<p><strong>ಬಟುಮಿ (ಜಾರ್ಜಿಯಾ</strong>): ಭಾರತದ ಗ್ರ್ಯಾಂಡ್ಮಾಸ್ಟರ್ ಕೋನೇರು ಹಂಪಿ ಅವರಿಗೆ ಫಿಡೆ ವಿಶ್ವ ಮಹಿಳಾ ಚೆಸ್ ಕಪ್ ಟೂರ್ನಿಯಲ್ಲಿ ನಾಲ್ಕನೇ ಶ್ರೇಯಾಂಕ ನೀಡಲಾಗಿದೆ. ಭಾನುವಾರ ಆರಂಭವಾಗುವ ಈ ಟೂರ್ನಿಯಲ್ಲಿ ಮೊದಲ ಮೂರು ಸ್ಥಾನ ಪಡೆದವರು ಕ್ಯಾಂಡಿಡೇಟ್ಸ್ ಟೂರ್ನಿಯಲ್ಲಿ ಆಡುವ ಅರ್ಹತೆ ಪಡೆಯಲಿದ್ದಾರೆ.</p><p>ಹಂಪಿ ಅವರು ಇಲ್ಲಿ ಫೇವರಿಟ್ಗಳಲ್ಲಿ ಒಬ್ಬರಾಗಿದ್ದಾರೆ.ಚೀನಾದ ಲೀ ಟಿಂಗ್ಜೀ, ಜಿನರ್ ಝೂ ಮತ್ತು ಝೊಂಗ್ವಿ ತಾನ್ ಅವರು ಕ್ರಮವಾಗಿ ಮೊದಲ, ಎರಡನೇ ಮತ್ತು ಮೂರನೇ ಶ್ರೆಯಾಂಕ ಪಡೆದಿದ್ದಾರೆ. ಆ ಮೂಲಕ ಈ ಮಹಿಳಾ ವಿಭಾಗದಲ್ಲಿ ಏಷ್ಯಾದ ಪಾರಮ್ಯ ಮುಂದುವರಿದಿದೆ.</p><p>ಕ್ಯಾಂಡಿಡೇಟ್ಸ್ ಟೂರ್ನಿಯಲ್ಲಿ ಎಂಟು ಮಂದಿಗೆ ಮಾತ್ರ ಆಡಲು ಅವಕಾಶ ಇದ್ದು ವಿಜೇತ ಆಟಗಾರ್ತಿ, ವಿಶ್ವ ಚಾಂಪಿಯನ್ಗೆ (ಪ್ರಸ್ತುತ ಚೀನಾ ವೆನ್ಜುನ್ ಜು) ಸವಾಲು ಹಾಕುವ ಅರ್ಹತೆ ಪಡೆಯಲಿದ್ದಾರೆ.</p><p>ಅಗ್ರ 21 ರೇಟೆಡ್ ಆಟಗಾರ್ತಿಯರಿಗೆ ನೇರವಾಗಿ ಎರಡನೇ ಸುತ್ತಿಗೆ ಬೈ ನೀಡಲಾಗಿದೆ. ಹಂಪಿ ಅವರ ಜೊತೆಗೆ ಭಾರತದ ಇನ್ನೂ ಕೆಲವು ಮಂದಿ ಈ ಟೂರ್ನಿಯಲ್ಲಿ ಭಾಗವಹಿಸುತ್ತಿ<br>ದ್ದಾರೆ. ಗ್ರ್ಯಾಂಡ್ಮಾಸ್ಟರ್ಗಳಾದ ದ್ರೋಣವಲ್ಲಿ ಹಾರಿಕ, ಆರ್.ವೈಶಾಲಿ, ಐಎಂ ದಿವ್ಯಾ ದೇಶಮುಖ್, ವಂತಿಕಾ ಅಗರವಾಲ್, ಪದ್ಮಿನಿ ರಾವುತ್, ಪಿ.ವಿ.ನಂದಿತಾ, ಮನಿಷಾ ಮೊಹಾಂತಿ ಮತ್ತು ಕೆ.ಪ್ರಿಯಾಂಕಾ ಅವರೂ ಭಾಗವಹಿಸಲಿದ್ದಾರೆ.</p><p>86 ಆಟಗಾರ್ತಿಯರು ಆಡುತ್ತಿರುವ ಈ ಟೂರ್ನಿ ನಾಕೌಟ್ ಮಾದರಿಯಲ್ಲಿ ನಡೆಯಲಿದೆ. ಮೊದಲ ಸುತ್ತಿನಲ್ಲಿ ಗೆಲ್ಲುವ 43 ಆಟಗಾರ್ತಿಯರು, ಎರಡನೇ ಸುತ್ತಿಗೆ ಬೈ ಪಡೆದ 21 ಆಟಗಾರ್ತಿಯರನ್ನು ಕೂಡಿಕೊಳ್ಳಲಿದ್ದಾರೆ.