಯದಲ್ಲಿ ವಿಶ್ವದ 60ನೇ ಕ್ರಮಾಂಕದ ಮಾನವ್ ಟಕ್ಕರ್ 11-9, 11-7, 11–6ರಿಂದ ಕಜಕಸ್ತಾನದ ಅಗ್ರಮಾನ್ಯ ಆಟಗಾರ ಕಿರಿಲ್ ಗೆರಾಸಿಮೆಂಕೊ ವಿರುದ್ಧ ಗೆಲುವು ಸಾಧಿಸಿ ಭಾರತಕ್ಕೆ ಮುನ್ನಡೆ ಒದಗಿಸಿದರು. ಆದರೆ, ಹರ್ಮೀತ್ ದೇಸಾಯಿ 6–11, 5–11, 8–11ರಿಂದ ಅಲನ್ ಕುರ್ಮಂಗಲಿಯೆವ್ ವಿರುದ್ಧ ಸೋಲುವ ಮೂಲಕ ಸ್ಕೋರ್ 1–1 ಸಮಬಲಗೊಂಡಿತು.</p>.<p>ಮೂರನೇ ಪಂದ್ಯದಲ್ಲಿ ಅನುಭವಿ ಶರತ್ ಕಮಲ್ 11-4, 11-7, 12-10ರಿಂದ ಐಡೋಸ್ ಕೆಂಜಿಗುಲೋವ್ ವಿರುದ್ಧ ಗೆದ್ದು ಭಾರತದ ಮುನ್ನಡೆಯನ್ನು 2–1ಕ್ಕೆ ಹೆಚ್ಚಿಸಿದರು. ನಾಲ್ಕನೇ ಪಂದ್ಯದಲ್ಲಿ ಹರ್ಮೀತ್ ಬಿರುಸಿನ ಬ್ಯಾಕ್ಹ್ಯಾಂಡ್ಗಳು ಮತ್ತು ಫೋರ್ಹ್ಯಾಂಡ್ ಹೊಡೆತದೊಂದಿಗೆ ಗೆರಾಸಿಮೆಂಕೊ ವಿರುದ್ಧ ಗೆಲುವು ಸಾಧಿಸುವುದರೊಂದಿಗೆ ತಂಡವು ನಾಲ್ಕರ ಘಟ್ಟಕ್ಕೆ ಮುನ್ನಡೆಯಿತು.</p>.<p>2023 ಮತ್ತು 2021ರ ಆವೃತ್ತಿಯಲ್ಲಿ ಕಂಚು ಗೆದ್ದಿರುವ ಭಾರತ ತಂಡವು, ಈ ಬಾರಿಯೂ ಕನಿಷ್ಠ ಕಂಚಿನ ಪದಕವನ್ನು ಖಚಿತ ಪಡಿಸಿಕೊಂಡಿದೆ. ಚೀನಾ ತೈಪೆ ಮತ್ತು ಜಪಾನ್ ನಡುವಿನ ಪಂದ್ಯದ ವಿಜೇತ ತಂಡವನ್ನು ಭಾರತ ಗುರುವಾರ ಸೆಮಿಫೈನಲ್ನಲ್ಲಿ ಎದುರಿಸಲಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಅಸ್ತಾನಾ</strong> : ಭಾರತದ ಮಹಿಳೆಯರ ಟೇಬಲ್ ಟೆನಿಸ್ ತಂಡವು ಬುಧವಾರ ಏಷ್ಯನ್ ಚಾಂಪಿಯನ್ಷಿಪ್ನಲ್ಲಿ ಐತಿಹಾಸಿಕ ಕಂಚಿನ ಸಾಧನೆ ಮಾಡಿದೆ. ಪುರುಷರ ತಂಡವು ಸೆಮಿಫೈನಲ್ ಪ್ರವೇಶಿಸುವ ಮೂಲಕ ಮೂರನೇ ಬಾರಿ ಕನಿಷ್ಠ ಕಂಚಿನ ಪದಕವನ್ನು ಖಚಿತಪಡಿಸಿಕೊಂಡಿದೆ. </p>.