<p><strong>ನವದೆಹಲಿ</strong>: ಭಾರತದ ಗ್ರ್ಯಾಂಡ್ಮಾಸ್ಟರ್ ಅರ್ಜುನ್ ಇರಿಗೇಶಿ, ಮತ್ತೊಮ್ಮೆ ಅಮೋಘ ಆಟವಾಡಿ ಅರ್ಮೇನಿಯಾದ ಜೆರ್ಮುಕ್ನಲ್ಲಿ ನಡೆದ ಸ್ಟೆಪಾನ್ ಅವಗ್ಯಾನ್ ಸ್ಮಾರಕ ಚೆಸ್ ಟೂರ್ನಿಯಲ್ಲಿ ಒಂದು ಸುತ್ತು ಉಳಿದಿರುವಂತೆಯೇ ಪ್ರಶಸ್ತಿ ಗೆದ್ದುಕೊಂಡರು.</p>.<p>20 ವರ್ಷದ ಅರ್ಜುನ್, 9 ಸುತ್ತುಗಳ ಈ ಟೂರ್ನಿಯ ಎಂಟನೇ ಸುತ್ತಿನಲ್ಲಿ ರಷ್ಯಾದ ಗ್ರ್ಯಾಂಡ್ಮಾಸ್ಟರ್ ವೊಲೊಡರ್ ಮುರ್ಜಿನ್ ಅವರನ್ನು 63 ನಡೆಗಳಲ್ಲಿ ಸೋಲಿಸಿದರು. ಟೂರ್ನಿಯಲ್ಲಿ ಅಜೇಯರಾಗಿರುವ ಅವರು ನಾಲ್ಕು ಗೆಲುವು, ನಾಲ್ಕು ‘ಡ್ರಾ’ಗಳೊಂದಿಗೆ ಆರು ಪಾಯಿಂಟ್ಸ್ ಸಂಗ್ರಹಿಸಿದ್ದಾರೆ.</p>.<p>10 ಆಟಗಾರರ ಟೂರ್ನಿಯಲ್ಲಿ ಅವರು ಸಮೀಪದ ಸ್ಪರ್ಧಿಗಿಂತ 1.5 ಪಾಯಿಂಟ್ಸ್ ಮುನ್ನಡೆಯಲ್ಲಿದ್ದಾರೆ. ಮೂರು ಮಂದಿ ಆಟಗಾರರು ತಲಾ 4.5 ಪಾಯಿಂಟ್ಸ್ ಸಂಗ್ರಹಿಸಿ ಎರಡನೇ ಸ್ಥಾನದಲ್ಲಿದ್ದಾರೆ.</p>.<p>ಈ ಗೆಲುವಿನೊಡನೆ ಅವರು ಫಿಡೆ ಲೈವ್ ರೇಟಿಂಗ್ನಲ್ಲಿ ಜೀವನಶ್ರೇಷ್ಠ ನಾಲ್ಕನೇ ಸ್ಥಾನಕ್ಕೆ ಏರಿದ್ದಾರೆ. ಅವರು ಪ್ರಸ್ತುತ 2779.9 ರೇಟಿಂಗ್ ಹೊಂದಿದ್ದಾರೆ. ನಾರ್ವೆಯ ಮ್ಯಾಗ್ನಸ್ ಕಾರ್ಲ್ಸನ್, ಅಮೆರಿಕದ ಹಿಕಾರು ನಕಾಮುರಾ ಮತ್ತು ಫ್ಯಾಬಿಯಾನೊ ಕರುವಾನಾ ಅವರು ಮೊದಲ ಮೂರು ಸ್ಥಾನದಲ್ಲಿದ್ದಾರೆ.</p>.<p>‘ಈ ಟೂರ್ನಿಯಲ್ಲಿ ನನ್ನಿಂದ ಅತ್ಯುತ್ತಮ ಪ್ರದರ್ಶನ ಬಂದಿದೆ. ನಾನು ಅವಕಾಶಗಳನ್ನೆಲ್ಲಾ ಬಳಸಿದೆ. ಇಂಥ ಟೂರ್ನಿಗಳಲ್ಲಿ ಉತ್ತಮ ಸಾಧನೆ ತೋರುವುದು ಕಷ್ಟ. ಪೈಪೋಟೊ ಪ್ರಬಲವಾಗಿರುತ್ತದೆ. ನಾನು ಆಡುತ್ತಿರುವ ರೀತಿಯಿಂದ ಸಂತಸವಾಗಿದೆ’ ಎಂದು ಅರ್ಜುನ್ ಹೇಳಿದರು.</p>.