<p><strong>ಪ್ಯಾರಿಸ್:</strong> ಅಗ್ರ ಶ್ರೇಯಾಂಕದ ಅರಿನಾ ಸಬಲೆಂಕಾ ಮತ್ತು ಒಲಿಂಪಿಕ್ ಚಾಂಪಿಯನ್ ಝೆಂಗ್ ಕ್ವಿನ್ವೆನ್ ಶುಕ್ರವಾರ ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ನಿರಾಯಾಸ ಗೆಲುವಿ ನೊಂದಿಗೆ ಮಹಿಳೆಯರ ಸಿಂಗಲ್ಸ್ನ ಪ್ರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.</p> <p>ರೋಲ್ಯಾಂಡ್ ಗ್ಯಾರೋಸ್ನಲ್ಲಿ ಹಿನ್ನೆಡೆಯಿಂದ ಚೇತರಿಸಿಕೊಂಡ ಎಂಟನೇ ಶ್ರೇಯಾಂಕದ ಲೊರೆಂಜೊ ಮುಸೆಟ್ಟಿ ಪುರುಷರ ಸಿಂಗಲ್ಸ್ನಲ್ಲಿ ನಾಲ್ಕನೇ ಸುತ್ತಿಗೆ ಮುನ್ನಡೆದರು.</p> <p>ಬೆಲಾರಸ್ನ ತಾರೆ ಸಬಲೆಂಕಾ 6-2, 6-3ರಿಂದ ಸರ್ಬಿಯಾದ ಎಡಗೈ ಆಟಗಾರ್ತಿ ಓಲ್ಗಾ ಡೇನಿಲೋವಿಕ್ ಅವರನ್ನು ಹಿಮ್ಮೆಟ್ಟಿಸಿದರು. 34ನೇ ಕ್ರಮಾಂಕದ ಓಲ್ಗಾ ಅವರನ್ನು ಕೇವಲ 79 ನಿಮಿಷದಲ್ಲಿ ಸಬಲೆಂಕಾ ಸೋಲಿಸಿದರು. </p> <p>ಮೂರು ಗ್ರ್ಯಾನ್ಸ್ಲಾಮ್ ಕಿರೀಟಗಳಿಗೆ ಒಡತಿಯಾಗಿರುವ ಸಬಲೆಂಕಾ ಇಲ್ಲಿ ಚೊಚ್ಚಲ ಪ್ರಶಸ್ತಿಯ ನಿರೀಕ್ಷೆಯಲ್ಲಿದ್ದಾರೆ. ಮುಂದಿನ ಸುತ್ತಿನಲ್ಲಿ ಅವರಿಗೆ 16ನೇ ಶ್ರೇಯಾಂಕದ ಅಮಂಡಾ ಅನಿಸಿಮೊವಾ ಎದುರಾಳಿಯಾಗಿದ್ದಾರೆ.</p> <p>ಎಂಟನೇ ಶ್ರೇಯಾಂಕದ ಝೆಂಗ್ 6-3, 6-4ರಿಂದ ಕೆನಡಾದ ವಿಕ್ಟೋರಿಯಾ ಎಂಬೊಕೊ ಅವರನ್ನು ಸೋಲಿಸಿದರು. ಕಳೆದ ವರ್ಷ ಪ್ಯಾರಿಸ್ ಒಲಿಂಪಿಕ್ಸ್ ನಲ್ಲಿ ಚಿನ್ನ ಗೆದ್ದಿರುವ ಚೀನಾ ಆಟಗಾರ್ತಿ ಈ ಗೆಲುವಿನೊಂದಿಗೆ ರೋಲ್ಯಾಂಡ್ ಗ್ಯಾರೋಸ್ನಲ್ಲಿ ಗೆಲುವಿನ ಓಟವನ್ನು ಒಂಬತ್ತು ಪಂದ್ಯಗಳಿಗೆ ವಿಸ್ತರಿಸಿಕೊಂಡರು.