</p><p>ಪ್ರತಿ ಸುತ್ತು ಎರಡು ಕ್ಲಾಸಿಕಲ್ ಆಟಗಳನ್ನು ಒಳಗೊಂಡಿದೆ. ಒಂದು ವೇಳೆ ಡ್ರಾ ಆದಲ್ಲಿ ಮರುದಿನ (ವಿಶ್ರಾಂತಿ ದಿನ) ವಿಜೇತರನ್ನು ನಿರ್ಧರಿಸಲು ಅಲ್ಪಾವಧಿಯ ಟೈಬ್ರೇಕ್ ಪಂದ್ಯ ಆಡಬೇಕಾಗುತ್ತದೆ.</p><p>ರೇಟಿಂಗ್ ಪ್ರಕಾರ ಲೀ ಟಿಂಗ್ಜೀ ಸ್ಥಿರ ಪ್ರದರ್ಶನ ನೀಡುತ್ತಿದ್ದಾರೆ. ಆದರೆ ಜಿನರ್ ಝು ಇತ್ತೀಚಿನ ವರ್ಷಗಳಲ್ಲಿ ಅಮೋಘವಾಗಿ ಆಡುತ್ತಿದ್ದಾರೆ. ಒಲಿಂಪಿಯಾಡ್ನಲ್ಲಿ ಭಾರತದ ತಂಡ, ಚೀನಾವನ್ನು ಸೋಲಿಸಿದ್ದರೂ, ರೇಟಿಂಗ್ ಆಧಾರದಲ್ಲಿ ಚೀನಾ ಆಟಗಾರ್ತಿಯರು ಮುಂದೆಯಿದ್ದು ಫೇವರಿಟ್ ಎನಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬಟುಮಿ (ಜಾರ್ಜಿಯಾ</strong>): ಭಾರತದ ಗ್ರ್ಯಾಂಡ್ಮಾಸ್ಟರ್ ಕೋನೇರು ಹಂಪಿ ಅವರಿಗೆ ಫಿಡೆ ವಿಶ್ವ ಮಹಿಳಾ ಚೆಸ್ ಕಪ್ ಟೂರ್ನಿಯಲ್ಲಿ ನಾಲ್ಕನೇ ಶ್ರೇಯಾಂಕ ನೀಡಲಾಗಿದೆ. ಭಾನುವಾರ ಆರಂಭವಾಗುವ ಈ ಟೂರ್ನಿಯಲ್ಲಿ ಮೊದಲ ಮೂರು ಸ್ಥಾನ ಪಡೆದವರು ಕ್ಯಾಂಡಿಡೇಟ್ಸ್ ಟೂರ್ನಿಯಲ್ಲಿ ಆಡುವ ಅರ್ಹತೆ ಪಡೆಯಲಿದ್ದಾರೆ.</p><p>ಹಂಪಿ ಅವರು ಇಲ್ಲಿ ಫೇವರಿಟ್ಗಳಲ್ಲಿ ಒಬ್ಬರಾಗಿದ್ದಾರೆ.ಚೀನಾದ ಲೀ ಟಿಂಗ್ಜೀ, ಜಿನರ್ ಝೂ ಮತ್ತು ಝೊಂಗ್ವಿ ತಾನ್ ಅವರು ಕ್ರಮವಾಗಿ ಮೊದಲ, ಎರಡನೇ ಮತ್ತು ಮೂರನೇ ಶ್ರೆಯಾಂಕ ಪಡೆದಿದ್ದಾರೆ. ಆ ಮೂಲಕ ಈ ಮಹಿಳಾ ವಿಭಾಗದಲ್ಲಿ ಏಷ್ಯಾದ ಪಾರಮ್ಯ ಮುಂದುವರಿದಿದೆ.