<p>ಭಾರತದ ವನಿತೆಯರು ಸೆಮಿಫೈನಲ್ ಹಣಾಹಣಿಯಲ್ಲಿ 1–3ರಿಂದ ಜಪಾನ್ ವಿರುದ್ಧ ಸೋತು ಕಂಚಿನ ಪದಕಕ್ಕೆ ತೃಪ್ತಿಪಟ್ಟುಕೊಂಡರು. ಏಷ್ಯನ್ ಚಾಂಪಿಯನ್ಷಿಪ್ನ ಮಹಿಳಾ ವಿಭಾಗದಲ್ಲಿ ಭಾರತಕ್ಕೆ ದಕ್ಕಿದ ಚೊಚ್ಚಲ ಪದಕ ಇದಾಗಿದೆ.</p>.<p>ಮಂಗಳವಾರ ನಡೆದ ಕ್ವಾರ್ಟರ್ಫೈನಲ್ನಲ್ಲಿ ಭಾರತದ ಮಹಿಳೆಯರು 3–2ರಿಂದ ಪ್ಯಾರಿಸ್ ಒಲಿಂಪಿಕ್ಸ್ ಕಂಚು ವಿಜೇತ ದಕ್ಷಿಣ ಕೊರಿಯಾ ತಂಡವನ್ನು ಮಣಿಸುವ ಮೂಲಕ ಪದಕ ಖಚಿತ ಪಡಿಸಿಕೊಂಡಿದ್ದರು.</p>.<p>ಎರಡನೇ ಶ್ರೇಯಾಂಕದ ಕೊರಿಯಾ ವಿರುದ್ಧ ಪ್ರಬಲ ಪ್ರದರ್ಶನ ತೋರಿದ್ದ ಭಾರತ, ನಾಲ್ಕನೇ ಶ್ರೇಯಾಂಕದ ಜಪಾನ್ ವಿರುದ್ಧ ಮುಗ್ಗರಿಸಿತು. ಅಚ್ಚರಿಯೆಂದರೆ ಭಾರತದ ಅಗ್ರಮಾನ್ಯ ಆಟಗಾರ್ತಿ ಶ್ರೀಜಾ ಅಕುಲಾ ಬೆಂಚ್ನಲ್ಲಿ ಉಳಿದಿದ್ದರು.</p>.<p>ಹಿಂದಿನ ಸುತ್ತಿನಲ್ಲಿ ಮಿಂಚಿದ್ದ ಐಹಿಕಾ ಮುಖರ್ಜಿ, ವಿಶ್ವದ ಏಳನೇ ಕ್ರಮಾಂಕದ ಮಿವಾ ಹರಿಮೊಟೊ ಅವರಿಗೆ ಪ್ರಬಲ ಪೈಪೋಟಿ ನೀಡಿ 8-11, 11-9, 8-11, 13-11, 7-4ರಿಂದ ಮಣಿದರು.</p>.<p>ಎರಡನೇ ಪಂದ್ಯದಲ್ಲಿ ಮಣಿಕಾ ಬಾತ್ರಾ 11-6, 11-5, 11-8ರಿಂದ ವಿಶ್ವದ 17ನೇ ರ್ಯಾಂಕ್ನ ಸತ್ಸುಕಿ ಓಡೋ ವಿರುದ್ಧ ಜಯ ಸಾಧಿಸುವುದರೊಂದಿಗೆ ತಂಡದ ಸ್ಕೋರನ್ನು 1–1 ಸಮಬಲಗೊಳಿಸಿದರು. ಆದರೆ, ಮೂರನೇ ಪಂದ್ಯದಲ್ಲಿ ಸುತೀರ್ಥ ಮುಖರ್ಜಿ 9–11, 4–11, 13–15 ರಿಂದ ಮಿಮಾ ಇಟೊ ಅವರಿಗೆ ಶರಣಾದರು.</p>.<p>ನಿರ್ಣಾಯಕ ನಾಲ್ಕನೇ ಪಂದ್ಯದಲ್ಲಿ ಮಣಿಕಾ ಅವರಿಗೆ ಹಿಂದಿನ ಫಾರ್ಮ್ ಅನ್ನು ಉಳಿಸಿಕೊಳ್ಳಲು ಸಾಧ್ಯವಾಗಲಿಲ್ಲ. ಮಿವಾ ವಿರುದ್ಧ 11-6, 6-11, 11-2, 11-3ರಿಂದ ಮಣಿಕಾ ಸೋಲುವುದರಿಂದ ಭಾರತದ ಅಭಿಯಾನ ಕಂಚಿನೊಂದಿಗೆ ಮುಗಿಯಿತು.