ಬಾಲಕಿಯರ ವಿಭಾಗದಲ್ಲಿ ತಮಿಳುನಾಡಿನ ಆರಣ್ಯಾ ಆರ್. ಮತ್ತು ಪಶ್ಚಿಮ ಬಂಗಾಳದ ಅರ್ಪಿತಾಂಗ್ಶಿ ಭಟ್ಟಾಚಾರ್ಯ ತಲಾ ಎಂಟು ಪಾಯಿಂಟ್ಸ್ ಪಡೆದರೂ ಟೈಬ್ರೇಕ್ ಆಧಾರದಲ್ಲಿ ಕ್ರಮವಾಗಿ ಮೊದಲ, ಎರಡನೇ ಸ್ಥಾನ ಪಡೆದರು. ಪಶ್ಚಿಮ ಬಂಗಾಳದ ಸಾಯಿ ಆಸ್ತಾ ಸಿಂಗ್ (7.5) ಮೂರನೇ ಸ್ಥಾನ ಪಡೆದರೆ, ರಾಜಸ್ತಾನದ ಶ್ರೇಯಾಂಸಿ ಜೈನ್, ಪೌಶಿತಾ ಪಾಲಿವಾಲ್ (ತಲಾ 7) ಕ್ರಮವಾಗಿ ನಾಲ್ಕು ಮತ್ತು ಐದನೇ ಸ್ಥಾನ ಪಡೆದರು. ಮೊದಲ ಮೂರು ಸ್ಥಾನ ಪಡೆದವರು ಟ್ರೋಫಿ ಜೊತೆಗೆ ಕ್ರಮವಾಗಿ ₹50,000, ₹36,000 ಮತ್ತು ₹30,000 ಬಹುಮಾನ ಗಳಿಸಿದರು.