</p> <p>ಶ್ವಾಂಟೆಕ್ ಗೆಲುವಿನ ಓಟ: ಹಾಲಿ ಚಾಂಪಿಯನ್ ಇಗಾ ಶ್ವಾಂಟೆಕ್ ಮೂರನೇ ಸುತ್ತಿನಲ್ಲಿ 6-2, 7-5ರಿಂದ ರೊಮೇನಿಯಾದ ಜಾಕ್ವೆಲಿನ್ ಕ್ರಿಸ್ಟಿಯನ್ ಅವರನ್ನು ಸೋಲಿಸಿದರು.</p> <p>ಫ್ರೆಂಚ್ ಓಪನ್ನಲ್ಲಿ ತನ್ನ ಗೆಲುವಿನ ಓಟವನ್ನು 24 ಪಂದ್ಯಗಳಿಗೆ ವಿಸ್ತರಿಸಿಕೊಂಡ ಪೋಲೆಂಡ್ನ ಶ್ವಾಂಟೆಕ್ ಇಲ್ಲಿ ಹ್ಯಾಟ್ರಿಕ್ ಸೇರಿದಂತೆ ನಾಲ್ಕು ಬಾರಿ ಚಾಂಪಿಯನ್ ಆಗಿದ್ದಾರೆ. ಐದನೇ ಶ್ರೇಯಾಂಕದ ಅವರು ಇಲ್ಲಿ ಐದನೇ ಪ್ರಶಸ್ತಿ ಗೆಲ್ಲುವ ಛಲದಲ್ಲಿದ್ದಾರೆ.</p> <p>ಮುಸೆಟ್ಟಿಗೆ ಗೆಲುವು: ಇಟಲಿಯ ಮುಸೆಟ್ಟಿ 4-6, 6-4, 6-3, 6-2ರ ಸೆಟ್ಗಳಿಂದ ಅರ್ಜೆಂಟೀನಾದ ಮರಿಯಾನೊ ನವೋನ್ ಅವರ ಸವಾಲನ್ನು ಮೆಟ್ಟಿನಿಂತರು. ಮೊದಲ ಸೆಟ್ನಲ್ಲಿ ಶ್ರೇಯಾಂಕರಹಿತ ಮರಿಯಾನಿ ಮೇಲುಗೈ ಸಾಧಿಸಿದರೆ, ನಂತರದ ಮೂರು ಸೆಟ್ಗಳಲ್ಲಿ ಮುಸೆಟ್ಟಿ ಪಾರಮ್ಯ ಮೆರೆದರು. </p> <p>12ನೇ ಶ್ರೇಯಾಂಕದ ಟಾಮಿ ಪಾಲ್ 6-3, 3-6, 7-6 (9/7), 3-6, 6-3ರ ಐದು ಸೆಟ್ಗಳ ಹೋರಾಟದಲ್ಲಿ ರಷ್ಯಾದ ಕರೆನ್ ಖಚನೋವ್ (24ನೇ ಶ್ರೇಯಾಂಕ) ಅವರನ್ನು ಸೋಲಿಸಿದರು.</p> <h2>ಮೂರನೇ ಸುತ್ತಿಗೆ ಭಾಂಬ್ರಿ–ಗಾಲೊವೆ</h2><h2></h2><p>ಭಾರತದ ಯುಕಿ ಭಾಂಬ್ರಿ, ಅವರ ಅಮೆರಿಕನ್ ಜೊತೆಗಾರ ರಾಬರ್ಟ್ ಗಾಲೊವೆ ಅವರು ಪುರುಷರ ಡಬಲ್ಸ್ನಲ್ಲಿ ಮೂರನೇ ಸುತ್ತಿಗೆ ಮುನ್ನಡೆದರು. </p><p>ಭಾಂಬ್ರಿ–ಗಾಲೊವೆ ಜೋಡಿ 6-7(4), 7-6(7), 6-3ರ ಮೂರು ಸೆಟ್ಗಳ ರೋಚಕ ಹಣಾಹಣಿಯಲ್ಲಿ ಏಳನೇ ಶ್ರೇಯಾಂಕದ ನಿಕೋಲಾ ಮೆಕ್ಟಿಕ್ ಮತ್ತು ಮೈಕೆಲ್ ವೀನಸ್ (ಕ್ರೊಯೇಷ್ಯಾ) ಅವರಿಗೆ ಆಘಾತ ನೀಡಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಪ್ಯಾರಿಸ್:</strong> ಅಗ್ರ ಶ್ರೇಯಾಂಕದ ಅರಿನಾ ಸಬಲೆಂಕಾ ಮತ್ತು ಒಲಿಂಪಿಕ್ ಚಾಂಪಿಯನ್ ಝೆಂಗ್ ಕ್ವಿನ್ವೆನ್ ಶುಕ್ರವಾರ ಫ್ರೆಂಚ್ ಓಪನ್ ಟೆನಿಸ್ ಟೂರ್ನಿಯಲ್ಲಿ ನಿರಾಯಾಸ ಗೆಲುವಿ ನೊಂದಿಗೆ ಮಹಿಳೆಯರ ಸಿಂಗಲ್ಸ್ನ ಪ್ರಿ ಕ್ವಾರ್ಟರ್ ಫೈನಲ್ ಪ್ರವೇಶಿಸಿದರು.</p> <p>ರೋಲ್ಯಾಂಡ್ ಗ್ಯಾರೋಸ್ನಲ್ಲಿ ಹಿನ್ನೆಡೆಯಿಂದ ಚೇತರಿಸಿಕೊಂಡ ಎಂಟನೇ ಶ್ರೇಯಾಂಕದ ಲೊರೆಂಜೊ ಮುಸೆಟ್ಟಿ ಪುರುಷರ ಸಿಂಗಲ್ಸ್ನಲ್ಲಿ ನಾಲ್ಕನೇ ಸುತ್ತಿಗೆ ಮುನ್ನಡೆದರು.</p> <p>ಬೆಲಾರಸ್ನ ತಾರೆ ಸಬಲೆಂಕಾ 6-2, 6-3ರಿಂದ ಸರ್ಬಿಯಾದ ಎಡಗೈ ಆಟಗಾರ್ತಿ ಓಲ್ಗಾ ಡೇನಿಲೋವಿಕ್ ಅವರನ್ನು ಹಿಮ್ಮೆಟ್ಟಿಸಿದರು. 34ನೇ ಕ್ರಮಾಂಕದ ಓಲ್ಗಾ ಅವರನ್ನು ಕೇವಲ 79 ನಿಮಿಷದಲ್ಲಿ ಸಬಲೆಂಕಾ ಸೋಲಿಸಿದರು. </p> <p>ಮೂರು ಗ್ರ್ಯಾನ್ಸ್ಲಾಮ್ ಕಿರೀಟಗಳಿಗೆ ಒಡತಿಯಾಗಿರುವ ಸಬಲೆಂಕಾ ಇಲ್ಲಿ ಚೊಚ್ಚಲ ಪ್ರಶಸ್ತಿಯ ನಿರೀಕ್ಷೆಯಲ್ಲಿದ್ದಾರೆ. ಮುಂದಿನ ಸುತ್ತಿನಲ್ಲಿ ಅವರಿಗೆ 16ನೇ ಶ್ರೇಯಾಂಕದ ಅಮಂಡಾ ಅನಿಸಿಮೊವಾ ಎದುರಾಳಿಯಾಗಿದ್ದಾರೆ.</p> <p>ಎಂಟನೇ ಶ್ರೇಯಾಂಕದ ಝೆಂಗ್ 6-3, 6-4ರಿಂದ ಕೆನಡಾದ ವಿಕ್ಟೋರಿಯಾ ಎಂಬೊಕೊ ಅವರನ್ನು ಸೋಲಿಸಿದರು. ಕಳೆದ ವರ್ಷ ಪ್ಯಾರಿಸ್ ಒಲಿಂಪಿಕ್ಸ್ ನಲ್ಲಿ ಚಿನ್ನ ಗೆದ್ದಿರುವ ಚೀನಾ ಆಟಗಾರ್ತಿ ಈ ಗೆಲುವಿನೊಂದಿಗೆ ರೋಲ್ಯಾಂಡ್ ಗ್ಯಾರೋಸ್ನಲ್ಲಿ ಗೆಲುವಿನ ಓಟವನ್ನು ಒಂಬತ್ತು ಪಂದ್ಯಗಳಿಗೆ ವಿಸ್ತರಿಸಿಕೊಂಡರು.