</p>.<p>ಸೆಮಿಗೆ ಪುರುಷರ ತಂಡ: ಭಾರತದ ಪುರುಷರ ತಂಡವು ಕ್ವಾರ್ಟರ್ ಫೈನಲ್ನಲ್ಲಿ 3–1ರಿಂದ ಕಜಕಿಸ್ತಾನವನ್ನು ಸೋಲಿಸಿ, ಸೆಮಿಫೈನಲ್ಗೆ ಲಗ್ಗೆ ಹಾಕಿತು.</p>.<p>ಮೊದಲ ಪಂದ್ಯದಲ್ಲಿ ವಿಶ್ವದ 60ನೇ ಕ್ರಮಾಂಕದ ಮಾನವ್ ಟಕ್ಕರ್ 11-9, 11-7, 11–6ರಿಂದ ಕಜಕಸ್ತಾನದ ಅಗ್ರಮಾನ್ಯ ಆಟಗಾರ ಕಿರಿಲ್ ಗೆರಾಸಿಮೆಂಕೊ ವಿರುದ್ಧ ಗೆಲುವು ಸಾಧಿಸಿ ಭಾರತಕ್ಕೆ ಮುನ್ನಡೆ ಒದಗಿಸಿದರು. ಆದರೆ, ಹರ್ಮೀತ್ ದೇಸಾಯಿ 6–11, 5–11, 8–11ರಿಂದ ಅಲನ್ ಕುರ್ಮಂಗಲಿಯೆವ್ ವಿರುದ್ಧ ಸೋಲುವ ಮೂಲಕ ಸ್ಕೋರ್ 1–1 ಸಮಬಲಗೊಂಡಿತು.</p>.<p>ಮೂರನೇ ಪಂದ್ಯದಲ್ಲಿ ಅನುಭವಿ ಶರತ್ ಕಮಲ್ 11-4, 11-7, 12-10ರಿಂದ ಐಡೋಸ್ ಕೆಂಜಿಗುಲೋವ್ ವಿರುದ್ಧ ಗೆದ್ದು ಭಾರತದ ಮುನ್ನಡೆಯನ್ನು 2–1ಕ್ಕೆ ಹೆಚ್ಚಿಸಿದರು. ನಾಲ್ಕನೇ ಪಂದ್ಯದಲ್ಲಿ ಹರ್ಮೀತ್ ಬಿರುಸಿನ ಬ್ಯಾಕ್ಹ್ಯಾಂಡ್ಗಳು ಮತ್ತು ಫೋರ್ಹ್ಯಾಂಡ್ ಹೊಡೆತದೊಂದಿಗೆ ಗೆರಾಸಿಮೆಂಕೊ ವಿರುದ್ಧ ಗೆಲುವು ಸಾಧಿಸುವುದರೊಂದಿಗೆ ತಂಡವು ನಾಲ್ಕರ ಘಟ್ಟಕ್ಕೆ ಮುನ್ನಡೆಯಿತು.</p>.<p>2023 ಮತ್ತು 2021ರ ಆವೃತ್ತಿಯಲ್ಲಿ ಕಂಚು ಗೆದ್ದಿರುವ ಭಾರತ ತಂಡವು, ಈ ಬಾರಿಯೂ ಕನಿಷ್ಠ ಕಂಚಿನ ಪದಕವನ್ನು ಖಚಿತ ಪಡಿಸಿಕೊಂಡಿದೆ. ಚೀನಾ ತೈಪೆ ಮತ್ತು ಜಪಾನ್ ನಡುವಿನ ಪಂದ್ಯದ ವಿಜೇತ ತಂಡವನ್ನು ಭಾರತ ಗುರುವಾರ ಸೆಮಿಫೈನಲ್ನಲ್ಲಿ ಎದುರಿಸಲಿದೆ. </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
