ಯುರೋಪ್‌ನಲ್ಲಿ ಜುಲೈ 2ರಂದು ಮೊದಲ ಸ್ಪರ್ಧೆಯಲ್ಲಿ ಭಾಗವಹಿಸಿದ ನಂತರ ಹಿಮಾ ಗೆಲ್ಲುತ್ತಿರುವ ಐದನೇ ಚಿನ್ನ ಇದಾಗಿದೆ. ಅಂದು 200 ಮೀ. ಓಟವನ್ನು 23.65 ಸೆ.ಗಳಲ್ಲಿ ಪೂರೈಸಿ ಪೊಜ್ನಾನ್‌ ಗ್ರ್ಯಾನ್ ಪ್ರೀ ರೇಸ್‌ ಗೆದ್ದುಕೊಂಡಿದ್ದರು. ನಂತರ ಪೋಲೆಂಡ್‌ನಲ್ಲಿ ಜುಲೈ 7ರಂದು ಕುಂಟೊ ಅಥ್ಲೆಟಿಕ್‌ ಕೂಟದ 200 ಮೀ. ಓಟದಲ್ಲೂ (23.97 ಸೆ.) ಅಗ್ರಸ್ಥಾನ ಪಡೆದಿದ್ದರು. 13ರಂದು ಜೆಕ್‌ ಗಣರಾಜ್ಯದ ಕ್ಲಾಡ್ನೊ ಅಥ್ಲೆಟಿಕ್‌ ಕೂಟದಲ್ಲೂ ಅವರು ಈದೇ ಓಟದಲ್ಲಿ ಚಿನ್ನ ಗೆದ್ದಿದ್ದರು. ಕಳೆದ ಬುಧವಾರ ತಬೊರ್‌ ಅಥ್ಲೆಟಿಕ್‌ ಕೂಟದಲ್ಲೂ ಯಶಸ್ಸಿನ ಓಟ ಮುಂದುವರಿಸಿದ್ದರು.