<p>ಅರ್ಜುನ್ ಈ ವರ್ಷ ಉತ್ತಮ ಸಾಧನೆ ತೋರಿದ್ದಾರೆ. ಏಪ್ರಿಲ್ನಲ್ಲಿ ಮೆನೊರ್ಕಾ ಓಪನ್ನಲ್ಲಿ ಕಿರೀಟ ಧರಿಸಿದ್ದ ಅವರು ಟೆಪೆ ಸಿಗೆಮನ್ ಚೆಸ್ ಟೂರ್ನಿಯಲ್ಲಿ ಎರಡನೇ ಸ್ಥಾನ ಮತ್ತು ಶಾರ್ಜಾ ಮಾಸ್ಟರ್ಸ್ ಓಪನ್ ಟೂರ್ನಿಯಲ್ಲಿ ಜಂಟಿ ಐದನೇ ಸ್ಥಾನ ಪಡೆದಿದ್ದಾರೆ.</p>.<p>ಅಮೆರಿಕದ ಗ್ರ್ಯಾಂಡ್ಮಾಸ್ಟರ್ ಸಾಮ್ಯುಯೆಲ್ ಸೆವಿಯನ್ ಅವರು ಸ್ಥಳೀಯ ಗ್ರ್ಯಾಂಡ್ಮಾಸ್ಟರ್ ಮಾನ್ಯುಯೆಲ್ ಪೆಟ್ರೊಸಿಯನ್ ಜೊತೆ ‘ಡ್ರಾ’ ಮಾಡಿಕೊಂಡ ಕಾರಣ ರ್ಜುನ್ ಮುನ್ನಡೆಯ ಅಂತರ 1.5 ಪಾಯಿಂಟ್ಸ್ಗೇರಿತು.</p>.<p>ಅರ್ಜುನ್ ಅಂತಿಮ ಸುತ್ತಿನಲ್ಲಿ ಪೆಟ್ರೊಸಿಯನ್ ಅವರನ್ನು ಎದುರಿಸಲಿದ್ದಾರೆ. ಈ ಪಂದ್ಯ ಗೆದ್ದರೆ ಅವರ ಮತ್ತು ಈಗ ವಿಶ್ವ ಕ್ರಮಾಂಕದಲ್ಲಿ ಮೂರನೇ ಸ್ಥಾನದಲ್ಲಿರುವ ಕರುವಾನಾ (2795.6) ನಡುವಣ ರೇಟಿಂಗ್ ಅಂತರ ಕಡಿಮೆಯಾಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಭಾರತದ ಗ್ರ್ಯಾಂಡ್ಮಾಸ್ಟರ್ ಅರ್ಜುನ್ ಇರಿಗೇಶಿ, ಮತ್ತೊಮ್ಮೆ ಅಮೋಘ ಆಟವಾಡಿ ಅರ್ಮೇನಿಯಾದ ಜೆರ್ಮುಕ್ನಲ್ಲಿ ನಡೆದ ಸ್ಟೆಪಾನ್ ಅವಗ್ಯಾನ್ ಸ್ಮಾರಕ ಚೆಸ್ ಟೂರ್ನಿಯಲ್ಲಿ ಒಂದು ಸುತ್ತು ಉಳಿದಿರುವಂತೆಯೇ ಪ್ರಶಸ್ತಿ ಗೆದ್ದುಕೊಂಡರು.</p>.<p>20 ವರ್ಷದ ಅರ್ಜುನ್, 9 ಸುತ್ತುಗಳ ಈ ಟೂರ್ನಿಯ ಎಂಟನೇ ಸುತ್ತಿನಲ್ಲಿ ರಷ್ಯಾದ ಗ್ರ್ಯಾಂಡ್ಮಾಸ್ಟರ್ ವೊಲೊಡರ್ ಮುರ್ಜಿನ್ ಅವರನ್ನು 63 ನಡೆಗಳಲ್ಲಿ ಸೋಲಿಸಿದರು. ಟೂರ್ನಿಯಲ್ಲಿ ಅಜೇಯರಾಗಿರುವ ಅವರು ನಾಲ್ಕು ಗೆಲುವು, ನಾಲ್ಕು ‘ಡ್ರಾ’ಗಳೊಂದಿಗೆ ಆರು ಪಾಯಿಂಟ್ಸ್ ಸಂಗ್ರಹಿಸಿದ್ದಾರೆ.</p>.<p>10 ಆಟಗಾರರ ಟೂರ್ನಿಯಲ್ಲಿ ಅವರು ಸಮೀಪದ ಸ್ಪರ್ಧಿಗಿಂತ 1.5 ಪಾಯಿಂಟ್ಸ್ ಮುನ್ನಡೆಯಲ್ಲಿದ್ದಾರೆ. ಮೂರು ಮಂದಿ ಆಟಗಾರರು ತಲಾ 4.5 ಪಾಯಿಂಟ್ಸ್ ಸಂಗ್ರಹಿಸಿ ಎರಡನೇ ಸ್ಥಾನದಲ್ಲಿದ್ದಾರೆ.