</p> <p>ಶ್ವಾಂಟೆಕ್ ಗೆಲುವಿನ ಓಟ: ಹಾಲಿ ಚಾಂಪಿಯನ್ ಇಗಾ ಶ್ವಾಂಟೆಕ್ ಮೂರನೇ ಸುತ್ತಿನಲ್ಲಿ 6-2, 7-5ರಿಂದ ರೊಮೇನಿಯಾದ ಜಾಕ್ವೆಲಿನ್ ಕ್ರಿಸ್ಟಿಯನ್ ಅವರನ್ನು ಸೋಲಿಸಿದರು.</p> <p>ಫ್ರೆಂಚ್ ಓಪನ್ನಲ್ಲಿ ತನ್ನ ಗೆಲುವಿನ ಓಟವನ್ನು 24 ಪಂದ್ಯಗಳಿಗೆ ವಿಸ್ತರಿಸಿಕೊಂಡ ಪೋಲೆಂಡ್ನ ಶ್ವಾಂಟೆಕ್ ಇಲ್ಲಿ ಹ್ಯಾಟ್ರಿಕ್ ಸೇರಿದಂತೆ ನಾಲ್ಕು ಬಾರಿ ಚಾಂಪಿಯನ್ ಆಗಿದ್ದಾರೆ. ಐದನೇ ಶ್ರೇಯಾಂಕದ ಅವರು ಇಲ್ಲಿ ಐದನೇ ಪ್ರಶಸ್ತಿ ಗೆಲ್ಲುವ ಛಲದಲ್ಲಿದ್ದಾರೆ.</p> <p>ಮುಸೆಟ್ಟಿಗೆ ಗೆಲುವು: ಇಟಲಿಯ ಮುಸೆಟ್ಟಿ 4-6, 6-4, 6-3, 6-2ರ ಸೆಟ್ಗಳಿಂದ ಅರ್ಜೆಂಟೀನಾದ ಮರಿಯಾನೊ ನವೋನ್ ಅವರ ಸವಾಲನ್ನು ಮೆಟ್ಟಿನಿಂತರು. ಮೊದಲ ಸೆಟ್ನಲ್ಲಿ ಶ್ರೇಯಾಂಕರಹಿತ ಮರಿಯಾನಿ ಮೇಲುಗೈ ಸಾಧಿಸಿದರೆ, ನಂತರದ ಮೂರು ಸೆಟ್ಗಳಲ್ಲಿ ಮುಸೆಟ್ಟಿ ಪಾರಮ್ಯ ಮೆರೆದರು. </p> <p>12ನೇ ಶ್ರೇಯಾಂಕದ ಟಾಮಿ ಪಾಲ್ 6-3, 3-6, 7-6 (9/7), 3-6, 6-3ರ ಐದು ಸೆಟ್ಗಳ ಹೋರಾಟದಲ್ಲಿ ರಷ್ಯಾದ ಕರೆನ್ ಖಚನೋವ್ (24ನೇ ಶ್ರೇಯಾಂಕ) ಅವರನ್ನು ಸೋಲಿಸಿದರು.</p> <h2>ಮೂರನೇ ಸುತ್ತಿಗೆ ಭಾಂಬ್ರಿ–ಗಾಲೊವೆ</h2><h2></h2><p>ಭಾರತದ ಯುಕಿ ಭಾಂಬ್ರಿ, ಅವರ ಅಮೆರಿಕನ್ ಜೊತೆಗಾರ ರಾಬರ್ಟ್ ಗಾಲೊವೆ ಅವರು ಪುರುಷರ ಡಬಲ್ಸ್ನಲ್ಲಿ ಮೂರನೇ ಸುತ್ತಿಗೆ ಮುನ್ನಡೆದರು. </p><p>ಭಾಂಬ್ರಿ–ಗಾಲೊವೆ ಜೋಡಿ 6-7(4), 7-6(7), 6-3ರ ಮೂರು ಸೆಟ್ಗಳ ರೋಚಕ ಹಣಾಹಣಿಯಲ್ಲಿ ಏಳನೇ ಶ್ರೇಯಾಂಕದ ನಿಕೋಲಾ ಮೆಕ್ಟಿಕ್ ಮತ್ತು ಮೈಕೆಲ್ ವೀನಸ್ (ಕ್ರೊಯೇಷ್ಯಾ) ಅವರಿಗೆ ಆಘಾತ ನೀಡಿತು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