</p><p>ಕ್ಯಾಂಡಿಡೇಟ್ಸ್ ಟೂರ್ನಿಯಲ್ಲಿ ಎಂಟು ಮಂದಿಗೆ ಮಾತ್ರ ಆಡಲು ಅವಕಾಶ ಇದ್ದು ವಿಜೇತ ಆಟಗಾರ್ತಿ, ವಿಶ್ವ ಚಾಂಪಿಯನ್ಗೆ (ಪ್ರಸ್ತುತ ಚೀನಾ ವೆನ್ಜುನ್ ಜು) ಸವಾಲು ಹಾಕುವ ಅರ್ಹತೆ ಪಡೆಯಲಿದ್ದಾರೆ.</p><p>ಅಗ್ರ 21 ರೇಟೆಡ್ ಆಟಗಾರ್ತಿಯರಿಗೆ ನೇರವಾಗಿ ಎರಡನೇ ಸುತ್ತಿಗೆ ಬೈ ನೀಡಲಾಗಿದೆ. ಹಂಪಿ ಅವರ ಜೊತೆಗೆ ಭಾರತದ ಇನ್ನೂ ಕೆಲವು ಮಂದಿ ಈ ಟೂರ್ನಿಯಲ್ಲಿ ಭಾಗವಹಿಸುತ್ತಿ<br>ದ್ದಾರೆ. ಗ್ರ್ಯಾಂಡ್ಮಾಸ್ಟರ್ಗಳಾದ ದ್ರೋಣವಲ್ಲಿ ಹಾರಿಕ, ಆರ್.ವೈಶಾಲಿ, ಐಎಂ ದಿವ್ಯಾ ದೇಶಮುಖ್, ವಂತಿಕಾ ಅಗರವಾಲ್, ಪದ್ಮಿನಿ ರಾವುತ್, ಪಿ.ವಿ.ನಂದಿತಾ, ಮನಿಷಾ ಮೊಹಾಂತಿ ಮತ್ತು ಕೆ.ಪ್ರಿಯಾಂಕಾ ಅವರೂ ಭಾಗವಹಿಸಲಿದ್ದಾರೆ.</p><p>86 ಆಟಗಾರ್ತಿಯರು ಆಡುತ್ತಿರುವ ಈ ಟೂರ್ನಿ ನಾಕೌಟ್ ಮಾದರಿಯಲ್ಲಿ ನಡೆಯಲಿದೆ. ಮೊದಲ ಸುತ್ತಿನಲ್ಲಿ ಗೆಲ್ಲುವ 43 ಆಟಗಾರ್ತಿಯರು, ಎರಡನೇ ಸುತ್ತಿಗೆ ಬೈ ಪಡೆದ 21 ಆಟಗಾರ್ತಿಯರನ್ನು ಕೂಡಿಕೊಳ್ಳಲಿದ್ದಾರೆ.</p><p>ಪ್ರತಿ ಸುತ್ತು ಎರಡು ಕ್ಲಾಸಿಕಲ್ ಆಟಗಳನ್ನು ಒಳಗೊಂಡಿದೆ. ಒಂದು ವೇಳೆ ಡ್ರಾ ಆದಲ್ಲಿ ಮರುದಿನ (ವಿಶ್ರಾಂತಿ ದಿನ) ವಿಜೇತರನ್ನು ನಿರ್ಧರಿಸಲು ಅಲ್ಪಾವಧಿಯ ಟೈಬ್ರೇಕ್ ಪಂದ್ಯ ಆಡಬೇಕಾಗುತ್ತದೆ.</p><p>ರೇಟಿಂಗ್ ಪ್ರಕಾರ ಲೀ ಟಿಂಗ್ಜೀ ಸ್ಥಿರ ಪ್ರದರ್ಶನ ನೀಡುತ್ತಿದ್ದಾರೆ. ಆದರೆ ಜಿನರ್ ಝು ಇತ್ತೀಚಿನ ವರ್ಷಗಳಲ್ಲಿ ಅಮೋಘವಾಗಿ ಆಡುತ್ತಿದ್ದಾರೆ. ಒಲಿಂಪಿಯಾಡ್ನಲ್ಲಿ ಭಾರತದ ತಂಡ, ಚೀನಾವನ್ನು ಸೋಲಿಸಿದ್ದರೂ, ರೇಟಿಂಗ್ ಆಧಾರದಲ್ಲಿ ಚೀನಾ ಆಟಗಾರ್ತಿಯರು ಮುಂದೆಯಿದ್ದು ಫೇವರಿಟ್ ಎನಿಸಿದ್ದಾರೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
