<p><strong>ನವದೆಹಲಿ</strong>: ಭಾರತ ಮಹಿಳಾ ಹಾಕಿ ತಂಡದ ಆಟಗಾರ್ತಿ ದೀಪಿಕಾ ಅವರು ವಿಶ್ವದ ಅಗ್ರಮಾನ್ಯ ತಂಡ ನೆದರ್ಲೆಂಡ್ಸ್ ವಿರುದ್ಧ 2024–25ರ ಸಾಲಿನ ಪ್ರೊ ಲೀಗ್ ಪಂದ್ಯದ ವೇಳೆ ಗಳಿಸಿದ ಅಮೋಘ ಫೀಲ್ಡ್ ಗೋಲು ‘ಪಾಲಿಗ್ರಾಸ್ ಮ್ಯಾಜಿಕ್ ಸ್ಕಿಲ್’ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದೆ.</p>.<p>ಚಮತ್ಕಾರಿಕ ಗೋಲು ಹೊಡೆಯುವ ಆಟಗಾರ್ತಿಗೆ ಈ ಪುರಸ್ಕಾರ ನೀಡಲಾಗುತ್ತಿದೆ. ಪಾಲಿಗ್ರಾಸ್ ಮ್ಯಾಜಿಕ್ ಸ್ಕಿಲ್ ಪ್ರಶಸ್ತಿಗೆ ನಾಮನಿರ್ದೇಶನಗಳನ್ನು ಶುಕ್ರವಾರ ಪ್ರಕಟಿಸಲಾಗಿದೆ. ಜುಲೈ 14ರ ಬೆಳಿಗ್ಗೆ 3.29ರವರೆಗೆ (ಭಾರತೀಯ ಕಾಲಮಾನ) ಮತದಾನಕ್ಕೆ ಗಡುವು ಇದೆ.</p>.<p>ಈ ವರ್ಷ (2024–25) ನಾಮನಿರ್ದೇಶನಗೊಂಡ ಗೋಲುಗಳಲ್ಲಿ ಯಾವುದು ಇಷ್ಟವಾಗಿದೆ ಎಂದು ಮತಹಾಕಲು ವಿಶ್ವದೆಲ್ಲೆಡೆಯ ಹಾಕಿ ಅಭಿಮಾನಿಗಳಿಗೆ ಅವಕಾಶ ಇದೆ.</p>.<p>ಫೆಬ್ರುವರಿಯಲ್ಲಿ ಭುವನೇಶ್ವರದ ಕಳಿಂಗ ಕ್ರೀಡಾಂಗಣದಲ್ಲಿ ನಡೆದ ಪ್ರೊ ಲೀಗ್ ಪಂದ್ಯದಲ್ಲಿ ದೀಪಿಕಾ ಅವರು ನೆದರ್ಲೆಂಡ್ಸ್ ವಿರುದ್ಧ ಈ ಗೋಲು ಗಳಿಸಿದ್ದರು. ಪಂದ್ಯ ನಿಗದಿತ ಅವಧಿಯಲ್ಲಿ 2–2 ಡ್ರಾ ಆದ ನಂತರ ವಿಜೇತರ ನಿರ್ಧಾರಕ್ಕೆ ನಡೆದ ಶೂಟೌಟ್ನಲ್ಲಿ ಭಾರತ ತಂಡ ಜಯಗಳಿಸಿತ್ತು.</p>.<p>ಭಾರತ ಎರಡು ಗೋಲುಗಳಿಂದ ಹಿಂದೆಯಿದ್ದಾಗ ದೀಪಿಕಾ ಅವರು ಆ ಅತ್ಯಾಕರ್ಷಕ ಫೀಲ್ಡ್ ಗೋಲು ಗಳಿಸಿದ್ದರು. ಎಡಭಾಗದಿಂದ ಚೆಂಡನ್ನು ಡ್ರಿಬಲ್ ಮಾಡುತ್ತ ಎದುರಾಳಿ ರಕ್ಷಣೆ ಆಟಗಾರ್ತಿಯ ಸ್ಟಿಕ್ ಮೇಲಿಂದ ಚೆಂಡನ್ನು ದಾಟಿಸಿ, ಗೋಲ್ ಕೀಪರ್ ಅವರನ್ನು ತಪ್ಪಿಸಿ ಗಳಿಸಿದ ಆ ಗೋಲು ಗಮನ ಸೆಳೆದಿತ್ತು.