</p>.<p>ಈ ಗೆಲುವಿನೊಡನೆ ಅವರು ಫಿಡೆ ಲೈವ್ ರೇಟಿಂಗ್ನಲ್ಲಿ ಜೀವನಶ್ರೇಷ್ಠ ನಾಲ್ಕನೇ ಸ್ಥಾನಕ್ಕೆ ಏರಿದ್ದಾರೆ. ಅವರು ಪ್ರಸ್ತುತ 2779.9 ರೇಟಿಂಗ್ ಹೊಂದಿದ್ದಾರೆ. ನಾರ್ವೆಯ ಮ್ಯಾಗ್ನಸ್ ಕಾರ್ಲ್ಸನ್, ಅಮೆರಿಕದ ಹಿಕಾರು ನಕಾಮುರಾ ಮತ್ತು ಫ್ಯಾಬಿಯಾನೊ ಕರುವಾನಾ ಅವರು ಮೊದಲ ಮೂರು ಸ್ಥಾನದಲ್ಲಿದ್ದಾರೆ.</p>.<p>‘ಈ ಟೂರ್ನಿಯಲ್ಲಿ ನನ್ನಿಂದ ಅತ್ಯುತ್ತಮ ಪ್ರದರ್ಶನ ಬಂದಿದೆ. ನಾನು ಅವಕಾಶಗಳನ್ನೆಲ್ಲಾ ಬಳಸಿದೆ. ಇಂಥ ಟೂರ್ನಿಗಳಲ್ಲಿ ಉತ್ತಮ ಸಾಧನೆ ತೋರುವುದು ಕಷ್ಟ. ಪೈಪೋಟೊ ಪ್ರಬಲವಾಗಿರುತ್ತದೆ. ನಾನು ಆಡುತ್ತಿರುವ ರೀತಿಯಿಂದ ಸಂತಸವಾಗಿದೆ’ ಎಂದು ಅರ್ಜುನ್ ಹೇಳಿದರು.</p>.<p>ಅರ್ಜುನ್ ಈ ವರ್ಷ ಉತ್ತಮ ಸಾಧನೆ ತೋರಿದ್ದಾರೆ. ಏಪ್ರಿಲ್ನಲ್ಲಿ ಮೆನೊರ್ಕಾ ಓಪನ್ನಲ್ಲಿ ಕಿರೀಟ ಧರಿಸಿದ್ದ ಅವರು ಟೆಪೆ ಸಿಗೆಮನ್ ಚೆಸ್ ಟೂರ್ನಿಯಲ್ಲಿ ಎರಡನೇ ಸ್ಥಾನ ಮತ್ತು ಶಾರ್ಜಾ ಮಾಸ್ಟರ್ಸ್ ಓಪನ್ ಟೂರ್ನಿಯಲ್ಲಿ ಜಂಟಿ ಐದನೇ ಸ್ಥಾನ ಪಡೆದಿದ್ದಾರೆ.</p>.<p>ಅಮೆರಿಕದ ಗ್ರ್ಯಾಂಡ್ಮಾಸ್ಟರ್ ಸಾಮ್ಯುಯೆಲ್ ಸೆವಿಯನ್ ಅವರು ಸ್ಥಳೀಯ ಗ್ರ್ಯಾಂಡ್ಮಾಸ್ಟರ್ ಮಾನ್ಯುಯೆಲ್ ಪೆಟ್ರೊಸಿಯನ್ ಜೊತೆ ‘ಡ್ರಾ’ ಮಾಡಿಕೊಂಡ ಕಾರಣ ರ್ಜುನ್ ಮುನ್ನಡೆಯ ಅಂತರ 1.5 ಪಾಯಿಂಟ್ಸ್ಗೇರಿತು.</p>.<p>ಅರ್ಜುನ್ ಅಂತಿಮ ಸುತ್ತಿನಲ್ಲಿ ಪೆಟ್ರೊಸಿಯನ್ ಅವರನ್ನು ಎದುರಿಸಲಿದ್ದಾರೆ. ಈ ಪಂದ್ಯ ಗೆದ್ದರೆ ಅವರ ಮತ್ತು ಈಗ ವಿಶ್ವ ಕ್ರಮಾಂಕದಲ್ಲಿ ಮೂರನೇ ಸ್ಥಾನದಲ್ಲಿರುವ ಕರುವಾನಾ (2795.6) ನಡುವಣ ರೇಟಿಂಗ್ ಅಂತರ ಕಡಿಮೆಯಾಗಲಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>