ಗೆಲುವಿನೊಡನೆ ಎರಡನೇ ಸ್ಥಾನಕ್ಕೆ ಅರ್ಜುನ್

ಚೆನ್ನೈ : ವಿಶ್ವದ ಐದನೇ ಕ್ರಮಾಂಕದ ಆಟಗಾರ ಅರ್ಜುನ್ ಇರಿಗೇಶಿ ಅವರು ಅಮೆರಿಕದ ಗ್ರ್ಯಾಂಡ್ಮಾಸ್ಟರ್ ರೇ ರಾಬ್ಸನ್ ಅವರನ್ನು ಮಣಿಸಿ ಕ್ವಾಂಟ್ಬಾಕ್ಸ್ ಚೆನ್ನೈ ಗ್ರ್ಯಾಂಡ್ಮಾಸ್ಟರ್ಸ್ ಚೆಸ್ ಟೂರ್ನಿಯ ಮೂರನೇ ಸುತ್ತಿನ ಬಳಿಕ ಏಕಾಂಗಿಯಾಗಿ ಎರಡನೇ ಸ್ಥಾನಕ್ಕೇರಿದರು.

. ಒಂಬತ್ತು ಸುತ್ತುಗಳ ರೌಂಡ್ ರಾಬಿನ್ ಮಾದರಿಯ (ಕ್ಲಾಸಿಕಲ್ ಶೈಲಿಯ) ಈ ಟೂರ್ನಿಯಲ್ಲಿ ಇರಿಗೇಶಿ 2.5 ಪಾಯಿಂಟ್ಸ್ ಸಂಗ್ರಹಿಸಿದ್ದಾರೆ. ಜರ್ಮನಿಯ ವಿನ್ಸೆಂಟ್ ಪರಿಪೂರ್ಣ ಮೂರು ಅಂಕ ಗಳಿಸಿದ್ದು ಅಗ್ರಸ್ಥಾನದಲ್ಲಿ ಮುಂದುವರಿದಿದ್ದಾರೆ. ಕೀಮರ್ ಶನಿವಾರ ನಡೆದ ಪಂದ್ಯದಲ್ಲಿ ಭಾರತದ ಕಾರ್ತಿಕೇಯನ್ ಮುರಳಿ (1) ಅವರನ್ನು ಸೋಲಿಸಿದರು.

. ಭಾರತದ ಇನ್ನೊಬ್ಬ ಅನುಭವಿ ಆಟಗಾರ ಜಿಎಂ ವಿದಿತ್ ಗುಜರಾತಿ (1.5) ಶುಕ್ರವಾರ ಎದುರಾದ ಸೋಲಿನಿಂದ ಚೇತರಿಸಿ ಮೂರನೇ ಸುತ್ತಿನಲ್ಲಿ ಸ್ವದೇಶದ ನಿಹಾಲ್ ಸರಿನ್ (0.5) ಅವರನ್ನು ಮಣಿಸಿದರು.

. ಅಮೆರಿಕದ ಜಿಎಂ ಅವಾಂಡರ್ ಲಿಯಾಂಗ್ (1.5), ಡಚ್ ಗ್ರ್ಯಾಂಡ್ಮಾಸ್ಟರ್ ಜೋರ್ಡನ್ ವಾನ್ ಫೊರೀಸ್ಟ್ (1) ವಿರುದ್ಧ ಜಯಗಳಿಸಿದರು. ಇದು ಅಮೆರಿಕದ ಆಟಗಾರನಿಗೆ ಟೂರ್ನಿಯಲ್ಲಿ ಮೊದಲ ಜಯ.

. ಟೂರ್ನಿಯ ಕಿರಿಯ ಆಟಗಾರರಲ್ಲಿ ಒಬ್ಬರಾದ 18 ವರ್ಷ ವಯಸ್ಸಿನ ವಿ. ಪ್ರಣವ್ (1), ಅನುಭವಿ ಗ್ರ್ಯಾಂಡ್ಮಾಸ್ಟರ್ ಅನಿಶ್ ಗಿರಿ (ನೆದರ್ಲೆಂಡ್ಸ್, 1.5) ಅವರನ್ನು ಡ್ರಾಕ್ಕೆ ಒಳಪಡಿಸಿದ್ದು ಗಮನ ಸೆಳೆಯಿತು.

. ಚಾಲೆಂಜರ್ಸ್ ವಿಭಾಗದಲ್ಲಿ ಅಭಿಮನ್ಯು ಪುರಾಣಿಕ್ (2.5), ಸ್ವದೇಶದ ಜಿ.ಬಿ.ಹರ್ಷವರ್ಧನ್ (0.5) ಅವರನ್ನು ಸೋಲಿಸಿ ಉತ್ತಮ ಪ್ರದರ್ಶನ ಮುಂದುವರಿಸಿದರು. ಪ್ರಾಣೇಶ್ (2.5), ಸ್ವದೇಶದ ಇನಿಯನ್ (1.5) ವಿರುದ್ಧ ಗೆಲುವು ಪಡೆದರು.

. ಲಿಯಾನ್ ಮೆಂಡೋನ್ಸಾ (2), ಆರ್.ವೈಶಾಲಿ (1) ವಿರುದ್ಧ ಜಯಗಳಿಸಿದರು. ಉಳಿದೆರಡು ಪಂದ್ಯಗಳು ಡ್ರಾ ಆದವು. ಬಿ.ಅಧಿಬನ್ (1.5) ಅವರು ಡಿ.ಹಾರಿಕಾ (0.5) ಜೊತೆ, ಆರ್ಯನ್ ಚೋಪ್ರಾ (1), ದೀಪ್ತಾಯನ್ ಘೋಷ್ (2) ಜೊತೆ ಡ್ರಾ ಮಾಡಿಕೊಂಡರು.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಗೆಲುವಿನೊಡನೆ ಎರಡನೇ ಸ್ಥಾನಕ್ಕೆ ಅರ್ಜುನ್

ಚಿನಕುರುಳಿ Cartoon: 09 ಆಗಸ್ಟ್ 2025

ಚುರುಮುರಿ: ನವರಂಗಿ ನಾಟಕ!

ಕರ್ನಾಟಕದ 12 ಪಕ್ಷಗಳು ಸೇರಿ 334 ಪಕ್ಷಗಳನ್ನು ಕೈಬಿಟ್ಟ ಆಯೋಗ

ವಿಷ್ಣುವರ್ಧನ್ ಸಮಾಧಿ ತೆರವು: ಕೇಳಲು ಹಲವು ಪ್ರಶ್ನೆಗಳಿವೆ.. ಧ್ರುವ ಸರ್ಜಾ ಭಾವುಕ

ಕೆಎಸ್‌ಸಿಎ ಹೆಮ್ಮೆಯ ತಾಣಗಳ ವ್ಯಥೆ

ರಾಷ್ಟ್ರೀಯ ಚೆಸ್ ಟೂರ್ನಿ 16ರಿಂದ