</p>.<p>‘ನೆದರ್ಲೆಂಡ್ಸ್ ಎದುರಿನ ಆ ಗೋಲು ನನ್ನ ಹಾಕಿ ಜೀವನದ ಅತ್ಯಂತ ವಿಶೇಷ ಕ್ಷಣಗಳಲ್ಲಿ ಒಂದು. ಎಲ್ಲವೂ ನಿರೀಕ್ಷೆಗೆ ತಕ್ಕಂತೆ ಸಾಗಿತು. ಆ ಗೋಲಿನಿಂದ ನಮಗೆ ಸ್ಕೋರ್ ಸಮಮಾಡಲು ಸಾಧ್ಯವಾಯಿತು. ಈ ಪ್ರಶಸ್ತಿ ನಾಮನಿರ್ದೇಶನ ಮಾಡಿದ್ದು ನನಗೆ ಗೌರವದ ಸಂಗತಿ’ ಎಂದಿದ್ದಾರೆ ದೀಪಿಕಾ.</p>.<p>ಸ್ಪೇನಿನ ಪೆಟ್ರೀಷಿಯಾ ಅಲ್ವಾರೆಝ್ (ಆಸ್ಟ್ರೇಲಿಯಾ ವಿರುದ್ಧ) ಮತ್ತು ಆಸ್ಟ್ರೇಲಿಯಾ ಆಟಗಾರ್ತಿಯರ ಸಾಂಘಿಕ ಗೋಲು (ಇಂಗ್ಲೆಂಡ್ ವಿರುದ್ಧ) ಸಹ ಈ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಭಾರತ ಮಹಿಳಾ ಹಾಕಿ ತಂಡದ ಆಟಗಾರ್ತಿ ದೀಪಿಕಾ ಅವರು ವಿಶ್ವದ ಅಗ್ರಮಾನ್ಯ ತಂಡ ನೆದರ್ಲೆಂಡ್ಸ್ ವಿರುದ್ಧ 2024–25ರ ಸಾಲಿನ ಪ್ರೊ ಲೀಗ್ ಪಂದ್ಯದ ವೇಳೆ ಗಳಿಸಿದ ಅಮೋಘ ಫೀಲ್ಡ್ ಗೋಲು ‘ಪಾಲಿಗ್ರಾಸ್ ಮ್ಯಾಜಿಕ್ ಸ್ಕಿಲ್’ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದೆ.</p>.<p>ಚಮತ್ಕಾರಿಕ ಗೋಲು ಹೊಡೆಯುವ ಆಟಗಾರ್ತಿಗೆ ಈ ಪುರಸ್ಕಾರ ನೀಡಲಾಗುತ್ತಿದೆ. ಪಾಲಿಗ್ರಾಸ್ ಮ್ಯಾಜಿಕ್ ಸ್ಕಿಲ್ ಪ್ರಶಸ್ತಿಗೆ ನಾಮನಿರ್ದೇಶನಗಳನ್ನು ಶುಕ್ರವಾರ ಪ್ರಕಟಿಸಲಾಗಿದೆ. ಜುಲೈ 14ರ ಬೆಳಿಗ್ಗೆ 3.29ರವರೆಗೆ (ಭಾರತೀಯ ಕಾಲಮಾನ) ಮತದಾನಕ್ಕೆ ಗಡುವು ಇದೆ.</p>.<p>ಈ ವರ್ಷ (2024–25) ನಾಮನಿರ್ದೇಶನಗೊಂಡ ಗೋಲುಗಳಲ್ಲಿ ಯಾವುದು ಇಷ್ಟವಾಗಿದೆ ಎಂದು ಮತಹಾಕಲು ವಿಶ್ವದೆಲ್ಲೆಡೆಯ ಹಾಕಿ ಅಭಿಮಾನಿಗಳಿಗೆ ಅವಕಾಶ ಇದೆ.</p>.<p>ಫೆಬ್ರುವರಿಯಲ್ಲಿ ಭುವನೇಶ್ವರದ ಕಳಿಂಗ ಕ್ರೀಡಾಂಗಣದಲ್ಲಿ ನಡೆದ ಪ್ರೊ ಲೀಗ್ ಪಂದ್ಯದಲ್ಲಿ ದೀಪಿಕಾ ಅವರು ನೆದರ್ಲೆಂಡ್ಸ್ ವಿರುದ್ಧ ಈ ಗೋಲು ಗಳಿಸಿದ್ದರು. ಪಂದ್ಯ ನಿಗದಿತ ಅವಧಿಯಲ್ಲಿ 2–2 ಡ್ರಾ ಆದ ನಂತರ ವಿಜೇತರ ನಿರ್ಧಾರಕ್ಕೆ ನಡೆದ ಶೂಟೌಟ್ನಲ್ಲಿ ಭಾರತ ತಂಡ ಜಯಗಳಿಸಿತ್ತು.</p>.<p>ಭಾರತ ಎರಡು ಗೋಲುಗಳಿಂದ ಹಿಂದೆಯಿದ್ದಾಗ ದೀಪಿಕಾ ಅವರು ಆ ಅತ್ಯಾಕರ್ಷಕ ಫೀಲ್ಡ್ ಗೋಲು ಗಳಿಸಿದ್ದರು. ಎಡಭಾಗದಿಂದ ಚೆಂಡನ್ನು ಡ್ರಿಬಲ್ ಮಾಡುತ್ತ ಎದುರಾಳಿ ರಕ್ಷಣೆ ಆಟಗಾರ್ತಿಯ ಸ್ಟಿಕ್ ಮೇಲಿಂದ ಚೆಂಡನ್ನು ದಾಟಿಸಿ, ಗೋಲ್ ಕೀಪರ್ ಅವರನ್ನು ತಪ್ಪಿಸಿ ಗಳಿಸಿದ ಆ ಗೋಲು ಗಮನ ಸೆಳೆದಿತ್ತು.</p>.<p>‘ನೆದರ್ಲೆಂಡ್ಸ್ ಎದುರಿನ ಆ ಗೋಲು ನನ್ನ ಹಾಕಿ ಜೀವನದ ಅತ್ಯಂತ ವಿಶೇಷ ಕ್ಷಣಗಳಲ್ಲಿ ಒಂದು. ಎಲ್ಲವೂ ನಿರೀಕ್ಷೆಗೆ ತಕ್ಕಂತೆ ಸಾಗಿತು. ಆ ಗೋಲಿನಿಂದ ನಮಗೆ ಸ್ಕೋರ್ ಸಮಮಾಡಲು ಸಾಧ್ಯವಾಯಿತು. ಈ ಪ್ರಶಸ್ತಿ ನಾಮನಿರ್ದೇಶನ ಮಾಡಿದ್ದು ನನಗೆ ಗೌರವದ ಸಂಗತಿ’ ಎಂದಿದ್ದಾರೆ ದೀಪಿಕಾ.</p>.<p>ಸ್ಪೇನಿನ ಪೆಟ್ರೀಷಿಯಾ ಅಲ್ವಾರೆಝ್ (ಆಸ್ಟ್ರೇಲಿಯಾ ವಿರುದ್ಧ) ಮತ್ತು ಆಸ್ಟ್ರೇಲಿಯಾ ಆಟಗಾರ್ತಿಯರ ಸಾಂಘಿಕ ಗೋಲು (ಇಂಗ್ಲೆಂಡ್ ವಿರುದ್ಧ) ಸಹ ಈ ಪ್ರಶಸ್ತಿಗೆ ನಾಮನಿರ್ದೇಶನಗೊಂಡಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
